ନୂଆଦିଲ୍ଲୀ: ଆଜି କଂଗ୍ରେସର ପୂର୍ବତନ ସଭାପତି ରାହୁଳ ଗାନ୍ଧୀ ନୂଆଦିଲ୍ଲୀର ବିଭିନ୍ନ ସ୍ମାରକସ୍ଥଳ ବୁଲି ଶ୍ରଦ୍ଧାଞ୍ଜଳୀ ପ୍ରଦାନ କରିଛନ୍ତି। ତେବେ ଏହାକୁ ନେଇ ବିଭିନ୍ନ ସାମାଜିକ ଗଣମାଧ୍ୟମ ତଥା ମିଡିଆରେ ବେଶ ଚର୍ଚ୍ଚା ଚାଲିଛି।
ତାହାର କାରଣ ହେଲା ସେ ଏକ ଟି ସାର୍ଟ ପିନ୍ଧି ବୁଲୁଛନ୍ତି। ଆଜି ଦିଲ୍ଲୀରେ ଯେପରି ହାଡଭଙ୍ଗା ଶୀତ ହେଉଛି ସେଥିରେ ସେ କେବଳ ଏକ ଟି ସାର୍ଟ ପିନ୍ଧି ବୁଲିବାକୁ ନେଇ ସମସ୍ତେ ଆଶ୍ଚର୍ଯ୍ୟ ହେଉଛନ୍ତି।
ବିଭିନ୍ନ ସୋସିଆଲ ମିଡିଆରେ ତାଙ୍କର ଏପରି ଶୀତକୁ ମୁକାବିଲା କରିବାକୁ ସାହାସିକତା ବୋଲି ବର୍ଣ୍ଣନା କରିଥିବା ବେଳେ ଅନେକ ପ୍ରଶଂସା ମଧ୍ୟ କରିଛନ୍ତି। ନିକଟରେ ସେ ଭାରତ ଯୋଡ ଯାତ୍ରା ଶେଷ କରି
ସେ ପୂର୍ବତନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ, ଇନ୍ଦିରା ଗାନ୍ଧୀ ଏବଂ ଜବାହରଲାଲ ନେହେରୁଙ୍କ ସ୍ମାରକ ସ୍ଥଳ ଭୀର ଭୂମି, ଶକ୍ତିସ୍ଥଳ ଏବଂ ଶାନ୍ତି ବନ ପରିଦର୍ଶନ କରିଥିଲେ। ରାହୁଲ ଗାନ୍ଧୀ ମହାତ୍ମା ଗାନ୍ଧୀଙ୍କ ସ୍ମାରକୀ ସ୍ଥଳ ରାଜଘାଟ ତଥା ପୂର୍ବତନ ପ୍ରଧାନମନ୍ତ୍ରୀ ଲାଲ ବାହାଦୂର ଶାସ୍ତ୍ରୀଙ୍କ ସ୍ମୃତି ବିଜୟ ଘାଟ ପରିଦର୍ଶନ କରିଥିଲେ।
ସେ ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କୁ ତାଙ୍କ ସ୍ମୃତି ସ୍ଥଳରେ ମଧ୍ୟ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ।
