ଭୁବନେଶ୍ବର: ଶେଷରେ ବିଜେଡି ଛାଡି ବିଜେପିରେ ମିଶିଲେ ଜୟ ଢୋଲକିଆ। ଆଜି ଭୁବନେଶ୍ବରର ରାଜ୍ୟ କାର୍ଯ୍ୟାଳୟରେ ସେ ବିଜେପିରେ ସାମିଲ ହୋଇଛନ୍ତି। ତାଙ୍କ ସହିତ ବହୁ ସମର୍ଥକ ମଧ୍ୟ ଦଳରେ ସାମିଲ ହୋଇଛନ୍ତି। ଏହି ମିଶ୍ରଣ ପର୍ବରେ ରାଜ୍ୟସଭାପତି ମନମୋହନ ସାମଲ, ମୁଖ୍ୟମନ୍ତ୍ରୀ ମୋହନମାଝୀ, ଉପମୁଖ୍ୟମନ୍ତ୍ରୀ କେ ଭି ସିଂହଦେଓ, ସଂସ୍କୃତି ମନ୍ତ୍ରୀ ସୂର୍ଯ୍ୟବଂଶୀ ସୂରଜ, ପୂର୍ବତନ ସାଂସଦ ବସନ୍ତ ପଣ୍ଡା ପ୍ରମୁଖ ଉପସ୍ଥିତ ଥିଲେ।
ବର୍ତ୍ତମାନ ଢୋଲକିଆ ବିଜେପିରେ ମିଶିବା ପରେ ସ୍ପଷ୍ଟ ହେଲା ଯେ, ସେ ନୂଆପଡା ଉପନିର୍ବାଚନରେ ବିଜେପିରୁ ପ୍ରାର୍ଥୀ ହେବେ। ବିଜେପି ରାଜ୍ୟରେ ସରକାରରେ ଥିବା ବେଳେ ନିକଟରେ ତାଙ୍କର ବାପା ରାଜେନ୍ଦ୍ର ଢୋଲକିଆଙ୍କ ପରଲୋକର ସମବେଦନା ବେଶ ସାହାଯ୍ୟ କରିବ। ଫଳରେ ସେ ଜିତିବା ନିଶ୍ଚିତ ବୋଲି ବିଜେପି ନେତାମାନେ ଭାବି ନେଇଛନ୍ତି। ସେଥିପାଇଁ ବିଜେପି କଳେବଳେ କୌଶଳେ ଦଳରେ ସାମିଲ କରାଇଛନ୍ତି।
ଏ ସଂପର୍କରେ TheSamikhsya ତରଫରୁ ଚଳିତ ମାସ ଆଠ ତାରିଖରେ ଏକ ଖବର ପ୍ରକାଶ କରିଥିଲା। ଯାହାର ଶୀର୍ଷକ ଥିଲା ନୂଆପଡା ଉପନିର୍ବାଚନ ପାଇଁ ବିଜେଡିର ଯୋଜନାକୁ ଭଣ୍ଡୁର କରି ଦେବ କି ବିଜେପି ! ସେଥିରେ ବିଜେଡି ଛାଡି ବିଜେପିରେ ଜୟ ଢୋଲକିଆ ଯୋଗଦେବେ ବୋଲି କୁହାଯାଇଥିଲା। ବିଜେଡିର ସବୁ ଯୋଜନାକୁ ବିଜେପି ପଣ୍ଡ କରିଦେବ ବୋଲି ସ୍ପଷ୍ଟ ଭାବେ ଉଲ୍ଲେଖ କରାଯାଇଥିଲା।
ଏହି ଖବର 10 ତଳୁ TheSamikhsya ହାସଲ କରିଥିଲା। ହେଲେ ତାହାକୁ ବିଶେଷ ଅନୁସନ୍ଧାନର ଆବଶ୍ୟକତା ଥିବାରୁ ସେତେବେଳେ ପ୍ରକାଶ କରାଯାଇପାରି ନ ଥିଲା। ଖବରର ସଠିକତା ସଂପର୍କରେ ସୁରାକ ମିଳିବା ପରେ ଗତ 8 ତାରିଖରେ ଏହାକୁ ପ୍ରକାଶ କରିଥିଲୁ। ହେଲେ ତାହା ଏକ ସମ୍ଭାବନା ଭାବେ ଗ୍ରହଣ କରି ପ୍ରକାଶ କରାଯାଇଥିଲା। ଆଜି ତିନିଦିନ ପରେ ଏହି ଖବର ସତ ହୋଇପାରିଛି।
Paradip Port Among Three Recognised Green Hydrogen Hubs under NGHM
