ନୂଆଦିଲ୍ଲୀ: ପଦ୍ମଶ୍ରୀ ପୁରସ୍କାର ପାଇଥିବା ୯୦ ବର୍ଷୀୟ ଓଡ଼ିଶୀ ନୃତ୍ୟଶିଳ୍ପୀ ଗୁରୁ ମାୟାଧର ରାଉତଙ୍କୁ ୧୯୮୮ ମସିହାରେ ଏସିଆନ୍ ଗେମ୍ସ ଗ୍ରାମ ଗୃହରୁ ବାହାର କରିଦିଆଯାଇଛି। ଅଭିଯୋଗ ହୋଇଛି ଯେ, କୌଣସି ବିଜ୍ଞପ୍ତି ବିନା ଘର ସାମଗ୍ରୀ ବାହାରକୁ କାଢି ଦିଆଯାଇଛି। ଏହାସହିତ ଅଧିକାରୀଙ୍କ ଆଚରଣ ଠିକ୍ ନଥିଲା ବୋଲି ଅଭିଯୋଗ ହୋଇଛି। ପ୍ରକାଶ ଯୋଗ୍ୟ ଯେ, ଘର ଖାଲି କରିବାକୁ କେନ୍ଦ୍ର ସରକାରଙ୍କ ନିର୍ଦ୍ଦେଶ ପରେ ଅନେକ କଳାକାର ହାଇକୋର୍ଟଙ୍କ ନିକଟକୁ ଯାଇଥିଲେ। କିନ୍ତୁ ସେମାନଙ୍କ ବିରୋଧରେ ଆଦେଶ ଆସିଥିଲା। ରିଭ୍ୟୁ ପିଟିସନ ମଙ୍ଗଳବାର ଦିନ ଶୁଣାଣି ହେବାର ଥିଲା। କିନ୍ତୁ ଏହାପୂର୍ବରୁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଯାଇଥିଲା।
ମାୟାଧର ରାଉତଙ୍କ ଝିଅଅ ମଧୁମିତା ରାଉତ ଗଣମାଧ୍ୟମକୁ କହିଛନ୍ତି ଯେ, ଏହି ନିଷ୍ପତ୍ତି ବିଷୟରେ କଳାକାରଙ୍କୁ ୨୦୨୦ ରେ ଅବଗତ କରାଯାଇଥିଲା। ଯାହା ବହୁତ ଭୁଲ ଥିଲା। ମୁଁ ଭାବୁଛି ଭାରତ ଭଳି ଏକ ମହାନ ଦେଶରେ ସାଂସ୍କୃତିକ ନୀତି ରହିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ବର୍ତ୍ତମାନ ପର୍ଯ୍ୟନ୍ତ ସଂସଦରେ କଳାକାରଙ୍କ ଉପରେ କୌଣସି ଆଲୋଚନା କରାଯାଇ ନାହିଁ।
ସେମାନଙ୍କୁ ଘରୁ କିପରି ହଟାଇ ଦିଆଗଲା ବୋଲି ପ୍ରଶ୍ନ କରି ସେ କହିଛନ୍ତି ଯେ, ସାମଗ୍ରୀ ଫିଙ୍ଗି ଦିଆଯାଇଛି। ଯଦି ମୁଁ ସେଦିନ ସେଠାରେ ନ ଥା’ନ୍ତି, ତେବେ ବୋଧହୁଏ ମୋ ବାପା ସେଦିନ ଏହି ଦୁନିଆରେ ନଥାନ୍ତେ। ଅଧିକାରୀମାନେ ଘଣ୍ଟି ବଜାଇ ଘର ଖାଲି କରିବାକୁ ପଡିବ ବୋଲି କହିଥିଲେ। ସେହି ସମୟରେ ଏକଟା ବାଜିଥିଲା। ମୁଁ ବାପାଙ୍କୁ ଖାଇବାକୁ ଦେବା ପାଇଁ ଅନୁରୋଧ କରିଥିଲି, କିନ୍ତୁ ଅଧିକାରୀମାନେ ତାଙ୍କ କଥା ଶୁଣିନଥିଲେ।
ସେ କହିଛନ୍ତି ଯେ, ଆମକୁ ଦୁଇ ମିନିଟ୍ ମଧ୍ୟ ଦିଆଯାଇନଥିଲା। ସଙ୍ଗେ ସଙ୍ଗେ ଶ୍ରମିକ ଓ ଅଧିକାରୀମାନେ ଘର ଭିତରକୁ ଆସିଲେ। ସେମାନଙ୍କର କୌଣସି ଅର୍ଡର ନୋଟିସ ନଥିଲା। ମୁଁ ମୋ ପିଲାମାନଙ୍କୁ ନୃତ୍ୟ ଏବଂ ସଙ୍ଗୀତ କ୍ଷେତ୍ରରେ ପ୍ରବେଶ କରିବାକୁ କେବେବି କହିବି ନାହିଁ। ମୁଁ କହିବି ତୁମେ ଏକ ସଫ୍ଟୱେର୍ ଇଞ୍ଜିନିୟର ହୁଅ। କାରଣ କଳାକାରମାନଙ୍କୁ ମୋଦୀ ସରକାରଙ୍କ ଅଧୀନରେ ସମ୍ମାନ ଦିଆ ଯାଏ ନାହିଁ।