ନୂଆଦିଲ୍ଲୀ, ଆସନ୍ତା ମୌସୁମୀ ଅଧିବେସନ ପାଇଁ ତାରିଖ ଘୋଷଣା ହୋଇଛି। ସେହି ଅନୁସାରେ ଜୁଲାଇ 19 ତାରିଖରୁ ଆରମ୍ଭ ହେବ ମୌସୁମୀ ଅଧିବେସନ। ଏହି ଅଧିବେସନ ଅଗଷ୍ଟ 13 ତାରିଖ ପର୍ଯ୍ୟନ୍ତ ଚାଲିବ। ଏହି ସମୟରେ ମୋଟ 19ଟି କାର୍ଯ୍ୟ ଦିବସ ରହିଛି।
ଏଥରର ମୌସୁମୀ ଅଧିବେସନ ଅନେକ କ୍ଷେତ୍ରରେ ଗୁରୁତ୍ବ ବହନ କରିବ। ପ୍ରଥମ କଥା ହେଲା ଏଥର ଅଧିବେସନଟି ନୂଆ ମନ୍ତ୍ରୀମଣ୍ଡଳକୁ ନେଇ ବସିବ। ପ୍ରଥମ ଥର ପାଇଁ ନୂଆ ମନ୍ତ୍ରୀମାନେ ସେମାନଙ୍କ ବିଭାଗର ତଥ୍ୟ ଉପସ୍ଥାପନା କରିବେ।
ସେହିପରି କରୋନା ନେଇ ଏଥର ଗୃହ ସରଗରମ ହୋଇପାରେ, ଅନ୍ୟପକ୍ଷରେ ପଶ୍ଚିମବଂଗ ନିର୍ବାଚନ ପରବର୍ତ୍ତି ହିଂସା ଏବଂ ପ୍ରଶାସନିକ ଅଦଳବଦଳକୁ ନେଇ ମଧ୍ୟ ତୁମ୍ବି ତୋଫାନ ହେବାର ସମ୍ଭାବନା ରହିଛି।
