ପୁରୀ: ଆଜି ଶ୍ରୀମନ୍ଦିର ପରିଚାଳନା କମିଟ ବୈଠକରେ ଏକ ବଡ ନିଷ୍ପତି ଗ୍ରହଣ କରାଯାଇଛି। ତାହା ହେଲା ଶ୍ରୀମନ୍ଦିର ସେବାୟତଙ୍କ ଭତ୍ତା ରାଶିକୁ ବୃଦ୍ଧି କରାଯାଇଛି। ଏ ନେଇ ଶ୍ରୀମନ୍ଦିର ମୁଖ୍ୟ ପ୍ରଶାସକ ଶ୍ରୀ ଅରବିନ୍ଦ ପାଢୀ ଗଣମାଧ୍ୟମକୁ ସୂଚନା ପ୍ରଦାନ କରିଛନ୍ତି। ସେ କହିଛନ୍ତି ଯେ ସେବାୟତଙ୍କ ମାସିକ ଭତ୍ତା ଏକ ହଜାର ଟଙ୍କାକୁ ବୃଦ୍ଧି କରାଯାଇଛି। ସେମାନେ ବର୍ତ୍ତମାନ ଚାରି ହଜାର ପାଉଛନ୍ତି, ବୃଦ୍ଧି ପରେ ଏହା ପାଞ୍ଚ ହଜାର କରାଯିବ ବୋଲି ସେ କହିଛନ୍ତି।
ଏହି ବର୍ଦ୍ଧିତ ରାଶି ଆସନ୍ତା ବର୍ଷଠାରୁ ଲାଗୁ ହେବ। ସେହିପରି ସେବାୟତଙ୍କ କନ୍ୟାଙ୍କ ବିବାହ ପାଇଁ ଦିଆଯାଉଥିବା ସହାୟତା ରାଶି ପରିମାଣ ମଧ୍ୟ ବୃଦ୍ଧି କରାଯାଇଛି। ତାହା ହେଲା ଏହି ପରିମାଣ ବର୍ତ୍ତମାନ ଏକ ଲକ୍ଷକୁ ବୃଦ୍ଧି ହେଲା ବୋଲି ମୁଖ୍ୟ ପ୍ରଶାସକ କହିଛନ୍ତି। ଏଣିକି ସେବାୟତମାନେ ସେମାନଙ୍କର ଝିଅ ବାହାଘର କଲେ ଶ୍ରୀମନ୍ଦିର ପ୍ରଶାସନ ଏକ ଲକ୍ଷ ଟଙ୍କା ପ୍ରଦାନ କରିବେ।
