ନୂଆଦିଲ୍ଲୀ: ମୁଁ ଦୀର୍ଘ ୨୦ ବର୍ଷ ଧରି ଅପମାନ ସହି ଆସୁଛି। ମୋତେ ବି ବହୁତ ଯନ୍ତ୍ରଣା ଦିଆଯାଉଛି। ଆଜି ଉପରାଷ୍ଟ୍ରପତି ଜଗଦୀପ ଧନଖଡ଼ଙ୍କୁ ଟେଲିଫୋନ କରି ଏପରି କଥା କହିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ସେତିକି ନୁହେଁ ସେ କହିଛନ୍ତି ଯେ, ସଂସଦ ଭବନ ପରି ଏକ ପବିତ୍ର ସ୍ଥାନରେ ମାନ୍ୟବର ସାଂସଦ ସାମ୍ବିଧିକ ପଦବୀରେ ଥିବା ଜଣେ ବ୍ୟକ୍ତିଙ୍କୁ ଅପମାନିତ କରିବା ଠିକ ନୁହେଁ।
ଗତକାଲି ସଂସଦ ଭବନରେ ଟିଏମସି ସାଂସଦ କଲ୍ୟାଣ ବାନାର୍ଜି ଉପରାଷ୍ଟ୍ରପତି ତଥା ରାଜ୍ୟସଭା ଅଧ୍ୟକ୍ଷଙ୍କ ଭାବଭଙ୍ଗିକୁ ଥଟ୍ଟା କରି ଅଭିନୟ କରିଥିଲେ। ଏହି ସମୟରେ କଂଗ୍ରେସ ନେତା ରାହୁଳ ଗାନ୍ଧି ସେଠାରେ ଛିଡା ହୋଇ ନିଜ ମୋବାଇଲରେ ରେକର୍ଡିଂ କରୁଥିଲେ। ଏହି ଭିଡିଓ ଏବେ ଭାଇରାଲ ହେବାରେ ଲାଗିଛି। ବିଭିନ୍ନ ମହଲରେ ସଂସଦ ଭବନରେ ଏପରି କାର୍ଯ୍ୟକୁ ନିନ୍ଦା କରାଯାଉଛି।
ଏହି ଘଟଣା ପରେ ପ୍ରଧାନମନ୍ତ୍ରୀ ଦୁଃଖ ପ୍ରକାଶ କରି ଉପରାଷ୍ଟ୍ରପତିଙ୍କୁ ଟେଲିଫୋନରେ କଥା ହୋଇଥିଲେ। ଏହାକୁ ଆଜି ଉପରାଷ୍ଟ୍ରପତି ତାଙ୍କୁ ସାମାଜିକ ଗଣମାଧ୍ୟମରେ ପ୍ରଧାନମନ୍ତ୍ରୀଙ୍କ ସହିତ କଥା ହେବା ଘଟଣାକୁ ପ୍ରକାଶ କରିଛନ୍ତି। ଯାହାକୁ ବିଭିନ୍ନ ମହଲରେ ଉପରାଷ୍ଟ୍ରପତିଙ୍କୁ ସମର୍ଥନ କରାଯାଇଛି। ବିଜେପି ନେତା ମନ୍ତ୍ରୀଙ୍କଠାରୁ ଆରମ୍ଭ କରି ସାଧାରଣ ଜନତା ମଧ୍ୟ ଏହି ପୋଷ୍ଟରେ ନିଜର ମତାମତ ରଖିଛନ୍ତି।
ତେବେ ପ୍ରଧାନମନ୍ତ୍ରୀଙ୍କୁ ଉପରାଷ୍ଟ୍ରପତି କଣ ଉତ୍ତର ଦେଲେ ତାହା ମଧ୍ୟ ସେ ଉଲ୍ଲେଖ ମଧ୍ୟ କରିଛନ୍ତି। ସେ ଲେଖିଛନ୍ତି ଯେ, ‘ ମୁଁ ପ୍ରଧାନମନ୍ତ୍ରୀଙ୍କୁ କହିଲି ଯେ, କେତେଜଣଙ୍କ ଥଟ୍ଟାପରିହାସ ମୋତେ ମୋ କର୍ତ୍ତବ୍ୟ ଓ ଆମ ସମ୍ବିଧାନକୁ ମହନୀୟ କରିଥିବା ନୀତିକୁ ବଜାୟ ରଖିବାରେ ବାଧା ଦେଇ ପାରିବ ନାହିଁ। ମୁଁ ଆନ୍ତରିକ ଭାବେ ସମ୍ବିଧାନର ମୂଲ୍ୟବୋଧ ପ୍ରତି ପ୍ରତିବଦ୍ଧ। କୌଣସି ଅପମାନ ମୋତେ ଏଥିରୁ ବିଚ୍ୟୁତ କରିପାରିବ ନାହିଁ।
ସାଂସଦମାନଙ୍କୁ ନିଲମ୍ବନ ପ୍ରତିବାଦରେ ଗତକାଲି ସଂସଦ ଭବନର ମକର ଦ୍ବାରରେ ବିରୋଧୀ ଦଳର ସଦସ୍ୟମାନେ ପ୍ରତିବାଦ କରିଥିଲେ। ଏହି ସମୟରେ ଟିଏମସି ସାଂସଦ କଲ୍ୟାଣ ବାନାର୍ଜି ଉପରାଷ୍ଟ୍ରପତିଙ୍କ ଭାବଭଙ୍ଗିକୁ ଥଟ୍ଟା ପରିହାସ କରି ଅଭିନୟ କରିଥିଲେ। ଯାହା ବର୍ତ୍ତମାନ ସାମାଜିକ ଗଣମାଧ୍ୟମରେ ବେଶ ଭାଇରାଲ ହେବାରେ ଲାଗିଛି। ହେଲେ ଏହାକୁ ବିଭିନ୍ନ ମହଲରେ ନିନ୍ଦା କରାଯାଉଛି।