ନୂଆଦିଲ୍ଲୀ: ଆମୀର ଖାନଙ୍କ ଝିଅ ଆୟରା ଖାନ ସୋସିଆଲ ମିଡିଆରେ ବହୁତ ସକ୍ରିୟ ଅଛନ୍ତି। ଏହା ସହିତ, ସେ ତାଙ୍କର ନୂତନ ପୋଷ୍ଟ ମାଧ୍ୟମରେ ଲୋକଙ୍କ ଦୃଷ୍ଟି ଆକର୍ଷଣ କରନ୍ତି। ଆୟରା ଖାନ ବର୍ତ୍ତମାନ ନିଜ ଇନଷ୍ଟାଗ୍ରାମ କାହାଣୀରେ ଏକ ପୋଷ୍ଟ ଲେଖି ପ୍ରକାଶ କରିଛନ୍ତି ଯେ, ଯେତେବେଳେ ସେ ବଡ ହେଉଥିଲେ, ତାଙ୍କ ମା ଏବଂ ଚଳଚ୍ଚିତ୍ର ନିର୍ମାତା ରୀନା ଦତ୍ତା ତାଙ୍କୁ ଯୌନ ଶିକ୍ଷା ଉପରେ ଏକ ପୁସ୍ତକ ଦେଇଥିଲେ। ଆୟରା ଖାନଙ୍କ ଏହି ପୋଷ୍ଟ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି। ସେ ତାଙ୍କ ପୋଷ୍ଟରେ ଅଗସ୍ତୁ ଫାଉଣ୍ଡେସନକୁ ମଧ୍ୟ ଟ୍ୟାଗ୍ କରିଛନ୍ତି।
ଆୟରା ଖାନ ତାଙ୍କ ପୂର୍ବ ପୋଷ୍ଟରେ ଏହା ପ୍ରକାଶ କରିଥିଲେ, “ମୁଁ ୧୪ ବର୍ଷ ବୟସରେ ଯୌନ ଶୋଷଣର ଶିକାର ହୋଇଥିଲି। ଏସବୁ ବିଷୟରେ ମୁଁ ସେତେବେଳେ ଜାଣିନଥିଲି, କିନ୍ତୁ ଯେତେବେଳେ ମୁଁ ଜାଣିଲି ମୁଁ ଏଥିରୁ ଦୂରେଇ ଯାଇଥିଲି। ହଁ, ଏଥିପାଇଁ ମୁଁ ନିଜକୁ ଖରାପ ଅନୁଭବ କରିଥିଲି।
ଆୟାର ଖାନ ନିଜ କ୍ୟାରିଅରକୁ ଅଭିନୟରେ ନୁହେଁ ବରଂ ନିର୍ଦ୍ଦେଶନାରେ କ୍ୟାରିଅର ଗଢିବାକୁ ଚାହୁଁଛନ୍ତି। ସେଥିପାଇଁ ସେ ପ୍ରସ୍ତୁତି ଜାରି ରଖିଛନ୍ତି। ତାଙ୍କ ନିର୍ଦ୍ଦେଶିତ ପ୍ରଥମ ନାଟକ ‘ଇଉରିପିଡ଼ସ ମେଡିଆ’ ଡିସେମ୍ବର ୨୧୦୯ ରେ ମଞ୍ଚସ୍ଥ ହୋଇଥିଲା। ଏହି ନାଟକରେ ଯୁବରାଜ ସିଂଙ୍କ ପତ୍ନୀ ହାଜେଲ କିଚ ମଧ୍ୟ ନଜର ଆସିଥିଲେ।
