ଭୁବନେଶ୍ବର: ବିଶ୍ୱ ଜୈବ ଇନ୍ଧନ ଦିବସ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭିଡିଓ କନଫରେନ୍ସିଂ ଜରିଆରେ ହରିୟାଣାର ପାନିପଥରେ ଦ୍ୱିତୀୟ ପୀଢି (୨ଜି) ଇଥାନଲ କାରଖାନାକୁ ଦେଶକୁ ଉତ୍ସର୍ଗ କରିଛନ୍ତି। ଏହି ଉତ୍ସବରେ ହରିୟାଣାର ରାଜ୍ୟପାଳ ବନ୍ଦାରୁ ଦତ୍ତାତ୍ରେୟ, କେନ୍ଦ୍ର ମନ୍ତ୍ରୀ ନରେନ୍ଦ୍ର ସିଂହ ତୋମାର, ହରଦୀପ ସିଂହ ପୁରୀ, ରମେଶ୍ୱର ତେଲି ଉପସ୍ଥିତ ଥିଲେ।
ବିଶ୍ୱ ଜୈବ ଇନ୍ଧନ ଦିବସ ଅବସରରେ ପ୍ରଧାନମନ୍ତ୍ରୀ ଲୋକମାନଙ୍କୁ ଅଭିନନ୍ଦନ ଜଣାଇଛନ୍ତି। ଇଥାନଲ କାରଖାନାକୁ ଆରମ୍ଭ କରି ସେ କହିଛନ୍ତି ଯେ ଏହି କାରଖାନା ଦିଲ୍ଲୀ, ହରିୟାଣା ଏବଂ ଏନସିଆରରେ ପ୍ରଦୂଷଣ ହ୍ରାସ କରିବ। ସିଡବ୍ଲ୍ୟୁଜି ୨୦୨୨ ରେ ହରିୟାଣାର ଝିଅ ଏବଂ ପୁଅମାନଙ୍କ ଦ୍ୱାରା ଚମତ୍କାର ପ୍ରଦର୍ଶନ ପାଇଁ ସେ ହରିୟାଣାବାସୀଙ୍କୁ ଅଭିନନ୍ଦନ ଜଣାଇଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ଆମ ଭଳି ଦେଶରେ ପ୍ରକୃତିର ଉପାସନା କରୁଥିବା ଜୈବ ଇନ୍ଧନ ପ୍ରକୃତିର ସୁରକ୍ଷା ପାଇଁ ସମକକ୍ଷ ଅଟେ। ଆମର କୃଷକ ଭାଇ ଓ ଭଉଣୀମାନେ ଏହାକୁ ଭଲ ଭାବରେ ବୁଝନ୍ତି। ଆମ ପାଇଁ ଜୈବ ଇନ୍ଧନର ଅର୍ଥ ହେଉଛି ସବୁଜ ଇନ୍ଧନ, ପରିବେଶ ସୁରକ୍ଷା ଇନ୍ଧନ। ସେ କହିଛନ୍ତି ଯେ ଏହି ଆଧୁନିକ କାରଖାନା ପ୍ରତିଷ୍ଠା ହେବା ସହିତ ହରିୟାଣାର କୃଷକମାନେ ଯେଉଁଠାରେ ଚାଉଳ ଏବଂ ଗହମ ପ୍ରଚୁର ପରିମାଣରେ ଚାଷ କରାଯାଏ, ସେମାନେ ଫସଲର ଅବଶିଷ୍ଟାଂଶ ବ୍ୟବହାର କରିବାର ଅନ୍ୟ ଏକ ଲାଭଜନକ ମାଧ୍ୟମ ପାଇବେ।
ପାନିପଥର ଜୈବ-ଇନ୍ଧନ କାରଖାନାରେ ମଧ୍ୟ ଏହାକୁ ନପୋଡ଼ି ନଷ୍ଟ କରିବାକୁ ସକ୍ଷମ ହେବ। ଏହାଦ୍ୱାରା ଅନେକ ଲାଭ ହେବ ବୋଲି ପ୍ରଧାନମନ୍ତ୍ରୀ ମନ୍ତବ୍ୟ ଦେଇଛନ୍ତି। ପ୍ରଥମ ସୁବିଧା ହେବ ଯେ ପୃଥିବୀ ମାତା ନଡ଼ା ଜାଳିବା ଦ୍ୱାରା ହେଉଥିବା ଯନ୍ତ୍ରଣାରୁ ମୁକ୍ତି ପାଇବ। ଦ୍ୱିତୀୟ ସୁବିଧା ହେବ ଯେ ନଡା କାଟିବା ଏବଂ ଏହାର ନିଷ୍କାସନ ପାଇଁ ନୂତନ ବ୍ୟବସ୍ଥା, ପରିବହନ ପାଇଁ ନୂତନ ସୁବିଧା ଏବଂ ନୂତନ ଜୈବ ଇନ୍ଧନ କାରଖାନା ଏହି ସମସ୍ତ ଗ୍ରାମରେ ନୂତନ ନିଯୁକ୍ତିର ସୁଯୋଗ ଆଣିବ। ତୃତୀୟ ସୁବିଧା ହେବ ଯେ ଫସଲର ଏହି ଅବଶିଷ୍ଟାଂଶ ଯାହା ଚାଷୀଙ୍କ ପାଇଁ ବୋଝ ଥିଲା ଏବଂ ଚିନ୍ତାର କାରଣ ଥିଲା, ତାହା ସେମାନଙ୍କ ପାଇଁ ଅତିରିକ୍ତ ଆୟର ମାଧ୍ୟମ ହେବ। ଚତୁର୍ଥ ସୁବିଧା ହେବ ଯେ ପ୍ରଦୂଷଣ ହ୍ରାସ ପାଇବ ଏବଂ ପରିବେଶର ସୁରକ୍ଷା ପାଇଁ କୃଷକଙ୍କ ଅବଦାନ ଆହୁରି ବୃଦ୍ଧି ପାଇବ। ଏବଂ ପଞ୍ଚମ ଲାଭ ହେବ ଯେ ଦେଶ ମଧ୍ୟ ଏକ ବିକଳ୍ପ ଇନ୍ଧନ ପାଇବ। ଦେଶର ବିଭିନ୍ନ କ୍ଷେତ୍ରରେ ଏଭଳି କାରଖାନା ପ୍ରତିଷ୍ଠା ହେଉଥିବାରୁ ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ଯେଉଁମାନଙ୍କର ରାଜନୈତିକ ସ୍ୱାର୍ଥ ପାଇଁ ସର୍ଟ-କଟ୍ ଗ୍ରହଣ କରି ସମସ୍ୟାରୁ ଦୂରେଇ ରହିବାର ପ୍ରବୃତ୍ତି ରହିଛି ସେମାନେ ସମସ୍ୟାର ସ୍ଥାୟୀ ସମାଧାନ କରିପାରିବେ ନାହିଁ। ଯେଉଁମାନେ ସର୍ଟ-କଟ୍ ବ୍ୟବସ୍ଥାକୁ ଗ୍ରହଣ କରୁଛନ୍ତି ସେମାନେ କିଛି ସମୟ ପାଇଁ କରତାଳି ପାଇପାରନ୍ତି ଏବଂ ରାଜନୈତିକ ସୁବିଧା ପାଇପାରନ୍ତି, କିନ୍ତୁ ତାହା ସମସ୍ୟାର ସମାଧାନ କରେ ନାହିଁ। ଏକ ସର୍ଟ କଟ୍କୁ ଗ୍ରହଣ କରିବା ନିଶ୍ଚିତ ଭାବରେ ଏକ ସର୍ଟ ସର୍କିଟରେ ପରିଣତ ହେବ। ସର୍ଟ-କଟ୍ ଅନୁସରଣ କରିବା ପରିବର୍ତ୍ତେ ଆମ ସରକାର ସମସ୍ୟାର ସ୍ଥାୟୀ ସମାଧାନରେ ନିୟୋଜିତ ଅଛନ୍ତି। ବର୍ଷ ବର୍ଷ ଧରି ଫସଲର ଅବଶିଷ୍ଟାଂଶ ସମସ୍ୟା ବିଷୟରେ ଅନେକ କୁହାଯାଇଛି। କିନ୍ତୁ ସ୍ୱଳ୍ପ ମାନସିକତା ଥିବା ବ୍ୟକ୍ତି ଏହାର ସମାଧାନ କରିପାରିବେ ନାହିଁ ବୋଲି ସେ କହିଛନ୍ତି।
ସମସ୍ୟାର ସମାଧାନ ପାଇଁ ଲକ୍ଷ୍ୟ ରଖାଯାଇଥିବା ପଦକ୍ଷେପଗୁଡ଼ିକୁ ପ୍ରଧାନମନ୍ତ୍ରୀ ତାଲିକାଭୁକ୍ତ କରିଛନ୍ତି। କୃଷକ ଉତ୍ପାଦକ ସଂଗଠନ (ଏଫ୍ପିଓ) ଗୁଡିକୁ ‘ପାରାଲି\’ ପାଇଁ ଆର୍ଥିକ ସହାୟତା ପ୍ରଦାନ କରାଯାଇଥିଲା, ଫସଲର ଅବଶିଷ୍ଟାଂଶ ପାଇଁ ଆଧୁନିକ ଯନ୍ତ୍ରପାତି ଉପରେ ୮୦ ପ୍ରତିଶତ ସବସିଡି ପ୍ରଦାନ କରାଯାଇଥିଲା ଏବଂ ବର୍ତ୍ତମାନ ଏହି ଆଧୁନିକ କାରଖାନା ଏହି ସମସ୍ୟାର ସ୍ଥାୟୀ ସମାଧାନ କରିବାରେ ସାହାଯ୍ୟ କରିବ ବୋଲି ସେ କହିଛନ୍ତି। ପାରାଲି ଜଳିବା ବାଧ୍ୟତାମୂଳକ କାରଣରୁ ଯେଉଁ କୃଷକମାନଙ୍କୁ ଖରାପ ନାମ ଦିଆଯାଇଥିଲା, ସେମାନେ ବର୍ତ୍ତମାନ ଜୈବ-ଇନ୍ଧନ ଉତ୍ପାଦନ ଏବଂ ରାଷ୍ଟ୍ର ର୍ନିମାଣରେ ଯୋଗଦାନର ଗର୍ବ ଅନୁଭବ କରିବେ। ପ୍ରଧାନମନ୍ତ୍ରୀ ଗୋବର୍ଦ୍ଧନ ଯୋଜନାକୁ ଚାଷୀଙ୍କ ପାଇଁ ବିକଳ୍ପ ଆୟ ଭାବରେ ଉଲ୍ଲେଖ କରିଛନ୍ତି।
ଦେଶର ସମସ୍ୟାର ସ୍ଥାୟୀ ତଥା ଚୂଡାନ୍ତ ସମାଧାନ ଜାରି ରଖି ପ୍ରଧାନମନ୍ତ୍ରୀ ନୂତନ ସାର କାରଖାନା, ନାନୋ ସାର, ଖାଇବା ତେଲ ପାଇଁ ନୂତନ ମିଶନ ବିଷୟରେ ମଧ୍ୟ ଆଲୋଚନା କରିଥିଲେ।
ପ୍ରଧାନମନ୍ତ୍ରୀ ଦର୍ଶାଇଛନ୍ତି ଯେ ପେଟ୍ରୋଲରେ ଇଥାନଲ ମିଶ୍ରଣ ହେତୁ ଗତ ୭-୮ ବର୍ଷ ମଧ୍ୟରେ ଦେଶର ପ୍ରାୟ ୫୦ ହଜାର କୋଟି ଟଙ୍କା ବିଦେଶ ଯିବାରୁ ରହି ପାରିଛି। ଏବଂ ଇଥାନଲ ମିଶ୍ରଣ ହେତୁ ପ୍ରାୟ ସମାନ ପରିମାଣ ଅର୍ଥ ଆମ ଦେଶର କୃଷକମାନଙ୍କ ନିକଟକୁ ଯାଇଛି। ସେ କହିଛନ୍ତି ଯେ ୮ ବର୍ଷ ପୂର୍ବେ ଦେଶରେ କେବଳ ୪୦ କୋଟି ଲିଟର ଇଥାନଲ ଉତ୍ପାଦିତ ହୋଇଥିଲା; ବର୍ତ୍ତମାନ ଏହି ଉତ୍ପାଦନ ପ୍ରାୟ ୪୦୦ କୋଟି ଲିଟର ଅଟେ।
ପ୍ରଧାନମନ୍ତ୍ରୀ ଗୁରୁତ୍ୱାରୋପ କରିଛନ୍ତି ଯେ ୨୦୧୪ ପର୍ଯ୍ୟନ୍ତ ଦେଶରେ କେବଳ ୧୪ କୋଟି ଏଲପିଜି ଗ୍ୟାସ ସଂଯୋଗ ରହିଥିଲା। ଦେଶର ଅଧା ଜନସଂଖ୍ୟା, ମା’ ଏବଂ ଭଉଣୀମାନେ ରୋଷେଇ ଘରର ଧୂଆଁରେ ରହିଯାଇଥିଲେ। ଏହା ଦ୍ୱାରା ସୃଷ୍ଟି ହେଉଥିବା ଅସୁସ୍ଥତା ସହିତ ଭଉଣୀ ଏବଂ ଝିଅମାନଙ୍କ ଅସୁବିଧାର ଯତ୍ନ ପୂର୍ବରୁ ନିଆଯାଇନଥିଲା। କେବଳ ଉଜ୍ୱଳା ଯୋଜନାରୁ ଗରିବ ମହିଳାଙ୍କୁ ୯ କୋଟିରୁ ଅଧିକ ଗ୍ୟାସ ସଂଯୋଗ ବିତରଣ କରି ପ୍ରଧାନମନ୍ତ୍ରୀ ଖୁସି ବ୍ୟକ୍ତ କରିଛନ୍ତି। ସେ କହିଛନ୍ତି, ବର୍ତ୍ତମାନ ଆମେ ଦେଶରେ ପ୍ରାୟ ୧୦୦% ଏଲପିଜି ସଂଯୋଗରେ ପହଞ୍ଚିଛୁ। ଆଜି ଦେଶରେ ପ୍ରାୟ ୩୧ କୋଟି ଗ୍ୟାସ ସଂଯୋଗ ଅଛି, ଯାହା ୧୪ କୋଟିରୁ ବୃଦ୍ଧି ପାଇଛି।
ପ୍ରଧାନମନ୍ତ୍ରୀ ଏହା ମଧ୍ୟ ସୂଚାଇ ଦେଇଛନ୍ତି ଯେ ସିଏନଜି ଷ୍ଟେସନଗୁଡିକ ଆଠ ବର୍ଷ ପୂର୍ବେ ୮୦୦ ରୁ ସାଢେ ୪ ହଜାରରୁ ଅଧିକକୁ ବୃଦ୍ଧି ପାଇଛି। ଏକ କୋଟିରୁ ଅଧିକ ପରିବାର ନିକଟରେ ପାଇପ୍ ମାଧ୍ୟମରେ ଗ୍ୟାସ୍ ପହଞ୍ଚିଛି। ସେ କହିଛନ୍ତି, ଆଜି ଯେତେବେଳେ ଆମେ ସ୍ୱାଧୀନତାର ୭୫ ବର୍ଷ ପୂରଣ କରୁଛୁ, ଦେଶ ମଧ୍ୟ ଏହି ଲକ୍ଷ୍ୟ ଉପରେ କାର୍ଯ୍ୟ କରୁଛି ଯେ ଆଗାମୀ କିଛି ବର୍ଷ ମଧ୍ୟରେ ଦେଶର ୭୫ ପ୍ରତିଶତରୁ ଅଧିକ ପରିବାର ପାଇପ୍ ଯୋଗେ ଗ୍ୟାସ୍ ପାଇବେ।
ପ୍ରଧାନମନ୍ତ୍ରୀ କହିଛନ୍ତି ଯେ ଯଦି ରାଜନୀତିରେ ସ୍ୱାର୍ଥପରତା ଥାଏ, ତେବେ କେହି ଆସି ମାଗଣା ପେଟ୍ରୋଲ ଏବଂ ଡିଜେଲ ଦେବାକୁ ଘୋଷଣା କରିପାରିବେ। ଏହିପରି ପଦକ୍ଷେପ ଆମ ପିଲାମାନଙ୍କର ଅଧିକାର ଛଡ଼ାଇ ନେବ ଏବଂ ଦେଶକୁ ଆତ୍ମର୍ନିଭରଶୀଳ ହେବାକୁ ରୋକିବ। ଏଭଳି ସ୍ୱାର୍ଥପର ନୀତି ଯୋଗୁଁ ଦେଶର ସଚ୍ଚୋଟ କରଦାତାଙ୍କ ଉପରେ ମଧ୍ୟ ବୋଝ ବଢିବ ବୋଲି ପ୍ରଧାନମନ୍ତ୍ରୀ କହିଛନ୍ତି। ଦେଶ ସମ୍ମୁଖୀନ ହେଉଥିବା ଆହ୍ୱାନର ମୁକାବିଲା ପାଇଁ ଏହାର ସ୍ପଷ୍ଟ ଉଦ୍ଦେଶ୍ୟ ଏବଂ ପ୍ରତିବଦ୍ଧତା ଆବଶ୍ୟକ। ଏଥିପାଇଁ ଅତ୍ୟଧିକ ପରିଶ୍ରମ, ନୀତି ଏବଂ ବିପୁଳ ପୁଞ୍ଜି ବିନିଯୋଗ ଆବଶ୍ୟକ ବୋଲି ସେ କହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯଦି ସରକାରଙ୍କ ପାଖରେ ଟଙ୍କା ନାହିଁ, ତେବେ ଇଥାନଲ କାରଖାନା, ବାୟୋଗ୍ୟାସ୍ ଏବଂ ସୌର ପ୍ଲାଣ୍ଟ ମଧ୍ୟ ବନ୍ଦ ହୋଇଯିବ। ଆମକୁ ମନେ ରଖିବାକୁ ହେବ ଯେ ଯଦିଓ ଆମେ ଏଠାରେ ନଥିବୁ, କିନ୍ତୁ ଏହି ରାଷ୍ଟ୍ର ସର୍ବଦା ଏଠାରେ ରହିବ, ଏଥିରେ ବାସ କରୁଥିବା ପିଲାମାନେ ସର୍ବଦା ଏଠାରେ ରହିବେ। ସ୍ୱାଧୀନତା ପାଇଁ ଯେଉଁମାନେ ନିଜ ଜୀବନକୁ ଉତ୍ସର୍ଗ କରିଛନ୍ତି ସେମାନେ ମଧ୍ୟ ଏହି ଅନନ୍ତ ଆବେଗ ସହିତ କାର୍ଯ୍ୟ କରିଛନ୍ତି .. ଏକ ଦେଶ ଭାବରେ ଆମକୁ ଏପରି ପ୍ରତିଶ୍ରୁତି ଦେବାକୁ ପଡିବ ଯେ ଆମେ ଏହିପରି ପ୍ରବୃତ୍ତି ବଢିବାକୁ ଦେବୁ ନାହିଁ। ଏହା ଦେଶର ସାମୂହିକ ଦାୟିତ୍ୱ ବୋଲି ସେ କହିଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ଅମୃତ ମହୋତ୍ସବ ସମୟରେ ଯେତେବେଳେ ସମଗ୍ର ଦେଶ ତ୍ରିରଙ୍ଗାର ରଙ୍ଗରେ ରଙ୍ଗେଇ ହେଉଛି, ସେତେବେଳେ ସେ ଏପରି ଘଟଣା ପ୍ରତି ଦେଶର ଦୃଷ୍ଟି ଆକର୍ଷଣ କରିବାକୁ ଚାହାନ୍ତି। ଏହି ପବିତ୍ର ଉତ୍ସବକୁ ବଦନାମ କରିବାକୁ, ଆମର ସାହସୀ ସ୍ୱାଧୀନତା ସଂଗ୍ରାମୀମାନଙ୍କୁ ଅପମାନିତ କରିବାକୁ ଚେଷ୍ଟା କରାଯାଇଛି। ଏହିପରି ଲୋକଙ୍କ ମାନସିକତାକୁ ବୁଝିବା ଜରୁରୀ ଅଟେ। ସେ କହିଛନ୍ତି ଯେ ଆମ ଦେଶରେ ମଧ୍ୟ କିଛି ଲୋକ ଅଛନ୍ତି ଯେଉଁମାନେ ନକାରାତ୍ମକତାର ବଳୟରେ ଫସି ରହି ନିରାଶାରେ ବୁଡି ରହିଛନ୍ତି। ସରକାରଙ୍କ ବିରୁଦ୍ଧରେ ମିଛ କହିବା ପରେ ମଧ୍ୟ ଜନସାଧାରଣ ଏଭଳି ଲୋକଙ୍କ ଉପରେ ବିଶ୍ୱାସ କରିବାକୁ ପ୍ରସ୍ତୁତ ନୁହଁନ୍ତି। ଏହିପରି ନିରାଶାରେ, ଏହି ଲୋକମାନେ ମଧ୍ୟ କଳା ଯାଦୁ ଆଡକୁ ମୁହାଁଇଥିବାର ଦେଖାଯାଏ। କଳା ଯାଦୁ ମାନସିକତା ବିସ୍ତାର କରିବାର ପ୍ରୟାସ ଥିବାବେଳେ ପ୍ରଧାନମନ୍ତ୍ରୀ ୫ ଅଗଷ୍ଟ ଘଟଣାଗୁଡ଼ିକୁ ଉଲ୍ଲେଖ କରିଥିଲେ। ପ୍ରଧାନମନ୍ତ୍ରୀ ତାଙ୍କ ଅଭିଭାଷଣ ଶେଷ କରି କହିଛନ୍ତି ଯେ ଯେଉଁମାନେ ଭାବନ୍ତି ଯେ କଳା ପୋଷାକ ପିନ୍ଧି ସେମାନଙ୍କ ନିରାଶା ସମୟ ଶେଷ ହେବ, ସେମାନେ ଜାଣି ନାହାଁନ୍ତି ଯେ କଳା ଯାଦୁ ଏବଂ ଅନ୍ଧବିଶ୍ୱାସ ଉପରେ ବିଶ୍ୱାସ ହେଉନା କାହିଁକି, ସେମାନଙ୍କ ଭିତରେ ଜନସାଧାରଣଙ୍କ ବିଶ୍ୱାସ କେବେହେଲେ ପୁନଃ ସ୍ଥାପିତ ହେବ ନାହିଁ।
ପୃଷ୍ଠଭୂମି
ଦେଶରେ ଜୈବ ଇନ୍ଧନର ଉତ୍ପାଦନ ତଥା ବ୍ୟବହାରକୁ ବୃଦ୍ଧି କରିବା ପାଇଁ ସରକାର ବର୍ଷ ବର୍ଷ ଧରି ନେଇଥିବା ପଦକ୍ଷେପଗୁଡିକର ଏକ ଅଂଶ ଅଟେ। ଶକ୍ତି କ୍ଷେତ୍ରକୁ ଅଧିକ ସୁଲଭ, ସୁଗମ, ଦକ୍ଷ ଏବଂ ସ୍ଥାୟୀ ଭାବରେ ପରିଣତ କରିବାକୁ ପ୍ରଧାନମନ୍ତ୍ରୀଙ୍କ ନିରନ୍ତର ପ୍ରୟାସ ସହିତ ଏହା ଅନୁରୂପ ଅଟେ।
ଏହି ୨ଜି ଇଥାନଲ କାରଖାନାଟି ଭାରତୀୟ ତୈଳ ନିଗମ ଲିମିଟେଡ (ଆଇଓସିଏଲ୍) ଦ୍ୱାରା ପ୍ରାୟ ୯୦୦ କୋଟି ଟଙ୍କା ମୂଲ୍ୟରେ ନିର୍ମାଣ ହୋଇଛି ଏବଂ ପାନିପଥ ରିଫାଇନାରୀ ନିକଟରେ ଅବସ୍ଥିତ। ଅତ୍ୟାଧୁନିକ ସ୍ୱଦେଶୀ ପ୍ରଯୁକ୍ତିବିଦ୍ୟାକୁ ଆଧାର କରି ଏହି ପ୍ରକଳ୍ପ ବାର୍ଷିକ ପ୍ରାୟ ୩ ଲକ୍ଷ ଲିଟର ଇଥାନଲ ଉତ୍ପାଦନ ପାଇଁ ପ୍ରାୟ ୨ ଲକ୍ଷ ଟନ୍ ନଡ଼ା (ପାରାଲି) ବ୍ୟବହାର କରି ଭାରତର ବର୍ଜ୍ୟବସ୍ତୁରୁ ସମ୍ପଦ ପ୍ରୟାସରେ ଏକ ନୂତନ ଅଧ୍ୟାୟ ସୃଷ୍ଟି କରିବ।
କୃଷି ଫସଲର ଅବଶିଷ୍ଟାଂଶ ପାଇଁ ଏକ ସର୍ବଶେଷ ବ୍ୟବହାର ସୃଷ୍ଟି କରିବା କୃଷକମାନଙ୍କୁ ସଶକ୍ତ କରିବ ଏବଂ ଏକ ଅତିରିକ୍ତ ଆୟର ସୁଯୋଗ ପ୍ରଦାନ କରିବ। ଏହି ପ୍ରକଳ୍ପ କାରଖାନା କାର୍ଯ୍ୟରେ ଜଡିତ ଲୋକଙ୍କୁ ପ୍ରତ୍ୟକ୍ଷ ନିଯୁକ୍ତି ପ୍ରଦାନ କରିବ ଏବଂ ନଡା କାଟିବା, ପରିଚାଳନା, ସଂରକ୍ଷଣ ଆଦି ଯୋଗାଣ ଶୃଙ୍ଖଳାରେ ପରୋକ୍ଷ ନିଯୁକ୍ତି ସୃଷ୍ଟି ହେବ।
ଏହି ପ୍ରକଳ୍ପରୁ ଶୂନ୍ୟ ତରଳ ନିଷ୍କାସନ ହେବ। ଧାନ ନଡା (ପାରାଲି) ର ଜଳିବା ହ୍ରାସ କରି ଏହି ପ୍ରକଳ୍ପ ବାର୍ଷିକ ପ୍ରାୟ ୩ ଲକ୍ଷ ଟନ୍ କାର୍ବନ ଡାଇଅକ୍ସାଇଡ୍ ସମକକ୍ଷ ଗ୍ରିନ ହାଉସ ର୍ନିଗମନକୁ ହ୍ରାସ କରିବ, ଯାହା ଦେଶର ରାସ୍ତାରେ ବାର୍ଷିକ ପ୍ରାୟ ୬୩,୦୦୦ କାର୍ ହଟାଇବା ସହିତ ସମାନ ବୋଲି ବୁଝିବାକୁ ହେବ।