ଭୁବନେଶ୍ୱର : ଅଗ୍ରଣୀ ଓଡ଼ିଶୀ ନୃତ୍ୟ ଅନୁଷ୍ଠାନ ସୃଜନ ସେପ୍ଟେଟମ୍ବର ୬ ତାରିଖରେ ରବୀନ୍ଦ୍ର ମଣ୍ଡପରେ ୨୮ ତମ ଓ.ଏମ୍.ସି. ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବ ଦ୍ୱିତୀୟ ସନ୍ଧ୍ୟା ଆୟୋଜିତ ହୋଇଥିଲା। ଉଦ୍ଘାଟନୀ ସନ୍ଧ୍ୟାରେ ବଂଶୀ ଉପରେ ପଣ୍ଡିତ ରୋନୁ ମଜୁମଦାର, ଜେମ୍ବେରେ ଉସ୍ତାଦ୍ ତୋଫିକ୍ କୁରେଶି ଏବଂ ତବଲାରେ ଇଶାନ୍ ଘୋଷଙ୍କ ସଂଗୀତର ଏକ ଚମତ୍କାର ମିଳନ ଦେଖିବାକୁ ମିଳିଥିଲା।
ମୁଖ୍ୟ ଅତିଥି ଭାବେ ଓଡିଆ ସଙ୍ଗୀତ ନାଟକ ଏକାଡ଼େମୀର ସଭାପତି ତଥା ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ଗୁରୁ ଅରୁଣା ମହାନ୍ତି; ବିଶିଷ୍ଟ ମର୍ଦ୍ଦଳ ବାଦକ ଗୁରୁ ଧନେଶ୍ୱର ସ୍ୱାଇଁ; ଗୁରୁ କେଳୁଚରଣ ମହାପାତ୍ର ଓଡ଼ିଶୀ ଗବେଷଣା କେନ୍ଦ୍ରର କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀଯୁକ୍ତ ସୁବୋଧ ଚନ୍ଦ୍ର ଆଚାର୍ଯ୍ୟ ଓ ପାରାଦୀପ ଫସଫେଟ୍ ଲିମିଟେଡ୍ର କର୍ପୋରେଟ୍ ଆଫେୟାର୍ସ ମୁଖ୍ୟ ଶ୍ରୀ ସୁଧୀ ରଂଜନ ମିଶ୍ରଙ୍କ ଦ୍ୱାରା ପ୍ରଦୀପ ପ୍ରଜ୍ୱଳନ ପରେ ଏକ ବୃନ୍ଧଗାୟନ ସହିତ ଏହି ଉତ୍ସବ ଆରମ୍ଭ ହୋଇଥିଲା। ପ୍ରଥମେ ସୁନାମଧନ୍ୟ ତଥା ପ୍ରତିଭାଶାଳୀ ଗାୟିକା ସୁଶ୍ରୀ ସୃଷ୍ଟି ସ୍ୱରୂପା ମିଶ୍ର, ପରେ ପ୍ରଖ୍ୟାତ ବିଦୁଷୀ ଗୀତା ଚନ୍ଦ୍ରନ୍ ଏବଂ ତାଙ୍କ ସଂଗୀତ ନାଟ୍ୟ ଭ୍ରୀକ୍ସା ନୃତ୍ୟ ସଂଗଠନର ଶିଳ୍ପୀମାନଙ୍କ ଦ୍ୱାରା ଭାରତନାଟ୍ୟମ୍ ନୃତ୍ୟ ପ୍ରଦର୍ଶୀତ ହୋଇଥିଲା।
ଗୁରୁ ରାମହରି ଦାସ ଏବଂ ଗୁରୁ ବ୍ରଜବନ୍ଧା ରଣସିଂହଙ୍କ ଅଧୀନରେ ୧୩ ବର୍ଷରୁ ଅଧିକ ତାଲିମ୍ (ପ୍ରଶିକ୍ଷଣ) ସହିତ, ସୃଷ୍ଟି ସ୍ୱରୂପା ମିଶ୍ର ଏକ ଉଦିୟମାନ ଓଡ଼ିଶୀ କଣ୍ଠଶିଳ୍ପୀ ଅଟନ୍ତି। ସେ ଜଣେ ଅଲ୍ ଇଣ୍ଡିଆ ରେଡିଓ କଳାକାର, ସେ ତିନିଥର ସମ୍ମାନଜନକ ରାଜ୍ୟପାଳ ପୁରସ୍କାର ପାଇଛନ୍ତି। ସେ ରାଗ ସରସ୍ୱତୀରେ ସରସ୍ୱତୀ ବନ୍ଦନା ସହିତ ତାଙ୍କର ସଙ୍ଗୀତ ଆରମ୍ଭ କରିଥିଲେ। ଏହି ଉପସ୍ଥାପନା ଦୁଇଟି ପରସ୍ପର ସହ ସଂଯୁକ୍ତ ତଲାସ୍ ତ୍ରିପଟା (୭ ବିଟ୍ ରେ) ଏବଂ ଝମ୍ପା (୧୦ ବିଟ୍ ରେ) ଉପରେ ଆଧାରିତ ଥିଲା।
ସନ୍ଧ୍ୟାର ଦ୍ୱିତୀୟ ଉପସ୍ଥାପନାରେ ଥିଲା ରାଗ ମୁଖାରୀ ଏବଂ ତାଳ ଏକତାଲିରେ ନିବଦ୍ଧ ହୋଇଥିବା ରାଗାଙ୍ଗ ଗାୟନ । କବିଚନ୍ଦ୍ର କାଲିଚରଣ ପଟ୍ଟନାୟକଙ୍କ ଦ୍ୱାରା ଲିଖିତ ପ୍ରବନ୍ଧ ସହିତ ଓଡ଼ିଶୀ ସଙ୍ଗୀତରେ ଭିନ୍ନ ଗାମାକୁ ସେ ଚିତ୍ରଣ କରିଥିଲେ। ତାଙ୍କର ତୃତୀୟ ତଥା ଅନ୍ତିମ ଉପସ୍ଥାପନା ଥିଲା କିଶୋର କବି ଶ୍ୟାମ ସୁନ୍ଦର ଦାସଙ୍କ ଦ୍ୱାରା ଲିଖିତ ପ୍ରବନ୍ଧ “ନାହି କେ କରିଦେଲ”, ଏକ ପାରମ୍ପାରିକ ତଥା ଲୋକପ୍ରିୟ ଓଡ଼ିଶୀ ରଚନା, ଚାରିଟି ତାଳ ଯଥା ଆଦିତାଳ, ତ୍ରିପଟା, ଏକତାଲି ଓ ଖେମଟା ଉପରେ ଆଧାରିତ ଥିଲା। ତାଙ୍କୁ ମର୍ଦଳରେ ଗୁରୁ ଧନେଶ୍ୱର ସ୍ୱାଇଁ ଓ ବେହେଲାରେ ଗୁରୁ ରମେଶ ଚନ୍ଦ୍ର ଦାସ ସହଯୋଗ କରିଥିଲେ।
ଆନ୍ତର୍ଜାତୀୟ ଖ୍ୟାତିସମ୍ପନ୍ନ ଭାରତନାଟ୍ୟମ୍ ନୃତ୍ୟ ପ୍ରଦର୍ଶିକା ବିଦୁଷୀ ଗୀତା ଚନ୍ଦ୍ରନ୍ ଏବଂ ତାଙ୍କ ସଂଗୀତ ନାଟ୍ୟ ଭ୍ରୀକ୍ସା ନୃତ୍ୟ ସଂଗଠନର ଶିଳ୍ପୀମାନେ ଭାରତନାଟ୍ୟମ ନୃତ୍ୟ ଉପସ୍ଥାପନା କରିଥିଲେ। ସେମାନେ ପ୍ରଥମେ ବିବିଧତା ମଧ୍ୟରେ ଏକତା ଜୟ ଭାରତ ଆଲାରିପୁ ପରେ ପରେ ବନ୍ଧୁତା ଓ ସମ୍ପର୍କ ଉପରେ ସଖୀ ସ୍ୱରମ୍ ପ୍ରସ୍ତୁତ କରିଥିଲେ।
ତା ପରେ ଏକକ ନୃତ୍ୟରେ ଗୀତା ଚନ୍ଦ୍ରନ୍ ନିଜେ ପରିବେଷଣ କରିଥିଲେ ଲାବଣ୍ୟତ୍ୱମ ଏବଂ ଶେଷରେ ଶିଳ୍ପୀମାନେ ଋତୁ ସଂହାରମ୍ ଆଧାରରେ ଋତୁ ଚକ୍ର ପରିବେସିତ କରିଥିଲେ। ସେମାନଙ୍କର ସମକାଳୀନ ଏବଂ ବଳିଷ୍ଠ ପ୍ରଦର୍ଶନ ସେମାନଙ୍କର ବୈଷୟିକ ପ୍ରବୃତ୍ତି ଏବଂ ସୃଜନଶୀଳ ଅଭିବ୍ୟକ୍ତିକୁ ପ୍ରତିଫଳିତ କରିଥିଲା। ଶ୍ରୀ ମିଲନ୍ଦ ଶ୍ରୀବାସ୍ତବଙ୍କ ସକ୍ଷମ ଆଲୋକ ଡିଜାଇନ୍ ଏବଂ ଶ୍ରୀ ସି ଆନନ୍ଦ କୃଷ୍ଣଙ୍କ ସାଉଣ୍ଡ ଇଞ୍ଜିନିୟରିଂ ସେମାନଙ୍କର ନୃତ୍ୟକୁ ଦ୍ୱିଗୁଣିତ କରିଥିଲା।
ତୃତୀୟ ସନ୍ଧ୍ୟାରେ ଶିବାଗ୍ନି, ଏକ ସଙ୍ଗୀତ କାର୍ଯ୍ୟକ୍ରମ ଯାହାକି ନିଜ ନିଜ କ୍ଷେତ୍ରର ସମସ୍ତ ଶୀର୍ଷ ମାନ୍ୟତପ୍ରାପ୍ତ ବିଶିଷ୍ଟ କଳାକାରଙ୍କ ସହିତ ପ୍ରଦର୍ଶିତ ହେବ, ଯେଉଁମାନେ ସମସ୍ତେ ଓଡିଶାରେ ଅବସ୍ଥାପିତ। ବେହେଲାରେ ଶ୍ରୀ ଅଗ୍ନିମିତ୍ର ବେହେରା ଏବଂ ବଂଶୀରେ ଶ୍ରୀ ଶ୍ରୀନିବାସ ସତପଥୀଙ୍କ ସହିତ ଅନ୍ୟାନ୍ୟ କଳାକାରମାନେ ଏଥିରେ ଅଂଶ ଗ୍ରହଣ କରିବେ।
ସୃଜନ ଅନୁଷ୍ଠାନର ଫେସବୁକ୍ ପେଜ୍ ଏବଂ ୟୁଟ୍ୟୁବ୍ ଚ୍ୟାନେଲରେ ସିଧା ପ୍ରସାରଣ କରାଯାଉଛି। ଏହି ଉତ୍ସବର ପରିକଳ୍ପନା ଗୁରୁ ରତିକାନ୍ତ ମହାପାତ୍ରଙ୍କ ଦ୍ୱାରା କରାଯାଇଥିବା ବେଳେ ଏହାକୁ କାର୍ଯ୍ୟକାରୀ ଶ୍ରୀ ଦେବୀପ୍ରସାଦ ମିଶ୍ରଙ୍କ ଦ୍ୱାରା କରାଯାଇଛି। ଏହି କାର୍ଯ୍ୟକ୍ରମଟିକୁ ଡଃ. ମୃତ୍ୟୁଞ୍ଜୟ ରଥ ଓ ଅନୁଜା ତାରିଣୀ ମିଶ୍ର ପରିଚାଳନା କରିଥିଲେ।