Congress Bharat Jodo Yatra: ଆଜି କଂଗ୍ରେସର ‘ଭାରତ ଯୋଡା ଯାତ୍ରା’ରେ ଏକ ଆକର୍ଷଣୀୟ ଦୃଶ୍ୟ ଦେଖିବାକୁ ମିଳିଥିଲା। ତାହା ହେଲା ଭାରତ ଯୋଡ ଯାତ୍ରାରେ ଚାଲୁଥିବା ବେଳେ ହଠାତ ରାହୁଳ ଗାନ୍ଧୀ ଜୋରରେ ଦୌଡିବାକୁ ଲାଗିଲେ। ରାହୁଲ ଗାନ୍ଧୀଙ୍କ ହଠାତ୍ ଦୈଡିବାରୁ ତାଙ୍କ ସୁରକ୍ଷା କର୍ମୀ, ତେଲେଙ୍ଗାନା ପ୍ରଦେଶ କଂଗ୍ରେସ କମିଟି ସଭାପତି ରେଭନ୍ତ ରେଡ୍ଡୀ ଏବଂ ଅନ୍ୟମାନେ ମଧ୍ୟ ଦୌଡ଼ିବା ଆରମ୍ଭ କରିଥିଲେ। ରାହୁଲ ଗାନ୍ଧୀଙ୍କ ଏପରି ଦୈଡିବା ଦେଖି କିଛି ଲୋକ ଆଶ୍ଚଯ୍ୟ ହୋଇଯାଇଥିଲେ।
କଂଗ୍ରେସ ଦଳର ସୂତ୍ରରୁ ପ୍ରକାଶ ଯେ ରାହୁଲ ଗାନ୍ଧୀ ଦଳର ନେତା ତଥା କର୍ମକର୍ତ୍ତାଙ୍କ ସହ ରବିବାର ସକାଳେ ଜଡଚର୍ଲା ଠାରୁ ପଦଯାତ୍ରା ଆରମ୍ଭ କରିଥିଲେ। ସେ ସେଠାରେ ୨୨ କିଲୋମିଟର ଦୂରତା ଅତିକ୍ରମ କରିବେ। ତେବେ ସେ କେତେକ ସ୍କୁଲ ପିଲାଙ୍କ ସହିତ ଯାଉଥିବା ବେଳେ ସେ ହଠାତ ଦୌଡିବାକୁ ନେଇ ଆଜି ଜାତୀୟ ରାଜନୀତିରେ ବେଶ ଚର୍ଚ୍ଚାର ବିଷୟ ହୋଇଛି।
ଆଜି ତେଲେଙ୍ଗାନାରେ କଂଗ୍ରେସର ‘ଭାରତ ଯୋଡା ଯାତ୍ରା’ର ହେଉଛି ପଞ୍ଚମ ଦିନ। ରାହୁଲ ଗାନ୍ଧୀ ରବିବାରର ପଦଯାତ୍ରା ଶେଷ କରିବା ପୂର୍ବରୁ ସନ୍ଧ୍ୟାରେ ସାଦନଗରର ସୋଲିପୁର ଛକଠାରେ ଏକ ସାଧାରଣ ସଭାରେ ସମ୍ବୋଧିତ କରିବେ। ଗତକାଲି ଶନିବାର ରାତିରେ ଜଡଚାର୍ଲା ଏକ୍ସ ରୋଡ ଛକରେ ବୈଠକ କରିଥିଲେ। ତା ପୂର୍ବରୁ ସେ ଏକ ୨୦ କିଲୋମିଟର ପଦଯାତ୍ରା ଅତିକ୍ରମ କରିଥିଲେ।
ଏହି ଯାତ୍ରା ତେଲେଙ୍ଗାନାର ସାତୋଟି ଲୋକସଭା ଏବଂ ୧୯ ଟି ବିଧାନସଭା ନିର୍ବାଚନମଣ୍ଡଳୀ ଦେଇ ୩୭୫ କିଲୋମିଟର ଦୂରତା ଅତିକ୍ରମ କରିବ। ଏହା ପରେ ନଭେମ୍ବର ୭ ରେ ମହାରାଷ୍ଟ୍ରରେ ଏହି ପଦଯାତ୍ରା ପ୍ରବେଶ କରିବ। ନଭେମ୍ବର ୪ ତାରିଖରେ, ଏହି ପଦଯାତ୍ରା ଗୋଟିଏ ଦିନ ବିରତି ରହିବ।
ଏହି ପଦଯାତ୍ରା ୭ ସେପ୍ଟେମ୍ବରରେ ତାମିଲନାଡୁରୁ ଆରମ୍ଭ ହୋଇଥିଲା। ୱାୟାନାଦର ସାଂସଦ ତଥା କଂଗ୍ରେସ ନେତା ରାହୁଳ ଗାନ୍ଧୀ ‘ଭାରତ ଯୋଡା ଯାତ୍ରା’ ସମୟରେ କ୍ରୀଡା, ବ୍ୟବସାୟ ଏବଂ ମନୋରଞ୍ଜନ କ୍ଷେତ୍ରର ପ୍ରତିଷ୍ଠିତ ବ୍ୟକ୍ତିତ୍ୱ ତଥା ବିଭିନ୍ନ ସମ୍ପ୍ରଦାୟର ବୁଦ୍ଧିଜୀବୀ ତଥା ନେତାମାନଙ୍କୁ ଭେଟୁଛନ୍ତି। ତେଲେଙ୍ଗାନା ପ୍ରଦେଶ କଂଗ୍ରେସ କମିଟିର ସଦସ୍ୟମାନେ କହିଛନ୍ତି ଯେ ରାହୁଳ ତେଲେଙ୍ଗାନାର ପୂଜାପାଠ, ମସଜିଦ ଏବଂ ମନ୍ଦିର ପରିଦର୍ଶନ କରିବେ ଏବଂ ସେଠାରେ ପ୍ରାର୍ଥନା ମଧ୍ୟ କରିବେ।
‘ଭାରତ ଯୋଡା ଯାତ୍ରା’ ତେଲେଙ୍ଗାନାରେ ଆରମ୍ଭ କରିବା ପୂର୍ବରୁ ରାହୁଲ କେରଳ, ଆନ୍ଧ୍ରପ୍ରଦେଶ ଏବଂ କର୍ଣ୍ଣାଟକରେ ଏହା ଶେଷ କରିଛନ୍ତି। ତେଲେଙ୍ଗାନାରେ ଏହି ଯାତ୍ରାକୁ ସମନ୍ୱୟ କରିବା ପାଇଁ ପ୍ରଦେଶ କଂଗ୍ରେସ ୧୦ ଟି ସ୍ୱତନ୍ତ୍ର କମିଟି ଗଠନ କରିଛି।