ନୂଆଦିଲ୍ଲୀ: କରୋନାଜନିତ ମୃତ୍ୟୁ ପାଇଁ ସର୍ବନିମ୍ନ ୫୦ ହଜାର ଟଙ୍କା କ୍ଷତିପୂରଣ ପ୍ରଦାନ କରାଯିବ। ଏହି କ୍ଷତିପୂରଣ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ ଦ୍ୱାରା ସ୍ଥିର କରାଯାଇଛି। ସୁପ୍ରିମକୋର୍ଟ ଏହି ଦାୟିତ୍ୱ ଜୁନ୍ ୩୦ ତାରିଖରେ ଏନଡିଏମଏକୁ ଦାୟିତ୍ୱ ଦେଇଥିଲେ। ବର୍ତ୍ତମାନ କେନ୍ଦ୍ର ସରକାର କୋର୍ଟରେ ଏକ ଆଫିଡେଭିଟ୍ ଦାଖଲ କରି କହିଛନ୍ତି ଯେ, କ୍ଷତିପୂରଣ ସ୍ଥିର କରି ଏନେଇ ଏନଡିଏମଏ ରାଜ୍ୟମାନଙ୍କୁ ନିର୍ଦ୍ଦେଶ ଦେଇଛି। ରାଜ୍ୟଗୁଡିକର ବିପର୍ଯ୍ୟୟ ପରିଚାଳନା ପାଣ୍ଠିରୁ କ୍ଷତିପୂରଣ ରାଶି ପ୍ରଦାନ କରାଯିବ।
ଦୁଇଜଣ ଓକିଲ ଗୌରବ କୁମାର ବଂଶଲ ଏବଂ ରିପକ କଂଶଲଙ୍କ ପକ୍ଷରୁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଥିଲା। ଉଭୟ କହିଛନ୍ତି ଯେ, ଜାତୀୟ ବିପର୍ଯ୍ୟୟ ପରିଚାଳନା ଆଇନର ଧାରା ୧୨ ରେ ବିପର୍ଯ୍ୟୟରେ ପ୍ରାଣ ହରାଇଥିବା ଲୋକଙ୍କ ପାଇଁ ସରକାରୀ କ୍ଷତିପୂରଣ ପ୍ରଦାନ କରାଯିବା ନେଇ ପ୍ରାବନ୍ଧନ ରହିଛି। ଗତ ବର୍ଷ କେନ୍ଦ୍ର ସମସ୍ତ ରାଜ୍ୟକୁ କରୋନାରେ ମୃତ୍ୟୁବରଣ କରିଥିବା ଲୋକଙ୍କୁ କ୍ଷତିପୂରଣ ବବାଦକୁ ୪ ଲକ୍ଷ ଟଙ୍କା ଦେବାକୁ କହିଥିଲେ। କିନ୍ତୁ ଏହି ବର୍ଷ ଏହା ହୋଇନାହିଁ। ଏହାର ଉତ୍ତରରେ କେନ୍ଦ୍ର କହିଛି ଯେ, କରୋନା କାରଣରୁ ରାଜ୍ୟମାନେ ବହୁ ଖର୍ଚ୍ଚ କରୁଛନ୍ତି। କ୍ଷତିପୂରଣର ଭାର ସେମାନଙ୍କ ଉପରେ ରଖିବା ଠିକ୍ ହେବ ନାହିଁ।
ଜୁନ୍ ୩୦ ତାରିଖରେ ଦିଆଯାଇଥିବା ଆଦେଶରେ ସୁପ୍ରିମକୋର୍ଟ କହିଛନ୍ତି ଯେ, ଦେଶରେ କରୋନା କାରଣରୁ ହୋଇଥିବା ପ୍ରତ୍ୟେକ ମୃତ୍ୟୁ ପାଇଁ କ୍ଷତିପୂରଣ ଦିଆଯାଉ। ଏପରି ବିପଦରେ ଲୋକଙ୍କୁ କ୍ଷତିପୂରଣ ଦେବା ସରକାରଙ୍କ ଆଇନଗତ କର୍ତ୍ତବ୍ୟ ବୋଲି କୋର୍ଟ କହିଥିଲେ। କିନ୍ତୁ କ୍ଷତିପୂରଣ ରାଶି କେତେ ହେବ ତାହା ସ୍ଥିର କରିବାକୁ ସରକାରଙ୍କ ଉପରେ କୋର୍ଟ ଛାଡି ଦେଇଥିଲେ। ଦୁଇ ଜଜ୍ ବେଞ୍ଚ ଏହି ରାୟରେ ରେକର୍ଡ କରିଛନ୍ତି ଯେ, ମହାମାରୀ ସମୟରେ କେନ୍ଦ୍ର ଏବଂ ରାଜ୍ୟମାନଙ୍କୁ ଉନ୍ନତ ଚିକିତ୍ସା ସୁବିଧା ତଥା ଖାଦ୍ୟ ତଥା ଅନ୍ୟାନ୍ୟ ସୁବିଧା ଯୋଗାଇବାରେ ବହୁ ଖର୍ଚ୍ଚ କରିବାକୁ ପଡିବ।
କ୍ଷତିପୂରଣ ରାଶି ଠିକ୍ କରିବାକୁ ୬ ସପ୍ତାହ ମଧ୍ୟରେ ଜାତୀୟ ବିପର୍ଯ୍ୟୟ ପରିଚାଳନା ପ୍ରାଧିକରଣ (NDMA) କୁ ରାଜ୍ୟମାନଙ୍କୁ ଜଣାଇବାକୁ ସୁପ୍ରିମକୋର୍ଟ କହିଥିଲେ। ପରେ କୋର୍ଟଙ୍କୁ ଏନଡିଏମଏ ଅତିରିକ୍ତ ସମୟ ମାଗିଥିଲା। ବର୍ତ୍ତମାନ କୋର୍ଟଙ୍କ ନିଷ୍ପତ୍ତିର ପ୍ରାୟ ୧୨ ସପ୍ତାହ ପରେ ଏହି କ୍ଷତିପୂରଣ ଉପରେ ନିଷ୍ପତ୍ତି ନେଇଛି।
ଏନଡିଏମଏ ଦ୍ୱାରା ଦିଆଯାଇଥିବା ନିର୍ଦ୍ଦେଶରେ ଏହା ମଧ୍ୟ କୁହାଯାଇଛି ଯେ, କ୍ଷତିପୂରଣ ବଣ୍ଟନ ଜିଲ୍ଲା ବିପର୍ଯ୍ୟୟ ପରିଚାଳନା ପ୍ରାଧିକରଣ (DDMA) ମାଧ୍ୟମରେ କରାଯିବ। ମୃତକଙ୍କ ପରିବାରରୁ ଆବେଦନ ଗ୍ରହଣ ତାରିଖ ଠାରୁ ୩୦ ଦିନ ମଧ୍ୟରେ ଡିଡିଏମଏ ଆବେଦନକୁ କାର୍ଯ୍ୟକାରୀ କରିବ।