ସମୀକ୍ଷା ବ୍ୟୁରୋ
ବିଚାରପତି ଅରୁଣ ମିଶ୍ରଙ୍କ ଅଧ୍ୟକ୍ଷତାରେ ଗଠିତ ତିନିଜଣିଆ ଖଣ୍ଡପୀଠ ଶ୍ରୀମନ୍ଦିର ମାମଲାର ଆଜି ଶୁଣାଣି କରିଛନ୍ତି। ଏଥିରେ କୋର୍ଟ ମଧ୍ୟବର୍ତ୍ତିକାଳୀନ ଏହି ରାୟରେ ଶ୍ରୀମନ୍ଦିର ସଂସ୍କାର ପାଇଁ ୨୨ଟି ନିର୍ଦ୍ଦେଶନାମା ଜାରୀ କରିଛନ୍ତି। କୋର୍ଟ କହିଛନ୍ତି ଯେ, ଯେଉଁ ସେବକମାନେ ଶ୍ରୀଜୀୟୁଙ୍କ ସେବାରେ ଅବହେଳା କିମ୍ବା ବିଳମ୍ବ କରିବେ ସେମାନଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିଆଯାଉ। ଶ୍ରୀମନ୍ଦିର ପ୍ରଶାସନ ଏହି କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ। ମାମଲାରେ ନିଯୁକ୍ତ ଆମିକସ୍ କ୍ୟୁରୀ ରଣଜିତ କୁମାର ଏବଂ ଶ୍ରୀମନ୍ଦିର ପ୍ରଶାସନ ଦେଇଥିବା ରିପୋର୍ଟ ଉପରେ ଶୁଣାଣି କରି କୋର୍ଟ ଏହି ନିର୍ଦ୍ଦେଶାନାମା ଜାରି କରିଛନ୍ତି। କୋର୍ଟ ଦେଇଥିବା ନିର୍ଦ୍ଦେଶଗୁଡିକ ମଧ୍ୟରୁ ଯାହା ମୁଖ୍ୟ ବିଷୟ ରହିଛି ସେଗୁଡିକ ହେଲା
୧-ଭାରତରେ ଯେଉଁଠି ଶ୍ରୀଜଗନ୍ନାଥଙ୍କ ସଂମ୍ପତ୍ତି ରହିଛି ତାହାର ତାଲିକା ପ୍ରସ୍ତୁତ କରିବାକୁ ମନ୍ଦିର ପ୍ରଶାସନକୁ କୋର୍ଟ ନିର୍ଦେଶ ଦେଇଛନ୍ତି।
୨-ଏହି ସଂମ୍ପତ୍ତିରୁ ବର୍ତ୍ତମାନ କଣ ଆୟ କଣ ହେଉଛି ତାହାର ଏକ ତାଲିକା ମଧ୍ୟ ପ୍ରଦାନ କରିବାକୁ କୋର୍ଟ କହିଛନ୍ତି।
୩-ରାଜ୍ୟ ସରକାର ଜଗନ୍ନାଥ ଧର୍ମ ଉପରେ ଏକ ସ୍କୁଲ ନିର୍ମାଣ କରିବା ପାଇଁ ନିର୍ଦ୍ଦେଶ ଦେଇଛନ୍ତି। ଏଥିପାଇଁ ମନ୍ଦିର ପ୍ରଶାସନ କୋର୍ଟକୁ ଯେଉଁ ୬ କୋଟି ଟଙ୍କା ଦେବାର ଅଛି ତାହାକୁ କୋର୍ଟ ସରକାରଙ୍କୁ ପ୍ରଦାନ କରିବ ବୋଲି ଉଲ୍ଲେଖ କରାଯାଇଛି।
୪-ଶ୍ରୀମନ୍ଦିର ପ୍ରଶାସନରେ ଏକ ସ୍ଥାୟୀ ପ୍ରଶାସକ ନିଯୁକ୍ତି ପାଇଁ ରାଜ୍ୟ ସରକାର ଙ୍କୁ କୋର୍ଟ ମଧ୍ୟ ନିର୍ଦେଶ ଦେଇଛନ୍ତି ।
୫-ଶ୍ରୀମନ୍ଦିର ଦର୍ଶନ ପାଇଁ ଆସୁଥିବା ଭକ୍ତ ମାନଙ୍କ ପାଇଁ ରହିବା ପାଇଁ ବ୍ୟବସ୍ଥା କରିବା ପାଇଁ କୋର୍ଟ କହିଛନ୍ତି। ୬୦ହଜାର ଭକ୍ତ ରହଣୀ ନିମନ୍ତେ ଏକ ବ୍ୟବସ୍ଥା କରିବାକୁ ମଧ୍ୟ ନିର୍ଦ୍ଦେଶ ଦେଇଛନ୍ତି।
୬-ଶ୍ରୀଜୀଉଙ୍କ ନୀତିରେ ବିଳମ୍ବ କିମ୍ବା ଅବହେଳା କଲେ ସେବାୟତ ବିରୋଧରେ ମନ୍ଦିର ପ୍ରଶାସନ କଠୋର କାର୍ଯ୍ୟନୁଷ୍ଠାନ ଗ୍ରହଣ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି।
୭-ମନ୍ଦିରରେ ଏବଂ ସହରର ଡ୍ରେନଜ ପାଣି ନିୟନ୍ତ୍ରଣ ପାଇଁ ପୁରୀରେ ଏକ ଟ୍ରିଟମେଣ୍ଟ ପ୍ଲାଣ୍ଟ ବସେଇବାକୁ ମଧ୍ୟ କୋର୍ଟ ନିର୍ଦ୍ଦେଶ ଦେଇଛନ୍ତି।
୮-ଶ୍ରୀମନ୍ଦିରରେ ସେବକମାନେ ଭକ୍ତଙ୍କୁ ହଇରାଣ କରି ଯେଉଁ ଦକ୍ଷିଣା ମାଗୁଛନ୍ତି, ତାହାକୁ ତୁରନ୍ତ ବନ୍ଦ କରାଯାଉ ବୋଲି କୋର୍ଟ ଶ୍ରୀମନ୍ଦିର ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି।
