ମୁମ୍ବାଇ: ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଅଶୋକ ଚହ୍ଵାନ ବିଜେପିରେ ଯୋଗ ଦେଇଛନ୍ତି। ସେ ସୋମବାର କଂଗ୍ରେସରୁ ଇସ୍ତଫା ଦେଇଥିଲେ। ବିଜେପିରେ ଯୋଗଦେବା ପୂର୍ବରୁ ଚହ୍ଵାନ କହିଛନ୍ତି ଯେ, ଆଜିଠାରୁ ମୁଁ ପୁଣିଥରେ ମୋର ରାଜନୈତିକ କ୍ୟାରିୟର ଆରମ୍ଭ କରୁଛି। ଏହି ସମୟରେ ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍, ବିଜେପି ରାଜ୍ୟ ସଭାପତି ଚନ୍ଦ୍ରଶେଖର ବାୱନକୁଲେ, ମୁମ୍ବାଇ ରାଜ୍ୟ ସଭାପତି ଆଶିଷ ଶେଲାର ମଞ୍ଚରେ ଉପସ୍ଥିତ ଥିଲେ।
ବିଜେପି ରାଜ୍ୟସଭା ପଠାଇବ କି?:
ବିଜେପିରେ ଯୋଗଦେବା ପରେ ଅଶୋକ ଚହ୍ଵାନଙ୍କୁ ରାଜ୍ୟସଭାକୁ ପଠାଯାଇପାରିବ। ଗଣମାଧ୍ୟମ ଅନୁଯାୟୀ, ଚହ୍ଵାନ ଦଳରେ ପ୍ରବେଶ କରିବା ପରେ ବିଜେପି ରାଜ୍ୟସଭା ପ୍ରାର୍ଥୀଙ୍କ ତାଲିକା ତୁରନ୍ତ ପ୍ରକାଶ କରିପାରେ। ତେବେ ଯଦି ରାଜ୍ୟସଭା ନିର୍ବାଚନରେ ବିଜେପି ଚତୁର୍ଥ ପ୍ରାର୍ଥୀ କରେ, ତେବେ ଅଶୋକ ଚହ୍ଵାନଙ୍କୁ କଂଗ୍ରେସ ବିଧାୟକଙ୍କ କ୍ରସ ଭୋଟ୍ ଦେବାର ସମ୍ଭାବନା ଅଧିକ। ଅନେକ କଂଗ୍ରେସ ବିଧାୟକ ଅଶୋକ ଚହ୍ଵାନଙ୍କୁ ଡାକି କହିଥିଲେ ଯେ, ଆମେ ଆପଣଙ୍କ ସହ ଅଛୁ। କିନ୍ତୁ ବର୍ତ୍ତମାନ ଦଳବଦଳ ଆଇନ ହେତୁ ଆମେ ଆପଣଙ୍କ ସହ ବିଜେପିରେ ଯୋଗ ଦେଇ ପାରିବୁ ନାହିଁ।
