ଭୁବନେଶ୍ବର, ସୋନି ଟିଭିରେ ପ୍ରସାରିତ ଦେଶର ଏକ ଲୋକପ୍ରିୟ ଧାରାବାହିକ ହେଉଛି ‘ଦ କପିଳ ଶର୍ମା ସୋ’। ଏହି ସୋ ରେ ଦେଶର ବହୁ ପ୍ରତିଷ୍ଠିତ ବ୍ୟକ୍ତିତ୍ବ ଭାଗ ନେଇଛନ୍ତି। ସେହିପରି ଏକ ବିଶେଷ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଏହି ସୋ’ରେ ଦେଖା ଦେଇଛନ୍ତି। କାରଣ ହେଲା ନିକଟରେ ଅଲମ୍ପିକ୍ସରେ ପଦକ ଜିତିଥିବା ହକି ଖେଳାଳୀଙ୍କୁ ନେଇ କପିଲ ଏକ ସୋ କରିଥିଲେ।
ଏହି ସୋ’ରେ ସମସ୍ତ ହକି ଖେଳାଳୀ ଯୋଗ ଦେଇଥିଲେ। ସେମାନଙ୍କୁ କପିଲ ବେଶ୍ ପ୍ରଶଂସା ମଧ୍ୟ କରିଥିଲେ। ଏହି ଭିତରେ କପିଲ ଓଡିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଉଚ୍ଚ ପ୍ରଶଂସା ମଧ୍ୟ କରିଥିଲେ। ନବୀନ ହକି ଇଣ୍ଡିଆକୁ ପ୍ରାୟୋଜିତ କରିଥିବାରୁ ସେ ପ୍ରଶଂସାରେ ଶତମୁଖ ହୋଇଯାଇଥିଲା।
ଏହି ଅବସରରେ କପିଲ କହିଥିଲେ ଯେ, ହକି ଇଣ୍ଡିଆକୁ ଯିଏ ପ୍ରାୟୋଜିତ କରିଛନ୍ତି ସେ ଆପଣମାନଙ୍କୁ କିଛି ସନ୍ଦେଶ ଦେବେ। ଏହାପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ରେକର୍ଡିଂ ଭିଡିଓ ପ୍ରଦର୍ଶିତ କରାଯାଇଥିଲା। ଏଥିରେ ମୁଖ୍ୟମନ୍ତ୍ରୀ ହକିର ସମସ୍ତ ଖେଳାଳୀଙ୍କୁ ଅଭିନନ୍ଦନ କରିଥିଲେ। ତାଙ୍କର ପ୍ରଚେଷ୍ଠାକୁ ପ୍ରଶଂସା କରିଥିଲେ।
ଏହାପରେ ମୁଖ୍ୟମନ୍ତ୍ରୀ କପିଳ ଶର୍ମାଙ୍କୁ ମଧ୍ୟ ଧନ୍ୟବାଦ ଦେଇଥିଲେ। ସେ ତାଙ୍କର ଏହି ଲୋକପ୍ରିୟ କାର୍ଯ୍ୟକ୍ରମରେ ହକି ଖେଳାଳୀଙ୍କୁ ପ୍ରାଧାନ୍ୟ ଦେଇଥିବାରୁ ଧନ୍ୟବାଦ ପ୍ରଦାନ କରିଥିଲେ। ଅନ୍ୟପକ୍ଷରେ କପିଳ ଶର୍ମା ମଧ୍ୟ ମୁଖ୍ୟମନ୍ତ୍ରୀଙ୍କ ଏହି ପଦକ୍ଷେପକୁ ପ୍ରଶାଂସା କରିବା ସହିତ ଧନ୍ୟବାଦ ପ୍ରଦାନ କରିଥିଲେ।