ଭୁବନେଶ୍ବର: ଭାରତ ପାଇଁ ବଡ ସଫଳତା। ଦୀର୍ଘ ଦୁଇ ଦଶନ୍ଧି ପରେ ଭାରତ ପାଖକୁ ଆଇପିୟୁର କାର୍ଯ୍ୟକାରିଣୀ କମିଟିର ସଭାପତି ପଦ ମିଳିଛି। ଏହି ସଫଳତା ଭୁବନେଶ୍ଵର ସାଂସଦ ଅପରାଜିତ ଷଡଙ୍ଗୀ ଦ୍ଵାରା ଭାରତକୁ ପ୍ରାପ୍ତ ହୋଇଛି। ଆଜି ରଓ୍ବାଣ୍ଡାର କିଗାଲିଠାରେ ଅନୁଷ୍ଠିତ ଆଇପିୟୁର ୧୪୫ତମ ସମ୍ମିଳନୀ ଅବସରରେ ଅନୁଷ୍ଠିତ ନିର୍ବାଚନରେ ଶ୍ରୀମତୀ ଷଡଙ୍ଗୀ ନିର୍ବାଚିତ ହୋଇଛନ୍ତି। ସେ ମୋଟ ୧୮ ଟି ଭୋଟରୁ ୧୨ ଟି ଭୋଟ ପାଇ ନିର୍ବାଚିତ ହୋଇଛନ୍ତି। ତେଣୁ ଭୁବନେଶ୍ବର ସାଂସଦ ଅପରାଜିତା ଷଡଙ୍ଗୀ ଅନ୍ତଃ ସଂସଦୀୟ ୟୁନିୟନ ( ଆଇପିୟୁ)ର କାର୍ଯ୍ୟକାରିଣୀ କମିଟିକୁ ନିର୍ବଚିତ ହେବା ସହ ଭାରତକୁ ସଭାପତି ପଦ ଫେରିଛି।
ଏହି ସମ୍ମିଳନୀରେ ରାଜ୍ୟସଭାର ଉପସଭାପତି ହରିବଂଶ, ବିଜେଡ଼ି ସାଂସଦ ସସ୍ମିତ ପାତ୍ର, ଝାଡ଼ଖଣ୍ଡର ସାଂସଦ ବିଷ୍ଣ ଦୟାଲ ରାମ ଓ ସାଂସଦ କାର୍ତ୍ତିକ ଶର୍ମା ଯୋଗ ଦେଇଥିଲେ।
