Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ବିଶେଷ ଖବର»ଜାତୀୟ କୃଷି ସମ୍ମିଳନୀ: ଖରିଫ ଅଭିଯାନ- ୨୦୨୨ ଉଦ୍‌ଘାଟନ କଲେ କେନ୍ଦ୍ର କୃଷି ମନ୍ତ୍ରୀ
ବିଶେଷ ଖବର

ଜାତୀୟ କୃଷି ସମ୍ମିଳନୀ: ଖରିଫ ଅଭିଯାନ- ୨୦୨୨ ଉଦ୍‌ଘାଟନ କଲେ କେନ୍ଦ୍ର କୃଷି ମନ୍ତ୍ରୀ

April 19, 2022No Comments4 Mins Read
Share Facebook Twitter LinkedIn Email WhatsApp Copy Link

ଦିଲ୍ଲୀ: କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମର ଆଜି ଦିଲ୍ଲୀରେ ଏନ୍‌ଏଏସ୍‌ସି ପରିସରରେ ଖରିଫ୍ ଅଭିଯାନ ୨୦୨୨ – ୨୩ ନିମନ୍ତେ ଜାତୀୟ କୃଷି ସମ୍ମିଳନୀର ଉଦ୍‌ଘାଟନ କରିଛନ୍ତି। ଏହି ଅବସରରେ ମନ୍ତ୍ରୀ ସନ୍ତୋଷ ପ୍ରକାଶ କରି କହିିଥିଲେ ଯେ, ଦ୍ୱିତୀୟ ଅଗ୍ରୀମ ଅନୁମାନ (୨୦୨୧ – ୨୨) ଅନୁସାରେ, ଦେଶରେ ସମୁଦାୟ ଖାଦ୍ୟଶସ୍ୟର ଉତ୍ପାଦନ ୩୧୬୦ ଲକ୍ଷ ଟନ୍ ହେବ ବୋଲି ଅନୁମାନ ଲଗାଯାଇଛି, ଯାହା ଏକ ସର୍ବକାଳୀନ ରେକର୍ଡ ହେବ। ଡାଲି ଏବଂ ତୈଳବୀଜର ଉତ୍ପାଦନ ଯଥାକ୍ରମେ ୨୬୯.୫ ଏବଂ ୩୭୧.୫ ଲକ୍ଷ ଟନ୍ ହେବ। ତୃତୀୟ ଅଗ୍ରୀମ ଅନୁମାନ ଅନୁସାରେ, ୨୦୨୦ – ୨୧ରେ ଉଦ୍ୟାନ କୃଷି ଉତ୍ପାଦନ ୩୩୧୦. ୫ ଲକ୍ଷ ଟନ୍ ରହିଛି, ଯାହା ଭାରତୀୟ ଉଦ୍ୟାନ କୃଷି ନିମନ୍ତେ ଏବେ ପର୍ଯ୍ୟନ୍ତ ସର୍ବାଧିକ ଅଟେ। ମନ୍ତ୍ରୀ କହିଥିଲେ ଯେ, କେନ୍ଦ୍ର ଏବଂ ରାଜ୍ୟ ସରକାର କୃଷକ ମାନଙ୍କ ନିମନ୍ତେ ଖର୍ଚ୍ଚ କମ୍ କରିବା ପାଇଁ କୀଟନାଶକ ଏବଂ ମଞ୍ଜିର ଉପଲବ୍ଧତା ସୁନିଶ୍ଚିତ କରିବା ନିମନ୍ତେ ମିଳିତ ଭାବେ କାର୍ଯ୍ୟ କରିବେ। ସେ ଅନୁରୋଧ କରିଥିଲେ ଯେ, ୟୁରିଆକୁ ନାନୋ – ୟୁରିଆରେ ପରିବର୍ତନ କରିବା ଉଚିତ୍।  ସେ ଘୋଷଣା କରିଥିଲେ ଯେ, ପୂର୍ବ ଭଳି ସରକାର ପ୍ରାକୃତିକ ଏବଂ ଜୈବିକ କୃଷି ଉପରେ ଗୁରୁତ୍ୱ ଦେବା ଜାରି ରଖିବେ । ରପ୍ତାନି ସମ୍ପର୍କରେ ମନ୍ତ୍ରୀ କହିଥିଲେ ଯେ, କୃଷି ରପ୍ତାନିରେ ଅଭିବୃଦ୍ଧି ଘଟିଛି, ଗୁଣବତା ସମ୍ପନ୍ନ ଉତ୍ପାଦ ଉପରେ ଧ୍ୟାନ ଦେବା ଉଚିତ୍‌, ଫଳରେ ତାହା ଅନ୍ତର୍ଜାତୀୟ ବଜାର ମାନଙ୍କରେ ପ୍ରତିଦ୍ୱନ୍ଦ୍ୱିତା କରିପାରିବ। ରପ୍ତାନିକାରୀ ଏବଂ କୃଷକ ଉଭୟଙ୍କର ଲାଭ ହେବା ଉଚିତ୍।

ଏହି ସମ୍ମିଳନୀର ଉଦ୍ଦେଶ୍ୟ ଥିଲା ପୂର୍ବବର୍ତ୍ତୀ ଫସଲ ଋତୁ ସମୟରେ ଫସଲର ପ୍ରଦର୍ଶନର ସମୀକ୍ଷା ଏବଂ ମୂଲ୍ୟାଙ୍କନ କରିବା ଏବଂ ରାଜ୍ୟ ସରକାରଙ୍କ ପରାମର୍ଶ କ୍ରମେ ଖରିଫ୍ ଋତୁ ନିମନ୍ତେ ଫସଲର ଲକ୍ଷ୍ୟ ନିର୍ଦ୍ଧାରିତ କରିବା, ମହତ୍ୱପୂର୍ଣ୍ଣ ଇନ୍‌ପୁଟର ଯୋଗାଣକୁ ସୁନିଶ୍ଚିତ କରିବା ଏବଂ ଉତ୍ପାଦନ ବୃଦ୍ଧି ଏବଂ ଏବଂ ଫସଲର ଉତ୍ପାଦକତା ବଢ଼ାଇବା ଦୃଷ୍ଟିରୁ ନୂତନ ଟେକ୍ନୋଲୋଜିକୁ ବ୍ୟବହାର କରିବା ପାଇଁ ସୁବିଧା ପ୍ରଦାନ କରିବା। ସରକାରଙ୍କ ପ୍ରାଥମିକତା ହେଉଛି କୃଷି- ପରିବେଶ ଭିତିକ ଫସଲ ଯୋଜନା, ଯାହା ଚାଉଳ ଏବଂ ଗହମ ପରି ଅତିରିକ୍ତ ଦ୍ରବ୍ୟରୁ ଡାଲି ଏବଂ ତୈଳବୀଜ ଭଳି ଉଚ୍ଚ ମୂଲ୍ୟରେ ରପ୍ତାନି ହେଉଥିବା ଫସଲ ପାଇଁ ଜମିକୁ ପ୍ରସ୍ତୁତ କରିବା। ସରକାର ଡାଲି  ଏବଂ ତୈଳବୀଜ କ୍ଷେତ୍ରରେ ଆତ୍ମନିର୍ଭରଶୀଳତା ଏବଂ ପାମ୍ ତେଲର ଉତ୍ପାଦନକୁ ପ୍ରୋତ୍ସାହିତ କରିବା ଉପରେ ଧ୍ୟାନ କେନ୍ଦ୍ରିତ କରି ଫସଲର ବିବିଧକରଣ ଉପରେ ଉଚ୍ଚ ପ୍ରାଥମିକତା ଦେଉଛନ୍ତି। ଦେଶରେ ଫସଲର ବିବିଧକରଣର କାର୍ଯ୍ୟକ୍ରମ ନିମନ୍ତେ ଏକ ଜାତୀୟ ନୀତିର ରୂପରେଖକୁ ଅନ୍ତିମ ରୂପ ଦେବା ନିମନ୍ତେ ପ୍ରମୁଖ ରାଜ୍ୟ ସମୂହ, ଗବେଷକ, ଶିଳ୍ପ ଏବଂ ନୀତି ନିର୍ମାତାମାନଙ୍କ ଭଳି ସମସ୍ତ ଅଂଶଧାରକ ମାନଙ୍କ ସହିତ ବିଚାର – ବିମର୍ଶ କରା ଯାଇଛି। କୃଷିକୁ ସ୍ଥାୟୀ, ଲାଭଦାୟକ ଏବଂ ନିଅଂଟ ଦ୍ରବ୍ୟରେ ଆତ୍ମନିର୍ଭର କରାଇବା ନିମନ୍ତେ ସମସ୍ତ ରାଜ୍ୟମାନଙ୍କୁ ଫସଲ ବିବିଧକରଣ ଦିଗରେ କାର୍ଯ୍ୟ କରିବା ଉଚିତ୍।

ସମ୍ମିଳନୀରେ ଚଳିତ ବର୍ଷରେ ୩୧୬୦ ଟନ୍‌ର ଆନୁମାନିକ ଉତ୍ପାଦନ ତୁଳନାରେ ୨୦୨୨ -୨୩ ବର୍ଷ ନିମନ୍ତେ ସମୁଦାୟ ଖାଦ୍ୟଶସ୍ୟ ଉତ୍ପାଦନ ନିମନ୍ତେ ଜାତୀୟ ଲକ୍ଷ୍ୟ ୩୨୮୦ ଲକ୍ଷ ଟନ୍ ନିର୍ଦ୍ଧାରିତ କରାଯାଇଛି। ୨୦୨୨- ୨୩ ରେ ଡାଲି ଏବଂ ତୈଳବୀଜର ଉତ୍ପାଦନ ଲକ୍ଷ୍ୟ ଯଥାକ୍ରମେ ୨୯୫.୫ ଏବଂ ୪୧୩.୪ ଲକ୍ଷ ଟନ୍ ନିର୍ଦ୍ଧାରିତ କରାଯାଇଛି। ପୁଷ୍ଟିକର – ଶସ୍ୟ ଉତ୍ପାଦନ ୨୦୨୧ -୨୨ରେ ୧୧୫. ୩ରୁ ବୃଦ୍ଧି କରାଯାଇ ୨୦୨୨ – ୨୩ରେ ୨୦୫ .୦ ଲକ୍ଷ ଟନ୍‌କୁ ବୃଦ୍ଧି କରିବାକୁ ପଡିବ। ଆନ୍ତ – ଫସଲ ଅମଳ ଏବଂ ଫସଲର ବିବିଧକରଣ ଏବଂ ଏଚ୍‌ୱାଇଭିର ପ୍ରବର୍ତନ ମାଧ୍ୟମରେ ଉତ୍ପାଦକତା ବୃଦ୍ଧି ଏବଂ କମ୍ ଉତ୍ପାଦନକ୍ଷମ କ୍ଷେତ୍ର ଗୁଡିକରେ ଉପଯୁକ୍ତ କୃଷି ପଦ୍ଧତି ଗୁଡିକୁ ଆପଣେଇବା ପଡିବ।

କୃଷି ଏବଂ କୃଷକ କଲ୍ୟାଣ ସଚିବ ମନୋଜ ଆହୁଜା କହିଛନ୍ତି ଯେ, ୨୦୧୫ -୧୬ରୁ ଦେଶରେ ଖାଦ୍ୟ ଶସ୍ୟ ଉତ୍ପାଦନରେ କ୍ରମାଗତ ଭାବେ ବୃଦ୍ଧି ଘଟିଛି। ଗତ ୬ ବର୍ଷରେ ମୋଟ ଖାଦ୍ୟଶସ୍ୟ ଉତ୍ପାଦନ ୨୫% ବୃଦ୍ଧି ପାଇ ୨୫୧.୫୪ରୁ ୩୧୬.୦୧ ମିଲିୟନ ଟନ୍ ହୋଇଛି। ତୈଳବୀଜ ସମାନ ଧାରାକୁ ଅନୁସରଣ କରିଛି ଏବଂ ୨୦୧୫- ୧୬ରେ ୨୫.୨୫ ନିୟୁତ ଟନ୍‌ରୁ ୨୦୨୧ – ୨୨ରେ ୩୭.୧୫ ନିୟୁତ ଟନ୍‌କୁ ୪୨% ଅଭିବୃଦ୍ଧି ଦେଖାଇଛି। ୨୦୨୧- ୨୨ ମସିହାରେ ଭାରତର କୃଷିଜାତ ଦ୍ରବ୍ୟ ରପ୍ତାନି ୧୯.୯୨% ବୃଦ୍ଧି ପାଇ ୫୦.୨୧ ବିଲିୟନ୍ ଡଲାର (୩୭୬୫୭୫ କୋଟି ଟଙ୍କା)କୁ ଛୁଇଁଛି। ଗହମ, ଅନ୍ୟାନ୍ୟ ଶସ୍ୟ, ଚାଉଳ (ବାସମତି ବ୍ୟତୀତ), ସୋୟା ମିଲ୍‌, ତାଜା ପନିପରିବା ଏବଂ ପ୍ରକିୃୟାକୃତ ପନିପରିବା ଇତ୍ୟାଦି ଅଧିକାଂଶ ସକାରାତ୍ମକ ଅଭିବୃଦ୍ଧି ପଞ୍ଜିକୃତ କରିଛି।

ସେ କହିଥିଲେ ଯେ, “ଗ୍ରାମାଂଚଳରେ ଖାଦ୍ୟ ଏବଂ ପୁଷ୍ଟିର ନିରାପତା ସୁନିଶ୍ଚିତ କରିବା ପାଇଁ ଆମକୁ କୃଷି ଏବଂ ଉଦ୍ୟାନ କୃଷି କ୍ଷେତ୍ରର ଅମଳ ଏବଂ ଉତ୍ପାଦନକୁ ତ୍ୱରାନ୍ୱିତ କରିବାକୁ ହେବ। ସରକାର ଅନେକ ବିକାଶମୂଳକ କାର୍ଯ୍ୟକ୍ରମ, ଯୋଜନା, ସଂସ୍କାର ଏବଂ ନୀତି ଗ୍ରହଣ କରିଛନ୍ତି ଯାହା ଚାଷୀଙ୍କ ପାଇଁ ଅଧିକ ଆୟ ଉପରେ ଧ୍ୟାନ ଦେଇଥାଏ। ୩୮୧. ୯୫ କୋଟି ଟଙ୍କା ଆବଂଟନ ସହିତ ସମସ୍ତ ତୈଳବୀଜ ପାଇଁ ୩ ବର୍ଷ ନିମନ୍ତେ ସିଡ୍ ରୋଲିଂ ଯୋଜନା (୨୦୨୧- ୨୨ ରୁ ୨୦୨୩- ୨୪) ପାଇଁ ଆକ୍ସନ୍ ପ୍ଲାନ୍ ହୋଇଛି, ଯାହା ମାଧ୍ୟମରେ ଆଗାମୀ ୩ ବର୍ଷରେ ମୋଟ ୧୪. ୭ ଲକ୍ଷ କ୍ୱିଂଟାଲ୍ ଗୁଣାତ୍ମକ ବିହନ ଉତ୍ପାଦନ କରାଯିବ”।

ଖରିଫ୍ ଋତୁରେ ଫସଲ ପରିଚାଳନା ପାଇଁ ରଣନୀତି ଉପରେ ବିସ୍ତୃତ ଉପସ୍ଥାପନା କରି କୃଷି କମିଶନର ଡକ୍ଟର  ଏ. କେ, ସିଂହ  କହିଛନ୍ତି ଯେ, ସରକାରଙ୍କର ସମୟପୋଯୋଗୀ ହସ୍ତକ୍ଷେପ ଯୋଗୁଁ ଦେଶରେ ଏବେ ସୁଦ୍ଧା ସର୍ବାଧିକ ଖାଦ୍ୟଶସ୍ୟ, ତୈଳବୀଜ ଏବଂ ଉଦ୍ୟାନ କୃଷି ଉତ୍ପାଦନ କରାଯାଇ ପାରିଛି। ବର୍ତମାନ ତୈଳବୀଜ, ଡାଲି ଏବଂ ପୁଷ୍ଟିକର – ଶସ୍ୟ ଉପରେ ବିଶେଷ ଧ୍ୟାନ ଦିଆଯାଇଛି। ମୌସୁମୀ ଯୋଗୁଁ ବର୍ଷା ସ୍ୱାଭାବିକ ଠାରୁ ଅଧିକ ହୋଇଛି ଏବଂ ଗ୍ରୀଷ୍ମ ସମୟରେ ପ୍ରାୟ ୫୫.୭୬ ଲକ୍ଷ ହେକ୍ଟର ଚାଷ କରାଯାଉଥିଲା। ସରକାରୀ ନୀତି ଅନୁସରଣ କରି ଡାଲି ଏବଂ ତୈଳବୀଜ ଚାଷରେ ଅନୁରୂପ ବୃଦ୍ଧି ସହିତ ଧାନ ଚାଷ ହେଉଥିବା ଅଂଚଳର ପରିମାଣ ହ୍ରାସ ପାଇଛି। ବିହନ ଏବଂ ସାରର ଆବଶ୍ୟକତା ଅନୁସାରେ ସରକାର କାର୍ଯ୍ୟ  କରିଛନ୍ତି ଏବଂ ଠିକ୍ ସମୟରେ ଯୋଗାଣ ନିଶ୍ଚିତ କରିବେ। (ବିସ୍ତୃତ ଉପସ୍ଥାପନା ପାଇଁ ଏଠାରେ କ୍ଲିକ୍ କରନ୍ତୁ)

ସଚିବ (ସାର) ଆଗାମୀ ଋତୁ ନିମନ୍ତେ ସାର ଆମଦାନୀର ସ୍ଥିତି ଉପରେ ବିଚାର – ବିମର୍ଶ କରାଯାଇଛି ବୋଲି କହିଥିଲେ । ୨୦୨୩ରେ ପୁଷ୍ଟିକର – ଶସ୍ୟର ଉତ୍ପାଦନର ବୃଦ୍ଧି ଏବଂ ମାଣ୍ଡିଆ ଅନ୍ତର୍ଜାତୀୟ ବର୍ଷ ପାଳନ କରିବା ନିମନ୍ତେ କରାଯାଇଥିବା ପଦକ୍ଷେପ ନିମନ୍ତେ ବିସ୍ତୃତ ରେ କହିଥିଲେ। ଆର୍‌କେଭିିୱାଇର କ୍ୟାଫେଟେରିଆ ଦୃଷ୍ଟିକୋଣ ଏବଂ କୃଷି ଯନ୍ତ୍ରାଂଶକରଣ ନିମନ୍ତେ ଉପ ଯୋଜନା ଗୁଡିକୁ ରାଜ୍ୟ ଗୁଡିକର ଲାଭ ନିମନ୍ତେ ଆବଂଟନ କରାଯାଇଛି । ଡିଜିଟାଲ୍ କୃଷି, ପିଏମ୍ – କିଷାନ ଏବଂ ପ୍ରାକୃତିକ କୃଷି ଉପରେ ମଧ୍ୟ ସେ କହିଥିଲେ।

ଅତିରିକ୍ତ ସଚିବ (କୃଷି) ଏବଂ ଡିଏ ଆଣ୍ଡ ଏଫ୍‌ଡବ୍ଲ୍ୟୁ, ଆଇସିଏଆର୍‌ର ବରିଷ୍ଠ ଅଧିକାରୀ ଏବଂ ବିଭିନ୍ନ ରାଜ୍ୟର ସରକାରୀ ଅଧିକାରୀମାନେ ଜାତୀୟ ସମ୍ମିଳନୀରେ ଭାଗ ନେଇଥିଲେ। ଗୁଜରାଟ, ଆସାମ, କର୍ଣ୍ଣାଟକ, ମଧ୍ୟପ୍ରଦେଶ ଏବଂ ଉତର ପ୍ରଦେଶ ରାଜ୍ୟ ଗୁଡିକରେ ନିଜର ପ୍ରଗତି ସମ୍ପର୍କରେ କହିଥିଲେ। ଏହା ପରେ ସମସ୍ତ ରାଜ୍ୟର କୃଷି ଉତ୍ପାଦନ ଆୟୁକ୍ତ ଏବଂ ପ୍ରଧାନ ସଚିବଙ୍କ ସହିତ କଥାବାର୍ତା ଅଧିବେଶନ ଆୟୋଜନା କରାଯାଇଥିଲା, ଯାହ ଫଳରେ ଖରିଫ ଋତୁ ସମୟରେ କ୍ଷେତ୍ରର କଭରେଜ୍‌, ଉତ୍ପାଦନ ଏବଂ ଉତ୍ପାଦକତାରେ ବୃଦ୍ଧି ନିମନ୍ତେ ନିଜ ରାଜ୍ୟ ସମ୍ବନ୍ଧିତ ପ୍ରସଙ୍ଗକୁ ଉଠା ଯାଇପାରିବ।

କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂହ ତୋମର
Share. Facebook Twitter LinkedIn Email WhatsApp Copy Link

Related Posts

ରାଜ୍ୟରେ ଛାତ୍ର ସଂସଦ ନିର୍ବାଚନ ତୁରନ୍ତ କରିବା ପାଇଁ ଦାବୀ କଲା ପ୍ରଦେଶ କଂଗ୍ରେସ, ହେଲେ କାହିଁକି ?

September 8, 2025

ଉପରାଷ୍ଟ୍ରପତି ନିର୍ବାଚନକୁ ନେଇ ବିଜେଡି କଲା ବଡ ଘୋଷଣା, ନିଆଗଲା ଏହି ନିଷ୍ପତି

September 8, 2025

ଉପରାଷ୍ଟ୍ରପତି ନିର୍ବାଚନରେ ​​କେଉଁ ଦଳ ବଦଳାଇ ପାରନ୍ତି ପକ୍ଷ, BJD, YSR ର ମତ କଣ ହେବ?

September 8, 2025

ଆରେ ହେ…ପ୍ରଧାନମନ୍ତ୍ରୀ କଣ ପଛ ଧାଡିରେ ବସିଛନ୍ତି !!! ଏହା ସତ ନା ମିଛ ?

September 8, 2025
Latest News

ସମ୍ ହସ୍ପିଟାଲ୍‌ରେ ଚତୁର୍ଥ ଥର ପାଇଁ ଅଙ୍ଗଦାନ ପ୍ରକ୍ରିୟା ସମ୍ପନ୍ନ

September 8, 2025

ବିଜେଡି ଭୋଟଦାନରୁ ବିରତ ରହିବା ଅର୍ଥ ପରୋକ୍ଷ ବିଜେପିକୁ ସମର୍ଥନ, କଂଗ୍ରେସ

September 8, 2025

ବାଣପୁର ଠାରେ ବ୍ଲକ ସ୍ତରୀୟ ନବ ଭାରତ ସାକ୍ଷରତା କାର୍ଯ୍ୟକ୍ରମ – ‘ଉଲ୍ଲାସ’ ଅନୁଷ୍ଠିତ

September 8, 2025

ଚିଲିକା: ସ୍ବର୍ଗତ ଶ୍ରୀ ହରିହର ସାହୁ ସ୍ମାରକୀ ଛାତ୍ରବୃତ୍ତି

September 8, 2025

ଖୋର୍ଦ୍ଧା ଜିଲ୍ଲାପାଳଙ୍କ ଅଭିନବ ପ୍ରୟାସ: ଏଣିକି ପ୍ରତ୍ୟେକ ସୋମବାର ‘ପଲ୍ଲୀରେ ପ୍ରଶାସନ’ କାର୍ଯ୍ୟକ୍ରମ

September 8, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.