ମୁମ୍ବାଇ, କୋଭିଡ-19 ଆକ୍ରାନ୍ତ ହୋଇ ମୁମ୍ବାଇର ଏକ ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ବଲିଉଡ ମହାନାୟକ ଅମିତାଭ ବଚ୍ଚନ କ୍ରମଶଃ ସୁସ୍ଥ ହେଉଛନ୍ତି। ସୁସ୍ଥ ହେବା ପରେ କୋଭିଡ ହସ୍ପିଟାଲରେ ମେଗାଷ୍ଟାର ପୁରୁଣା ଦିନର ସ୍ମୃତି ସବୁ ମନେ ପକାଇ ତାଙ୍କର ସମୟ ବିତାଉଛନ୍ତି। ସେ ତାଙ୍କର ଅତୀତର କଥା ସବୁ ସୋସିଆଲ ମିଡିଆର ବିଭିନ୍ନ ମାଧ୍ୟମରେ ପୋଷ୍ଟ ବି କରୁଛନ୍ତି।
ବିଗ ବି ତାଙ୍କର ବ୍ଲଗରେ କରିଥିବା ଏକ ପୋଷ୍ଟରେ ତାଙ୍କ ବାପା ସ୍ବର୍ଗତ କବି ହରିବଂଶ ରାୟ ବଚ୍ଚନ ଲେଖିଥିବା କିଛି ଧାଡ଼ି ଉଲ୍ଲେଖ କରିଛନ୍ତି। ଏଥିସହ ତାଙ୍କଦ୍ବାରା ସେ କିପରି ପ୍ରଭାବିତ ହୋଇଥିଲେ ତାହା କହିଛନ୍ତି।
ବିଗ୍ ବି’ ତାଙ୍କ ପୋଷ୍ଟ ଆରମ୍ଭ କରିଛନ୍ତି ଏପରି, ” ବ୍ୟସ୍ତବହୁଳ ଜୀବନ ଭିତରେ ମୁଁ ଯେତେବେଳେ ବି ସମୟ ପାଏ, କେଉଁଠି ବସିବାକୁ, କିଛି ସମୟ ପାଇଁ ଚିନ୍ତା କରିବାକୁ…କଣ ମୁଁ କରିଛି ଏବଂ ମୁଁ କେଉଁଥିରେ ବିଶ୍ବାସ କରେ…ସେଥିରେ ଭଲ କେତେ ମନ୍ଦ କେତେ…ଏସବୁ ଭାବିବାକୁ ମୋତେ ଏବେ ସମୟ ମିଳିଛି।
ମେଗାଷ୍ଟାର ଅମିତାଭ ଓ ତାଙ୍କ ପରିବାରର ତିନି ଜଣ ସଦସ୍ୟ କୋଭିଡ ପଜିଟିଭ ଜଣାପଡିବା ପରେ ତାଙ୍କୁ ନାନାବତୀ ହସ୍ପିଟାଲର ଆଇସୋଲେସନ ୱାର୍ଡରେ ଭର୍ତ୍ତି କରାଯାଇଥିଲା। ତାଙ୍କ ପୁଅ ଅଭିଷେକ ବଚ୍ଚନ, ବୋହୁ ଐଶର୍ଯ୍ୟା ରାୟ ବଚ୍ଚନ ଏବଂ ନାତୁଣୀ ଆରାଧ୍ୟା ମଧ୍ୟ ଏହି ହସ୍ପିଚାଲରେ ଭର୍ତ୍ତି ହୋଇଛନ୍ତି।
.