ଭୁବନେଶ୍ବର, ଚଳିତ ବର୍ଷ ଅକ୍ଷୟ ତୃତୀୟା ଏହି ମେ ମାସ 15 ତାରିଖ ପଡୁଛି। ସେହିଦନ ମଧ୍ୟ ବୃଷ ସଂକ୍ରାନ୍ତି। ଅକ୍ଷୟ ତୃତୀୟା ହେଉଛି ସମସ୍ତ ତାରିଖ ମଧ୍ୟରେ ସବୁଠାରୁ ଶୁଭ ବୋଲି ବିବେଚନା କରାଯାଏ । ଏହି ତାରିଖରେ ପାଂଜି ନ ଦେଖି ସମସ୍ତ ପ୍ରକାରର ଶୁଭ କାର୍ଯ୍ୟ ଆରମ୍ଭ କରାଯାଇପାରିବ। ଶ୍ରୀମନ୍ଦିରରେ ମଧ୍ୟ ଅକ୍ଷୟ ତୃତୀୟାରୁ ମହାପ୍ରଭୃଙ୍କର ଚନ୍ଦନ ଯାତ ଆରମ୍ଭ ହୋଇଥାଏ।
ଅକ୍ଷୟ ତୃତୀୟା ପରି ଶୁଭ ଦିନରେ ଭଗବାନ ବିଷ୍ଣୁ ଏବଂ ମାତା ଲକ୍ଷ୍ମୀଙ୍କୁ ପୂଜା କରିବାର ନିୟମ ରହିଛି। ଏହିଦିନ ପ୍ରଭୁ ନର-ନାରାୟଣଙ୍କ ସମେତ ପରର୍ଶୁରାମ ଏବଂ ହୟଗ୍ରୀବଙ୍କର ଏକ ଅବତାର ସୃଷ୍ଟି ହୋଇଥିଲା । ଏହା ବ୍ୟତୀତ ବ୍ରହ୍ମାଙ୍କ ପୁଅ ଅକ୍ଷୟ କୁମାର ମଧ୍ୟ ଏହି ଦିନ ଜନ୍ମ ହୋଇଥିଲେ। ଏହି ଦିନ ବଦ୍ରିନାରାୟଣଙ୍କ ଦ୍ୱାର ମଧ୍ୟ ଖୋଲା ହୋଇଥାଏ ।
ଧାର୍ମିକ ଗ୍ରନ୍ଥ ଅନୁଯାୟୀ ଅକ୍ଷୟ ତୃତୀୟା ଦିନ ଗଙ୍ଗା ମାତା ପୃଥିବୀକୁ ଆସିଥିଲେ। ଅକ୍ଷୟ ତୃତୀୟା ଦିନ ଭଗବାନ କୃଷ୍ଣ ଯୁଧିଷ୍ଠିରଙ୍କୁ କହିଥିଲେ ଯେ ଏହି ଦିନ ତୁମେ ଯାହା ବି ସୃଜନଶୀଳ କିମ୍ବା ସାଂସାରିକ କାର୍ଯ୍ୟ କର, ତୁମେ ଆଶୀର୍ବାଦ ପାଇବ। ଅକ୍ଷୟ ତୃତୀୟା ଦିନ ବୃନ୍ଦାବନର ବାଙ୍କବିହାରୀ ମନ୍ଦିରର ଶ୍ରୀବିଗ୍ରହଙ୍କ ପାଦ ଦର୍ଶନ ହୋଇଥାଏ। ଏହିଦିନ ଭଗବାନ କୃଷ୍ଣଙ୍କୁ ଭେଟିବା ପାଇଁ ସୁଦାମା ଦ୍ବାରିକାରେ ପହଞ୍ଚିଥିଲେ।
ଏହି ଦିନ ସତ୍ୟଯୁଗ ଏବଂ ତେତ୍ରୟା ଯୁଗ ଆରମ୍ଭ ହୋଇଥିଲା ଏବଂ ଦ୍ୱାପର ଯୁଗ ମଧ୍ୟ ଏହି ଦିନ ଶେଷ ହୋଇଥିଲା । ଅକ୍ଷୟ ତୃତୀୟା ଦିନଠାରୁ ବ୍ୟାସଦେବଙ୍କ ନିର୍ଦ୍ଦେଶରେ ଭଗବାନ ଗଣେଶ ମହାଭାରତ ଲେଖିବା ଆରମ୍ଭ କରିଥିଲେ। ଏହି ଦିନ ମହାଭାରତର ଯୁଦ୍ଧ ମଧ୍ୟ ଶେଷ ହୋଇଥିଲା। ଅକ୍ଷୟ ତୃତୀୟାକୁ ଅନନ୍ତ-ଅକ୍ଷୟ-ଅକ୍ଷୁର୍ଣ୍ଣ ଫଳ କୁହାଯାଏ । ଯିଏ କେବେ ବି କ୍ଷୟ ହୁଏ ନାହିଁ ତାଙ୍କୁ ଅକ୍ଷୟ କୁହାଯାଏ ।
ଏହି ପବିତ୍ର ଦିନ କଣ କରିବା ଉଚିତ
ଅକ୍ଷୟ ତୃତୀୟା ଦିନ, ପଙ୍ଖା, ଚାଉଳ, ଲୁଣ, ଘିଅ, ଚିନି, ପନିପରିବା, ଫଳ, ତାମ୍ର ପାତ୍ର ଏବଂ ପୋଷାକ ଇତ୍ୟାଦି ଦାନ କଲେ ଭଲ ବୋଲି ବିବେଚନା କରାଯାଏ।
ଏହି ଶୁଭ ଅବସରରେ ସୁନା ଓ ରୂପା କିଣିବା ଏବଂ ସମ୍ପତ୍ତି କାରବାର କରିବା ଶୁଭ ବୋଲି ବିବେଚନା କରାଯାଏ ।
ଏହି ଦିନ କୌଣସି ନୂତନ କାର୍ଯ୍ୟ, ସପିଂ, ବିବାହ ଆରମ୍ଭ ପାଇଁ ଅତ୍ୟନ୍ତ ଶୁଭ ବୋଲି ବିବେଚନା କରାଯାଏ ।
ଏହି ଦିନଟି ସବୁଠାରୁ ବଡ ଶୁଭ ଦିନ ଭାବରେ ବିବେଚନା କରାଯାଏ । ସମସ୍ତ ଶୁଭ କାର୍ଯ୍ୟ ବ୍ୟତୀତ, ଆପଣ ସୁନା, ନୂତନ ଜିନିଷ କିଣିବା, ଘର ପ୍ରବେଶ, ନୂଆ ଦାୟିତ୍ବ, ଯାନ କ୍ରୟ, ଜମି ପୂଜା ଏବଂ ନୂତନ ବ୍ୟବସାୟ ଆରମ୍ଭ କରିପାରିବେ।
ଅକ୍ଷୟ ତୃତୀୟା ଦିନ ସ୍ନାନ କରି ଧ୍ୟାନ କରିବା, ଜପ କରିବା, ନବାହ୍ନ ଏବଂ ପିତୃପୁରୁଷଙ୍କ ପିଣ୍ଡଦାନ କରାଯାଇଥାଏ । ବିଶ୍ବାସ ରହିଛି ଅକ୍ଷୟ ତୃତୀୟାର ଶୁଭ ଦିନରେ ପିଣ୍ଡଦାନ କଲେ ପିତୃପୁରୁଷ ଆର୍ଶିବାଦ ପ୍ରଦାନ କରିଥାନ୍ତି ।
ଅକ୍ଷୟ ତୃତୀୟା ଦିନ ଭଗବାନ ବିଷ୍ଣୁ ଏବଂ ଦେବୀ ଲକ୍ଷ୍ମୀଙ୍କୁ ରୀତିନୀତି ଅନୁଯାୟୀ ପୂଜା କରାଯାଇଥାଏ।