ଭୁବନେଶ୍ବର: ଦୀର୍ଘ ବାର ବର୍ଷ ଧରି ଟିଭି ପରଦାରେ ଯିଏ ନ୍ୟୁଜ ପରିବେଷଣ କରୁଥିଲେ ସେ ଆଜି ସେହି ଜଗତକୁ ବାଏ ବାଏ କରିଛନ୍ତି। ସେ ହେଉଛନ୍ତି ଲୋକପ୍ରିୟ ନ୍ୟୁଜ ଆଙ୍କର ସ୍ମୃତିଲଗ୍ନା ନନ୍ଦ। ସେ ଆର୍ଗସ ନ୍ୟୁଜର ନ୍ୟୁଜ ଆଙ୍କର ଭାବେ କାର୍ଯ୍ୟ କରୁଥିଲେ। ଏହା ପୂର୍ବରୁ ସେ ନନ୍ଦିଘୋଷ ଟିଭି ଏବଂ ନ୍ୟୁଜ 18 ଓଡିଆର ଆଙ୍କର ଥିଲେ।
ସ୍ମୃତିଲଗ୍ନା ନ୍ୟୁଜ ପଢିବା ସହିତ ବିଭିନ୍ନ କାର୍ଯ୍ୟକ୍ରମର ପରିଚାଳନା ମଧ୍ୟ କରୁଥିଲେ। ଓଡିଶାର ପ୍ରତିଷ୍ଠିତ ବ୍ୟକ୍ତିତ୍ବଙ୍କର ସେ ସାକ୍ଷାତକାର ମଧ୍ୟ ବେଶ ଭଲ ଶୈଳୀରେ ପରିବେଷଣ କରିଛନ୍ତି। ହେଲେ ସେ ହଠାତ କାହିକି ଏହି ମିଡିଆ ଜଗତକୁ ବାଏ ବାଏ କଲେ ସେ ନେଇ ବିଭିନ୍ନ ମହଲରେ ଉଠିଛି ପ୍ରଶ୍ନ।
ତେବେ ଏହାର ଉତ୍ତର ଖୋଦ ସ୍ମୃତିଲଗ୍ନା ନିଜେ ଦେଇଛନ୍ତି। ସାମାଜିକ ଗଣାମାଧ୍ୟମରେ ସେ ଲେଖିଛନ୍ତି ଯେ,
ଓଡ଼ିଶା ମିଡ଼ିଆରେ ବୃତ୍ତିଗତ ଜୀବନରେ ୧୨ବର୍ଷ ହେଲା। ଦର୍ଶକଙ୍କ ଗ୍ରହଣୀୟତା ଓ ସହକର୍ମୀଙ୍କ ସ୍ନେହାର୍ଶୀବାଦ ଭିତରେ କେତେବେଳେ ଏତେ ଗୁଡ଼ାଏ ସମୟ କାଟିଦେଲି ଜାଣି ବି ପାରିଲିନି। ବହୁତ ଭଲପାଇବା ଭିତରେ କେବେ କାହାର ଅସହିଷ୍ଣୁତା ମୋ ଉପରେ କୌଣସି ପ୍ରଭାବ ପକେଇ ପାରିନି। ଜୀବନର ଏଇ ମୋଡ଼ରେ ଅନୁଭବ ହେଲା ମୋ ପୁଅକୁ ଟିକେ ବେଶୀ ସମୟ ଦେବାକୁ ହେବ। ସେ ମୋ ଉପସ୍ଥିତି ଓ ସମୟ ପାଇଁ ବିକଳ ହେଉଛି।
କର୍ମ ଜୀବନରେ ହୁଏ ତ ମୋ ବିକଳ୍ପ ଥାଇପାରେ ହେଲେ ମୋ ଛୁଆ ଜୀବନରେ ମା ଶବ୍ଦ ଓ ସ୍ନେହର ବିକଳ୍ପ ନାହିଁ। ତା ପିଲାଳିଆମୀ ଅକ୍ଷୁର୍ଣ୍ଣ ରହୁ। ଏଣୁ ବୃତ୍ତିଗତ ଜୀବନରୁ ଟିକେ ବିରାମ ନେଉଛି। ତାକୁ ବେଶୀ ସମୟ ଦେବାକୁ ନିଷ୍ପତ୍ତି ନେଲି। ୠକ୍ସରରକ୍ଷବଦ୍ଭମର ଇଦ୍ଭମଷକ୍ଟକ୍ସସଦ୍ଭଶ ଓ ଲେଖାଲେଖି ଜାରିରହିବ। ଭଲପାଇବା ଅଜାଡୁଥିବେ ସବୁଦିନ ଭଳି, ସମୟ ସୁବିଧା ଦେଖି ପୁଣି କେବେ ଫେରିବି ..
ଇତି ଆପଣଙ୍କ ସ୍ମୃତିଲଗ୍ନା।
Read More- R|Elan™ Challenge: India Leads Global Circular Fashion Dialogue
