ଭୁବନେଶ୍ବର: ଆଜି ସକାଳେ କଣ୍ଟାବାଞ୍ଜିର ପୂର୍ବତନ ବିଧାୟକ ଆୟୁବ ଖାନଙ୍କ ପରଲୋକ ଘଟିଯାଇଛି। ସେ ଦୀର୍ଘଦିନ ଧରି ଅସୁସ୍ଥ ଥିଲେ। ତାଙ୍କର ବଣ୍ଟାବାଞ୍ଜି ବାସଭବନରେ ଆଜି ସକାଳ 8 ଟା 30 ମିନିଟରେ ସେ ଶେଷ ନିଃଶ୍ବାସ ତ୍ୟାଗ କରିଥିଲେ। ମୃତ୍ୟୁ ବେଳକୁ ତାଙ୍କୁ 78 ବର୍ଷ ବୟସ ହୋଇଥିଲା। ତାଙ୍କ ବିୟୋଗରେ କଣ୍ଟାବାଞ୍ଜିରେ ଶୋକର ଛାୟା ଖେଳିଯାଇଛି।
2009 ମସିହାରେ ବିଜେଡି ତାଙ୍କୁ କଣ୍ଟାବାଞ୍ଜି ଟିକେଟ ଦେଇଥିଲା। ହେଲେ ସେ ସେତେବେଳେ ସନ୍ତୋଷ ସିଂ ସାଲୁଜାଙ୍କଠାରୁ ହାରିଯାଇଥିଲେ। ଏହାପରେ ବିଜେଡି ପୁଣି ତାଙ୍କ 2014 ମସିହାରେ ଟିକେଟ ଦେଇଥିଲା। ସେହିଥର ସେ ବିଧାନସଭାକୁ ନିର୍ବାଚିତ ହୋଇ ଆସିଥିଲେ। ତାଙ୍କ ବିୟୋଗରେ ବିଜେଡି ସୁପ୍ରିମୋ ନବୀନ ପଟ୍ଟନାୟକ ଦୁଃଖ ପ୍ରକାଶ କରିବା ସହିତ ମୁଖ୍ୟମନ୍ତ୍ରୀ ମୋହନ ମାଝି ମଧ୍ୟ ଶୋକ ପ୍ରକାଶ କରିଛନ୍ତି।