ସମୀକ୍ଷା ବ୍ୟୁରୋ
ଦେଶରେ ଦୁର୍ଘଟଣାଜନିତ ମୃତ୍ୟୁସଂଖ୍ୟା ବୃଦ୍ଧି ପାଇବାରେ ଲାଗିଛି । ଓଡିଶାରେ ମଧ୍ୟ ଦୁର୍ଘଟଣାରେ ଅନେକ ଧନଜୀବନ ହାନୀ ଘଟିଛି । ସଡକ ଦୁର୍ଘଟଣାକୁ ହ୍ରାସ କରିବା ଉଦ୍ଦେଶ୍ୟରେ ସରକାର ନୂଆ ମୋଟର ଯାନ ଆଇନ ଆଣିଛନ୍ତି । ଏଣିକି ଗାଡ଼ି ଚାଳକମାନେ ସାବଧାନ ହୋଇଯାଆନ୍ତୁ । ଟ୍ରାଫିକ ନିୟମ ଉଲ୍ଲଂଘନ କଲେ ଦେବାକୁ ହେବ ୧୦ ଗୁଣା ପର୍ଯ୍ୟନ୍ତ ଅଧିକ ଜରିମାନା। ଏହାପୂର୍ବରୁ ଶନିବାର ରାତିରେ ଟ୍ରାଫିକ ପୋଲିସ ପକ୍ଷରୁ ରାଜଧାନୀର ବିଭିନ୍ନ ସ୍ଥାନରେ ଡାକବାଜି ଯନ୍ତ୍ର ସାହାଯ୍ୟରେ ଲୋକଙ୍କୁ ସଚେତନ କରାଯାଇଛି। ଆଜିଠାରୁ ରାଜ୍ୟରେ ନୂଆ ଆଇନ ଲାଗୁ ସହ କମିଶନରେଟ ପୋଲିସ ପକ୍ଷରୁ ଯାଞ୍ଚ କଡାକଡି ହେବ। ରାଜଧାନୀର ବିଭିନ୍ନ ଛକ ତଥା ବହୁ ସ୍ଥାନରେ ଯାଞ୍ଚ କରାଯିବ। ଜରିମାନା ନ ଦେଲେ ତାଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ସେହିଭଳି ଆର୍ଟିଓ ପକ୍ଷରୁ ମଧ୍ୟ ଜାତୀୟ ରାଜପଥରେ ଯାଞ୍ଚ କରାଯିବ। ଏଥିପାଇଁ ଇ-ଚାଲାଣ ମେଶିନ ସହ ଆବଶ୍ୟକ ବ୍ୟବସ୍ଥା ସହିତ ପ୍ରସ୍ତୁତ ରହିଛନ୍ତି ଅଧିକାରୀ ଓ କର୍ମଚାରୀ । ତେବେ ଆସନ୍ତୁ ଜାଣିବା ନୂଆ ମୋଟର ଯାନ ଆଇନ୍ରେ କେଉଁ ନିୟମ ରହିଛି, ଏବଂ ଏହାର ଉଲ୍ଲଂଘନ ପାଇଁ କ’ଣ ରହିଛି ଦଣ୍ଡ ।
ଟ୍ରାଫିକ୍ ନିୟମ ଉଲ୍ଲଂଘନ କଲେ ଭାରତୀୟ ମୁଦ୍ରାରେ କେତେ ଟଙ୍କା ଜରିମାନା ରହିଛି, ଆସନ୍ତୁ ଜାଣିବା :
କେଉଁଥି ପାଇଁ କେତେ ଥିଲା କେତେ ହେଲା
ବିନା ଲାଇସେନ୍ସ – ୫୦୦ ୫୦୦୦
ଡିଏଲ୍ ବାତିଲ୍ ଥିଲେ – ୫୦୦ ୧୦,୦୦୦
ସ୍ପିଡରେ ଗାଡି ନେଲେ – ୪୦୦ ୨,୦୦୦
ସ୍ପିଡରେ ୪ଚକିଆ ନେଲେ – ୪୦୦ ୪,୦୦୦
ବିପଜ୍ଜନକ ଗାଡ଼ି ଚଳାଇବା – ୧୦୦୦ ୧୦,୦୦୦
ମୋବାଇଲରେ ଗପିଲେ – ୫୦୦୦ ୧୦,୦୦୦
ରେଡ୍ ଲାଇଟ୍ ଡେଇଁଯିବା – ୫,୦୦୦ ୧୦,୦୦୦
ବେଆଇନ ଗାଡ଼ି ଚଳାଇବା – ୫,୦୦୦ ୧୦,୦୦୦
ବେଆଇନ ଓଭରଟେକିଂ- ୫,୦୦୦ ୧୦,୦୦୦
ମଦ ପିଇ ଗାଡ଼ି ଚଳାଇବା – ୨,୦୦୦ ୧୫,୦୦୦
ଦୁର୍ଘଟଣା ଘଟାଇଲେ – ୫୦୦ ୧୦,୦୦୦
ପ୍ରଦୂଷଣ ନିୟମ ଖିଲାପ – ୧୦୦୦ ୧୦,୦୦୦
ମୋଟର ଯାନ ସଂଶୋଧିତ ଆଇନ୍ରେ ଲାଗୁ ହୋଇଥିବା ନୂତନ ନିୟମ
ସିଟ୍ ବେଲ୍ଟ ନ ପିନ୍ଧିଲେ – ୧୦୦୦(ବର୍ତ୍ତମାନ)
ବାଇକ୍ରେ ୨ରୁ ଅଧିକ ଗଲେ – ୧୦୦୦(ବର୍ତ୍ତମାନ)
ହେଲମେଟ୍ ନ ପିନ୍ଧିଲେ – ୧୦୦୦(ବର୍ତ୍ତମାନ)
ଜରୁରୀକାଳୀନ ଗାଡ଼ିକୁ ବାଟ ନ ଦେଲେ – ୧୦,୦୦୦(ବର୍ତ୍ତମାନ)
ନାବାଳକ ଗାଡ଼ି ଚାଳନା – ୧୦୦୦(ବର୍ତ୍ତମାନ)
ଏଥିସହିତ ବିନା ଲାଇସେନ୍ସରେ ୧୪ ବର୍ଷରୁ କମ୍ ବୟସ୍କ ଗାଡ଼ି ଚଳାଇବା ଦ୍ବାରା ଅଭିଭାବକମାନେ ଦଣ୍ଡିତ ହେବେ ବୋଲି ଏହି ମୋଟର ସଂଶୋଧନ ଆଇନ୍ରେ ନିୟମ ରହିଛି । ଏତଦ୍ ବ୍ୟତତ ବିନା ଇନ୍ସ୍ୟୁରାନ୍ସରେ ଗାଡି ଚଲାଇଲେ ୨ହଜାର ଟଙ୍କା ଓ ବିନା ପରମିଟରେ ଗାଡି ଚଳାଇଲେ ୫ ହଜାର ଟଙ୍କା ଯାଏଁ ଜରିମାନା ଦେବାକୁ ପଡିବ ।
