Happy Anniversary : କଲେଜରେ “ହାପି ମ୍ୟାରେଡ୍ ଲାଇଫ୍ ” ଉପରେ ଏକ କାର୍ଯ୍ୟକ୍ରମ ଅନୁଷ୍ଠିତ ହେଉଥିଲା, ଯେଉଁଥିରେ କେତେ ଜଣ ଦମ୍ପତି ଅଂଶଗ୍ରହଣ କରିଥିଲେ। ଯେଉଁ ସମୟରେ ପ୍ରଫେସର ମଞ୍ଚ ଉପରକୁ ଆସିଲେ, ସେତେବେଳେ ସେ ଦେଖିବାକୁ ପାଇଲେ ସମସ୍ତେ ନିଜ ଭିତରେ ଥଟ୍ଟା ମଜା କରୁଥିଲେ। ଏହା ଦେଖି ପ୍ରଫେସର ଜଣଙ୍କ ସମସ୍ତଙ୍କୁ କହିଲେ ଚାଲ ପ୍ରଥମେ ଗୋଟିଏ ଖେଳ ଖେଳିବା। ତାପରେ ଆଜିର ବିଷୟରେ ଆଲୋଚନା କରିବା।
ସମସ୍ତେ ଖୁସି ହୋଇ ପଚାରିଲେ, କି ପ୍ରକାର ଖେଳ ସାର୍ ?
ପ୍ରଫେସର ଜଣେ ବିବାହିତା ମହିଳାଙ୍କୁ ଛିଡ଼ା ହେବାପାଇଁ କହିଲେ ଏବଂ କଳାପଟାରେ ତୁମକୁ ଅଧିକ ଭଲପାଉଥିବା ୨୫-୩୦ ଜଣଙ୍କ ନାଁ ଲେଖିବାକୁ କହିଲେ। ମହିଳା ଜଣଙ୍କ ପ୍ରଥମେ ନିଜ ପରିବାର ଲୋକଙ୍କ ନାଁ ଲେଖିଲା। ତାପରେ ନିଜ କୁଟୁମ୍ବ, ସାଙ୍ଗ ସାଥୀ, ତାପରେ ପଡୋଶୀ ତଥା ନିଜ ସହକର୍ମୀମାନଙ୍କ ନାଁ ଲେଖିଦେଲା। ତାପରେ ପ୍ରଫେସର ସେମାନଙ୍କ ମଧ୍ୟରୁ କମ୍ ପସନ୍ଦ କରୁଥିବା ୫ ଜଣଙ୍କ ନାଁ ଲିଭାଇବା ପାଇଁ କହିଲେ।
ମହିଳା ଜଣଙ୍କ ପ୍ରଥମେ ନିଜର ୫ ଜଣ ସହକର୍ମୀଙ୍କ ନାଁ ଲିଭାଇଦେଲା। ପ୍ରଫେସର ଆଉ ୫ ଜଣଙ୍କ ନାଁ ଲିଭାଇବା ପାଇଁ କହିଲେ। ସେ ଅଳ୍ପ ସମୟ ଭାବି ନିଜ ପଡୋଶୀ ମାନଙ୍କ ନାଁ ଗୁଡ଼ିକ ଲିଭାଇଦେଲା। ଏବେ ପ୍ରଫେସର ଆଉ ୧୦ ଜଣଙ୍କ ନାଁ ଲିଭାଇବା ପାଇଁ କହିଲେ। ଝିଅଟି ନିଜ କୁଟୁମ୍ବୀ ତଥା ସାଙ୍ଗସାଥୀ ମାନଙ୍କ ନାଁ ଗୁଡ଼ିକ ଲିଭାଇଦେଲା। ଶେଷରେ କଳାପଟାରେ ମାତ୍ର ୪ ଜଣଙ୍କ ନାଁ ଥିଲା। ସେମାନଙ୍କ ମଧ୍ୟରେ ମା’, ବାପା, ସ୍ଵାମୀ ଓ ପୁଅ ଙ୍କ ନାଁ। ଏବେ ପ୍ରଫେସର ଏମାନଙ୍କ ମଧ୍ୟରୁ ୨ ଜଣଙ୍କ ନାଁ ଲିଭାଇବା ପାଇଁ କହିଲେ।
ମହିଳା ଜଣଙ୍କ ଏବେ ଟିକେ ଅଡ଼ୁଆରେ ପଡ଼ିଗଲା। ବହୁତ ଭାବିଚିନ୍ତି ଦୁଃଖ ଭରା ବଦନରେ ନିଜ ବାପା ମା’ଙ୍କ ନାଁ ଦୁଇଟି ଲିଭାଇଦେଲା। ହଲ୍ ରେ ଉପସ୍ଥିତ ଥିବା ସମସ୍ତେ ସ୍ତବ୍ଧ ହେଇଗଲେ, କାରଣ ଏହି ଖେଳଟି କେବଳ ସେ ଝିଅଟି ଏକା ଖେଳୁ ନା ଥିଲା। ସମସ୍ତଙ୍କ ମନରେ ସେଇ ଗୋଟିଏ ଖେଳ ଚାଲୁଥିଲା।
ଆଉ ମାତ୍ର ୨ ଟି ନାଁ କଳାପଟାରେ ଦେଖାଯାଉଥିଲା। ସ୍ଵାମୀ ଓ ପୁତ୍ର। ପ୍ରଫେସର ଶେଷଥର ପାଇଁ ଏମାନଙ୍କ ମଧ୍ୟରୁ ଜଣଙ୍କ ନାଁ ଲିଭାଇ ଦେବା ପାଇଁ ତାଙ୍କୁ କହିଲେ। ସେ ପ୍ରଫେସର ଙ୍କ ଆଦେଶ ଶୁଣି ଅବାକ୍ ହେଇଗଲା ! ସେ ବହୁତ ଭାବିଚିନ୍ତି କାନ୍ଦି କାନ୍ଦି ଶେଷରେ ନିଜ ପୁଅ ର ନାଁ କୁ କଳାପଟାରୁ ଲିଭାଇ ଦେଲା।
ଏହା ପରେ ପ୍ରଫେସର ମହିଳାଙ୍କୁ ନିଜ ଜାଗାରେ ବସିବା ପାଇଁ କହିଲେ ଏବଂ ସମସ୍ତଙ୍କ ଆଡ଼କୁ ଚାହିଁ ପଚାରିଲେ। କେହି ଜଣେ ଉତ୍ତର ଦେଇ ପାର କି , ଏମିତି କାହିଁକି ହେଲା ? କେବଳ ସ୍ଵାମୀଙ୍କ ନାଁ କଳାପଟାରେ ରହିଲା ! କେହି ଉତ୍ତର ଦେଇ ପାରିଲେନି। ସମସ୍ତେ ତଳକୁ ମୁଣ୍ଡ ନୁଆଇଁ ବସିଥାନ୍ତି।
ପ୍ରଫେସର ଜଣଙ୍କ ପୁଣିଥରେ ସେହି ମହିଳାଙ୍କୁ ଛିଡ଼ା କରାଇ ଏପରି କାହିଁକି କଲ ବୋଲି ପଚାରିଲେ। ଯିଏ ତୁମ କୁ ଜନ୍ମ ଦେଇ ପାଳି ପୋଷି ଏତେ ବଡ଼ କଲେ ତୁମେ ତାଙ୍କ ନାଁ କୁ ଲିଭାଇ ଦେଲ। ବାପ ମା’ଙ୍କ କଥା ପଛରେ ଥାଉ ନିଜ ଗର୍ଭରୁ ଜନ୍ମ ଦେଇଥିବା ସନ୍ତାନର ନାଁ କୁ ମଧ୍ୟ ତୁମେ ଲିଭାଇ ଦେଲ କାହିଁକି ?
ମହିଳା ଜଣଙ୍କ ଉତ୍ତର ଦେଲେ…
ବାପା ମା ବୁଢ଼ା ହେଇଗଲେଣି। କିଛି ଦିନ ପରେ ସେମାନେ ମୋତେ ତଥା ଏ ଦୁନିଆ କୁ ଛାଡି ଚାଲିଯିବେ। ଏହାର କୈ।ଣସି ମାନେ ନାହିଁ କି ବିବାହ ପରେ ପୁଅ ମୋ ସହିତ ରହିବ, କିନ୍ତୁ ମୋ ସ୍ଵାମୀ ମୋ ଶରୀରରେ ଜୀବ ଥିବା ପର୍ଯ୍ୟନ୍ତ ମୋ ଜୀବନ ର ଅର୍ଦ୍ଧେକ ହୋଇ ସର୍ବଦା ମୋ ସାଥୀରେ ଥିବେ। ଏଣୁ ମୋ ପାଇଁ ମୋ ପତି ସବୁଠାରୁ ଉର୍ଦ୍ଧ୍ବରେ ଅଟନ୍ତି। ପ୍ରଫେସରଙ୍କ ସହିତ ଉପସ୍ଥିତ ଥିବା ସମସ୍ତ ଦର୍ଶକଙ୍କ ତାଳି ମାଡ଼ରେ ଝିଅଟି କୁ ସଲାମୀ ଦେଲେ। ପ୍ରଫେସର କହିଲେ ତୁମେ ବିଲକୁଲ ଠିକ୍ ଉତ୍ତର ଦେଇଛ। ତୁମେ ଅନ୍ୟ ସମସ୍ତଙ୍କ ବିନା ରହିପାର କିନ୍ତୁ ନିଜ ସ୍ବାମୀଙ୍କ ବିନା ଅସମ୍ପୂର୍ଣ୍ଣ ଅଟ।
ମଜା ମଜଲିସ୍ ତ ଠିକ୍ କଥା କିନ୍ତୁ ସମସ୍ତ ମଣିଷର ନିଜ ଜୀବନସାଥୀ ହିଁ ହେଉଛି ଏ ପୃଥିବୀର ସବୁଠାରୁ ତା ପାଇଁ ଇଶ୍ୱର ଦେଇଥିବା ଶ୍ରେଷ୍ଠ ଉପହାର l ଏହା ବାସ୍ତବ ଅଟେ। କେବେ ଭୁଲନ୍ତୁ ନାହିଁ ଜୀବନରେ।
“ଜୀବନ ସାଥୀରେ ସିଏ, ଜୀବନ ପରେ ସିଏ !”