Low Pressure News: ବାତ୍ୟା ହେବ, ବାତ୍ୟା ହେବ ବୋଲି ଯେଉଁ ଖବର ପ୍ରଚାରିତ ହେଉଥିଲା ତାହା କେତେକାଂଶରେ ସତ ହେବାକୁ ଯାଉଛି। କାରଣ ଆସନ୍ତାକାଲି ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ଭାରତୀୟ ପାଣିପାଗ ବିଭାଗ ତରଫରୁ କୁହାଯାଇଛି। ପାଣିପାଗ ବିଭାଗର ସୂଚନା ଅନୁସାରେ
ଆସନ୍ତାକାଲି ଦକ୍ଷିଣପଶ୍ଚିମ ବଙ୍ଗୋପସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବ ବୋଲି ସମ୍ଭାବନା ରହିଛି। ଏହା ତାମିଲନାଡୁ ଉପକୂଳରବର୍ତ୍ତି ଅଞ୍ଚଳରେ ହେବ ବୋଲି କୁହାଯାଇଛି।
ତେବେ ସୂଚନା ଅନୁସାରେ ଥାଇଲାଣ୍ଡ ଓ ମିଆଁମାର ଉପରେ ଏକ ଘୂର୍ଣ୍ଣିବଳୟ ସୃଷ୍ଟି ହୋଇଛି। ଏହା ଆସନ୍ତା କାଲି ଅର୍ଥାତ ୨୧ ତାରିଖରେ ଆଣ୍ଡାମାନର ଆରବ ସାଗରରେ ପହଞ୍ଚିବ। ଏହାପରେ ଆସନ୍ତା ୨୩ ତାରିଖ ବେଳକୁ ବଙ୍ଗୋପସାଗରରେ ଲଘୁଚାପ ସୃଷ୍ଟି ହେବ। ତାପୂର୍ବରୁ ଆସନ୍ତାକାଲିଠାରୁ ଏହି ଲଘୁଚାପ ପାଇଁ କ୍ଷେତ୍ର ପ୍ରସ୍ତୁତ ହେବ ବୋଲି ସ୍ପଷ୍ଟ ହୋଇଛି।
ତେବେ ଏ ନେଇ ପାଣିପାଗ ବିଭାଗ ତରଫରୁ ବିସ୍ତୁତ ଭାବେ କୌଣସି ସୂଚନା ଦିଆଯାଇ ନାହିଁ। ମୁଖ୍ୟତଃ ଏହା ଘନିଭୂତ ହେବ କି ନାହିଁ। ପୂର୍ବରୁ ଯେଉଁ ବାତ୍ୟା ଆଶଙ୍କା କରାଯାଉଛି ତାହା ଏହି ଲଘୁଚାପ ଦ୍ବାରା ହେବ କି ନାହିଁ ଜଣାପଡି ନାହିଁ।