ନୂଆଦିଲ୍ଲୀ, ଆଜି ସଂଧ୍ୟାରେ ମହାକାଶ ଜଗତରେ ଏକ ବିରଳ ଘଟଣା ଘଟିବାକୁ ଯାଉଛି। ଆପଣ ଆଶ୍ଚର୍ଯ୍ୟ ହେବେ ଏହି ଘଟଣା ଚାରି ଶହ ବର୍ଷ ପରେ ଦେଖାଦେଇଛି। ତାହା ହେଲା ଆଜି ସଂଧ୍ୟାରେ ଆକାଶର ବୃହସ୍ପତି ଏବଂ ଶନି ଗ୍ରହ ଖାଲି ଆଖିରେ ଦେଖାଯିବ। କାରଣ ଏହି ଦୁଇଟି ଗ୍ରହ ପୃଥିବୀର ନିକଟତର ହେଉଥିବାରୁ ଏପରି ଦୃଶ୍ୟ ଦେଖାଦେବ। ଆପଣ ଆଜି ସଂଧ୍ୟା 6ଟା 30 ମିନିଟରୁ 8ଟା 30 ମିନିଟ ମଧ୍ୟରେ ଏହି ଦୁଇ ଗ୍ରହକୁ ଦେଖିପାରିବେ।
ମହାକାଶ ବିଜ୍ଞାନୀଙ୍କ ଅନୁସାରେ 1623 ମସିହା ଜୁଲାଇ 16 ତାରିଖରେ ବୃହସ୍ପତି ଏବଂ ଶନି ଗ୍ରହ ପୃଥିବୀର ନିକଟତର ହୋଇଥିଲେ। ଅର୍ଥାତ ଆଜକୁ ପ୍ରାୟ 400 ବର୍ଷ ତଳେ ଏପରି ଘଟଣା ସଂଗଠିତ ହୋଇଥିଲା। ସେତେବେଳେ ଏହି ଦୁଇଟି ଗ୍ରହ ମାତ୍ର 5 ମିନିଟ 10 ସେକେଣ୍ଡ ପାଇଁ ଦେଖାଦେଇଥିଲେ ବା ନିକଟତର ହୋଇଥିଲେ। ବୃହସ୍ପତି ଏବଂ ଶନି ଗ୍ରହ ନିକଟତର ହେବା ବିରଳରୁ ବିରଳ ଘଟଣା ବୋଲି କୁହାଯାଉଛି। ପୁଣିଥରେ ଏପରି ଘଟଣା 2080 ମସିହାରେ ସଂଗଠିତ ହେବ ବୋଲି ମହାକାଶ ବିଜ୍ଞାନୀ କହିଛନ୍ତି।
ଆମେରିକାର ମହାକାଶ ଗବେଷଣା ସଂସ୍ଥା ନାସା ଅନୁସାରେ ଏହି ଦୁଇଟି ଗ୍ରହ ପୃଥିବୀରି ଦକ୍ଷିଣପଶ୍ଚିମ ଅଞ୍ଚଳରେ ସଂଗଠିତ ହେବ। ଏହା ସ୍ବର୍ଯ୍ୟାସ୍ତ ହେବାର ଘଣ୍ଟାଏ ପରେ ପରିଲକ୍ଷିତ ହେବ। ଯଦି ପାଗ ସଫା ରୁହେ ତେବେ ଏହା ଖାଲି ଆଖିରେ ଦେଖାଯିବ। ହେଲେ ବାଇନକୁଲାର କିମ୍ବା ଟେଲିସ୍କୋପରେ ଏହା ସ୍ପଷ୍ଟ ଦେଖାଯିବ ବୋଲି ପରାମର୍ଶ ଦିଆଯାଇଛି। ଯଦି ଏହା ଟେଲିସ୍କୋପରେ ଭଲ ଭାବରେ ଦେଖାଦେବ ତେବେ ବୃହସ୍ପତିରେ ଥିବା 4ଟି ଚନ୍ଦ୍ର ମଧ୍ୟ ଦେଖାଯିବ ବୋଲି ବୈଜ୍ଞାନିକମାନେ ଆଶା କରିଛନ୍ତି।
ତେବେ ଏହାକୁ ଦେଖିବା ପାଇଁ ଭୁବନେଶ୍ବରର ପ୍ଲାନେଟୋରିୟମ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି। ହେଲେ କୋଭିଡ19 ନିୟମକୁ ଧ୍ୟାନରେ ରଖି ଏହା ଦର୍ଶକଙ୍କୁ ଦେଖିବା ପାଇଁ ସୁଯୋଗ ଦିଆଯିବ। ତେବେ ଏହି ବିରଳ ଘଟଣାକୁ ନାସା ଏବଂ ଇସ୍ରୋ ତରଫରୁ ଲାଇଭ ମଧ୍ୟ କରାଯିବ ବୋଲି ଜଣାପଡିଛି। ନୂଆଦିଲ୍ଲୀର ନେହୁର ପ୍ଲାନେଟୋରିୟମ ତରଫରୁ ମଧ୍ୟ ଦର୍ଶକଙ୍କ ପାଇଁ ବ୍ୟବସ୍ଥା କରାଯାଇଛି। ତେବେ ଆପଣଣାନେ ଘରେ ବସି ମଧ୍ୟ ନେହୁର ପ୍ଲାନେଟୋରିୟମର ୟୁଟିୟୁବ ଲାଇଭ ଦେଖିପାରିବେ।
ଆପଣ ଆଜି ସଂଧ୍ୟାରେ ଘରେ ବସି ଏହି ବିରଳ ଦୃଶ୍ୟକୁ ଦେଖିବାକୁ ଚାହୁଁଥିଲେ ଏହି ଲିଙ୍କକୁ କ୍ଲିକ କରନ୍ତୁ
https://www.youtube.com/watch?v=2XrHKDfWWnk