ନୂଆଦିଲ୍ଲୀ, କୋଭିଡ 19 କଟକଣା ପାଇଁ ଚଳିତ ବର୍ଷ ରଥଯାତ୍ରାକୁ ବନ୍ଦ କରାଯାଉ। ଏହିପରି ଏକ ବଡ ରାୟ ଶୁଣାଇଛନ୍ତି ସୁପ୍ରିମକୋର୍ଟ। ଆଜି ରଥଯାତ୍ରା ହେବ କି ନାହିଁ ସେ ନେଇ ସୁପ୍ରିମକୋର୍ଟରେ ଏକ ଶୁଣାଣି ଥିଲା। ଏହାକୁ ବନ୍ଦ କରାଯାଉ ବୋଲି ଓଡିଶା ବିକାଶ ପରିଷଦ ତରଫରୁ ଏକ ମାମଲା ଦାୟର କରାଯାଇଥିଲା। ତାହାକୁ ଗ୍ରହଣ କରି ସୁପ୍ରିମକୋର୍ଟ ଏହି ରାୟ ଶୁଣାଇଛନ୍ତି। ଫଳରେ ଏଥର ରଥଯାତ୍ରା ନେଇ ଯେଉଁ ସନ୍ଦେହ ଥିଲା ତାହା ଏକ ପ୍ରକାରର ଦୂର ହୋଇଛି।
ସୁପ୍ରିମକୋର୍ଟ ତାଙ୍କ ରାୟରେ କହିଛନ୍ତି ଯେ, ରଥଯାତ୍ରା ହେଉଛି ଏକ ବଡ ଧାର୍ମିକ ପର୍ବ। ଏହି ପର୍ବରେ ବହୁ ଲୋକଙ୍କର ଆବଶ୍ୟକତା ରହିଛି। ଫଳରେ ସରକାର ଯେଉଁ କୋଭିଡ19 କଟକଣା କରିଛନ୍ତି ତାହା ପାଳନ ହୋଇପାରିବ ନାହିଁ। ମୁଖ୍ୟତଃ ସାମାଜିକ ଦୂରତା ରଖି ଏହାକୁ ପାଳନ କରିବା ସମ୍ଭବ ନୁହେଁ। ସେଥିପାଇଁ ଚଳିତ ବର୍ଷ ଏହାକୁ ସ୍ଥିଗତ କରାଯାଉ ବୋଲି କୋର୍ଟ ତାଙ୍କ ରାୟରେ ଜଣାଇଛନ୍ତି।
ପୂର୍ବରୁ ଏ ନେଇ ହାଇକୋର୍ଟରେ ଏକ ମାମଲା ଋଜୁ କରାଯାଇଥିଲା। ମାମଲାକୁ ଗ୍ରହଣ କରି ହାଇକୋର୍ଟ ସରକାର ରଥଯାତ୍ରା କରିବେ କି ନାହିଁ ନିଷ୍ପତି ନେବେ। ଫଳରେ ରାଜ୍ୟ ସରକାର ଶ୍ରୀମନ୍ଦିର ପ୍ରଶାସନକୁ ରଥ ନିର୍ମାଣ କାମ ପାଇଁ ଅନୁମତି ଦେଇଥିଲେ। ଫଳରେ ରଥ ପ୍ରତିଷ୍ଠା ପରି କାମ କରାଯାଇଛି। ହେଲେ ବର୍ତ୍ତମାନ ସୁପ୍ରିମକୋର୍ଟଙ୍କ ଏହି ରାୟ ପରେ ଏହାକୁ ସ୍ଥଗିତ କରାଯିବ। ତେବେ ରଥଯାତ୍ରା ବନ୍ଦ ହେଲେ ପରବର୍ତ୍ତି ସମୟରେ କଣ ହେବ ସେ ନେଇ ଶ୍ରୀମନ୍ଦିର ପ୍ରଶାସନ ନିଷ୍ପତି କରିବେ।