ଭୁବନେଶ୍ବର: ଓଡ଼ିଶା ଜନଜୀବନରେ ଯାତ୍ରା ଏକ ସ୍ବତନ୍ତ୍ର ପରିଚୟ ରଖିଛି। ଯାତ୍ରାରେ ପ୍ରଦର୍ଶିତ ହେଉଥିବା କାହାଣୀଗୁଡ଼ିକ ଜନ ଜୀବନର କାହାଣୀ ଦ୍ବାରା ପ୍ରଭାବିତ ହୋଇଥାଏ। ଅଭିନୟର ଏକ ନିଆରା ମଞ୍ଚ ହେଉଛି ଯାତ୍ରା। ଯାତ୍ରାରେ କଳାକାରଙ୍କ ବାସ୍ତବ ତଥା ନିଖୁଣ ଅଭିନୟ ଦର୍ଶକଙ୍କ ହୃଦୟରେ ଗଭୀର ରେଖାପାତ କରିଥାଏ। ଫିଲ୍ମ, ଟେଲିଭିଜନ୍ର ଦୁନିଆଠାରୁ ଏହି ଦୁନିଆ ଟିକେ ନିଆରା। ଜଣେ ଯାତ୍ରା କଳାକାର ସିଧାସଳଖ ଦର୍ଶକଙ୍କ ସ୍ବୀକୃତ ପାଇଥାଏ। ଏଥିରେ ରିଟେକ୍ର ସୁବିଧା ନଥାଏ। ସିଧାସଳଖ ନିଜ ଅଭିନୟର ପ୍ରତିଭା ପ୍ରଦର୍ଶନ କରିବା ହେଉଛି ଯାତ୍ରାର ଅନ୍ୟତମ ଆକର୍ଷଣ। ଥ୍ରୀଡି ଫିଲ୍ମ ଆସିବା ପରେ ମଧ୍ୟ ଯାତ୍ରା ପଛରେ ପଡ଼ିନାହିଁ, ଏବେବି ଯାତ୍ରା ଦର୍ଶକଙ୍କ ମହଲରେ ବେଶ୍ ଆଦୃତ। ଯାତ୍ରା କଳାକାରଙ୍କ ନିଆରା ପ୍ରଦର୍ଶନ ହିଁ ଯାତ୍ରାକୁ ସମୃଦ୍ଧ କରିଥାଏ। ଜଲିଉଡ୍ର ନୂଆକରି ପାଦ ଥାପିଥିବା ଜପୁନଙ୍କ ସମ୍ପର୍କରେ ଭୀମା ନନ୍ଦଙ୍କ ରିପୋର୍ଟ..
ମଞ୍ଚ ଉପରେ ହଜାର ହଜାର ଦର୍ଶକଙ୍କ ସାମ୍ନାରେ ସେମାନଙ୍କ ମନରେ ଖୁସିର ଲହରି ଖେଳେଇଦେବା ଛୋଟିଆ କଥା ନୁହେଁ। କିନ୍ତୁ ଖୁବ ଅଳ୍ପ ଦିନ ମଧ୍ୟରେ ଯାତ୍ରା ଜଗତରେ ପାଦ ଥାପି ଦର୍ଶକଙ୍କ ମନରେ ଖୁସି ଭରି ଦେଉଛନ୍ତି ଯୁବ ହାସ୍ୟାଭିନେତା ବିପ୍ଳବ ବେହେରା ଓରଫ୍ କୁମାର ଜପୁନ୍।
ପ୍ରକୃତରେ ସତ କଥା ହେଲା ହସାଇବାର ମଜା ସବୁଠାରୁ ନିଆରା ବୋଲି କୁହନ୍ତି ଜପୁନ୍। ଯାହା ହେଉ ମା’ ଶୁଳିଆ ଦେବୀ ଓ ମା’ଭଗବତୀଙ୍କ ଆଶୀର୍ବାଦରୁ ଆଜି ଜଣେ ଯୁବ ହାସ୍ୟାଭିନେତା ଭାବରେ ମୁଁ ଖୁସି ଆଣିପାରୁଛି, ତାହା ସବୁଠାରୁ ବଡ଼ କଥା ବୋଲି ସେ ସମସ୍ତଙ୍କୁ କୁହନ୍ତି।
ଖୋର୍ଦ୍ଧା ଜିଲ୍ଲା ବାଣପୁର ଥାନା ଅନ୍ତର୍ଗତ ତୋରସିଂହ ଗ୍ରାମରେ ଜନ୍ମିତ ତଥା ପିତା ଦିଲ୍ଲୀପ୍ କୁମାର ବେହେରା ଓ ମାତା ପିନାକ୍ଷୀ ଦେବୀଙ୍କ ସାନ ପୁଅ ଅଟନ୍ତି ଜପୁନ୍। ପିଲାଟିବେଳୁ କଳା ପ୍ରତି ଦୁର୍ବଳତା ଥିଲା। ଗାଁ ଡ୍ରାମାରେ ଅଭିନୟ କରୁ କରୁ ଯାତ୍ରା ଜଗତକୁ ଯିବାପାଇଁ ଇଚ୍ଛାପ୍ରକାଶ କଲେ। ପ୍ରଥମେ ଗାଁ ଡ୍ରାମାରେ ଅଭିନୟ କରିବାପାଇଁ ପ୍ରଶାନ୍ତ ପ୍ରଧାନ (ବାଟି ଦାଦା) ସୁଯୋଗ ଦେଇଥିଲେ ଓ ଭୀମା ନନ୍ଦ ଏହାକୁ ଦୃଢ଼ ଭାବରେ ସମର୍ଥନ କରିଥିଲେ। ସେ ସୁଯୋଗକୁ ମଧ୍ୟ ସଦୁପ ବ୍ୟବହାର କରିଥିଲେ ଜୁପୁନ୍।
ଗାଁ ଡ୍ରାମାରେ ଅଭିନୟ କରିଥିବା କେତେଗୁଡ଼ିଏ ନାଟକ ମଧ୍ୟରୁ”ବନ୍ଧା ପଡ଼ିଗଲା ପଣତ କାନି”, “କାଲିର ବନ୍ଧନ କଳା ଚନ୍ଦନ”, “କି ରଙ୍ଗେ ନାଚୁଚି କନକ ଗୋରୀ”, “କିଣିନେଲା ମନ କଳା ନାଗର”, “ମିଛୁଆ ରାଧୁଆ ଗପ ସରିଲା”, “ଭାଇ ଭଉଣୀ ର ନୂଆ କାହାଣୀ”, “କିଏ ପୋଛିଦବ ଆଖିର ଲୁହ” ଓ “ମୁଁ ଇଶ୍ଵର ବେହେରା ଝିଅ” ପ୍ରଭୃତି ନାଟକ ରେ ଦମ୍ ଦାର୍ ଅଭିନୟ କରି ଗ୍ରାମାଞ୍ଚଳରେ ପ୍ରଶଂସା ସାଉଁଟିଥିବା ଜପୁନ୍ ଏବେ ନୂଆକରି ଗଢ଼ିଉଠିଥିବା ଆଗଧାଡିର ଯାତ୍ରାନୁଷ୍ଠାନ ମୁକ୍ତିକାନ୍ତ ସାମଲ୍ ଙ୍କ ଯାତ୍ରା ଜୁଏଲ୍ ସ୍ବର୍ଣ୍ଣ ମନ୍ଦିରରେ ହାସ୍ୟାଭିନେତା ଭାବରେ ଅଭିନୟ ଜାରି ରଖିଛନ୍ତି।
ପାର୍ଟି ପ୍ରଯୋଜିତ ନାଟକ ଡଃ ଦୀପକ୍ ଜେନା ଙ୍କ ରଚିତ ଓ ବିକ୍ରମ ନାୟକ (ନନ୍ଦୁ ସାର୍) ଙ୍କ ନିର୍ଦ୍ଦେଶିତ “ଆଖିଏ ଲୁହ କୁ ଛାତିଏ କୋହ”ନାଟକରେ ଢେଙ୍କାନାଳ ଚରିତ୍ର, ଇଂ ଆଶୁତୋଷ ମହାପାତ୍ର ଙ୍କ ରଚିତ ଓ ନିର୍ଦ୍ଦେଶିତ “ତୁ ହସୁଥିବୁ ମୁଁ କାନ୍ଦୁଥିବି”ନାଟକରେ ବାଃ ଚରିତ୍ର ଓ ଅନୁଷ୍ଠାନ ର ଅନୁସନ୍ଧାନ ନାଟକ ବିବାଦୀୟ ଅଭିନେତ୍ରୀ ରାଣୀପଣ୍ଡାଙ୍କ ସତ୍ୟ କାହାଣୀ ଉପରେ ଆଧାରିତ ଡଃ ଦୀପକ୍ ଜେନାଙ୍କ ରଚିତ ଓ ଲିଟିଲ୍ ମାଷ୍ଟର ବିନୋଦ ରାଉତ୍ ଙ୍କ ନିର୍ଦ୍ଦେଶିତ “ଘୋଡ଼ା ହାତୀ ଗଣ୍ଡାକୁ ଗଣ୍ଡା ଏକା ଲଢିବ ରାଣିପଣ୍ଡା” ନାଟକରେ କନେଷ୍ଟବଳ କଲମ କାଣ୍ଡି ଚରିତ୍ରରେ ନିଖୁଣ ଅଭିନୟ କରି ଦର୍ଶକ ମାନଙ୍କ ପାଖରୁ ପ୍ରଶଂସା ସାଉଁଟିଛନ୍ତି ଜୁପୁନ୍।
ବାପା ମାଆଙ୍କ ଭଲପାଇବା ଓ ଆଶୀର୍ବାଦ, ଗୁରୁ ବିଜୟ ସ୍ବାଇଁଙ୍କ ପ୍ରେରଣା, ଗାଁ ଡ୍ରାମାରେ ଅଭିନୟ କରୁଥିବା ସମସ୍ତ କଳାକାର ଭାଇ ମାନଙ୍କ ଆଶିର୍ବାଦ, କାର୍ତ୍ତିକ ବାବୁଙ୍କ ସହଯୋଗ ଓ ଆଉ ଜଣେ ବ୍ୟକ୍ତି ଅଛନ୍ତି ଯାହାଙ୍କ ସମର୍ଥନ ଯୋଗୁଁ ସେ ଆଜି ଏତେ ବାଟ ପର୍ଯ୍ୟନ୍ତ ପହଞ୍ଚି ପାରିଛନ୍ତି। ମା’ ଶୁଳିଆ ଦେବୀ ଓ ମା’ ଭଗବତୀଙ୍କ ଆଶୀର୍ବାଦରୁ ଭବିଷ୍ୟତରେ ନିଜକୁ ଜଣେ ଆଗଧାଡିର ହାସ୍ୟାଭିନେତା ଭାବରେ ପରିଚିତ କରାଇବାକୁ ଆଶାରଖିଛନ୍ତି। ନିଜ ବାପା ମାଆଙ୍କୁ ଜୀବନ ଠୁ ଅଧିକ ଭଲପାଉଥିବା ଜପୁନ୍ କହିଛନ୍ତି ମୋ ବାପା ମାଆଙ୍କ ଆଶୀର୍ବାଦ ମୋ ଉପରେ ଅଛି ମାନେ ମୁଁ ନିଶ୍ଚୟ ଆଗକୁ ଯିବି।