ଭୁବନେଶ୍ବର: ଧାମନଗର ଉପନିର୍ବାଚନ ପାଇଁ ଘୋଷଣା ହୋଇଛି ତାରିଖ। ଭାରତ ନିର୍ବାଚନ କମିଶନର ଏହି ଘୋଷଣା କରିଛନ୍ତି। ସେହି ଅନୁସାରେ ଆସନ୍ତା ନଭେମ୍ବର 3 ତାରିଖରେ ଏହି ଉପ ନିର୍ବାଚନ କରାଯିବ। ଏ ନେଇ 7 ଅକ୍ଟୋବରରେ ବିଜ୍ଞପ୍ତି ପ୍ରକାଶ ପାଇବ। ନାମାଙ୍କନ ପତ୍ର ଦାଖଲର ଶେଷ ତାରିଖ ରହିଛି 14 ଅକ୍ଟୋବର। ଭୋଟ ଗଣତି 6 ନଭେମ୍ବରରେ ହେବ।
ଏହି ନିର୍ବାଚନ ମଣ୍ଡଳୀରେ ବିଧାୟକ ଥିବା ବିଷ୍ଣୁ ସେଠୀଙ୍କ ପରଲୋକ ଘଟିଛି। ଫଳରେ ଏହି ଆସନଟି ଖାଲି ପଡିଛି। ଏହିପରି ଦେଶର 7ଟି ରାଜ୍ୟରେ ଖାଲି ପଡିଥିବା ଗୋଟିଏ ଲେଖାଏଁ ବିଧାନସଭା ଆସନ ପାଇଁ ଏହି ଗୋଟିଏ ଦିନରେ ନିର୍ବାଚନ ହେବ।