ନୋଇଡା- ଉତ୍ତର ପ୍ରଦେଶର ଗୌତମ ବୁଦ୍ଧ ନଗରର ବା ନୋଇଡା କମିଶନରେଟ ପୋଲିସରେ ସଂଯୋଗ ବସତଃ ଏକ ଅଭୁତ ପ୍ରକାରର ପରିସ୍ଥିତି ସୃଷ୍ଟି ହୋଇଛି। ଯାହା ଉତ୍ତର ପ୍ରଦେଶ ପୋଲିସମାନଙ୍କ ମଧ୍ୟରେ ଏକ କୌତୁହଳ ଖେଳିଯାଇଛି। ତାହା ହେଉଛି ଯେ, ଜଣେ ଆଇପିଏସ ସ୍ବାମୀଙ୍କ ବସ୍ ଅର୍ଥାତ ତାଙ୍କ ଉପରସ୍ଥ ଅଧିକାରୀ ଭାବେ ନିଯୁକ୍ତି ପାଇଛନ୍ତି ତାଙ୍କ ଆଇପିଏସ ସ୍ତ୍ରୀ। ତାହା ପୁଣି ସେହି ଗୋଟିଏ ସ୍ଥାନରେ।
ଘଟଣାରୁ ଜଣାପଡିଛି ଯେ, ବ୍ରିନ୍ଦା ଶୁକ୍ଲା ଲୌକ୍ଷ୍ମ ପୋଲିସ ହେଡ କ୍ବାଟରରେ କାର୍ଯ୍ୟ କରୁଥିଲେ। ସେଠାରେ ତାଙ୍କର ଡେପୁଟି ପୋଲିସ କମିଶନର ଭାବେ ପଦନ୍ନୋତି ପାଇ ନୋଇଡା କମିଶନରେଟକୁ ବଦଳି ହେଲେ। ନୋଇଡାକୁ ନୂଆ କରି ପୋଲିସ କମିଶନରେଟ କରାଯିବାରୁ ବ୍ରିନ୍ଦାଙ୍କୁ ବଦଳ କରାଗଲା। ହେଲେ ସେଠାରେ ପୂର୍ବରୁ ତାଙ୍କର ସ୍ବାମୀ ଅଙ୍କୁର ଅଗ୍ରୱାଲା ସିଟି ଏସପି ଭାବେ କାର୍ଯ୍ୟ କରୁଥିଲେ। କମିଶନରେଟ ପୋଲିସ ଘୋଷଣା ହେବା ପରେ ଅଙ୍କୁ ଅତିରିକ୍ତ କମିସନର ଭାବେ ତାଙ୍କ ସ୍ତ୍ରୀଙ୍କ ଅଧିନରେ କାର୍ଯ୍ୟ କରିବେ। ଅଙ୍କୁର ବର୍ତ୍ତମାନ ନିୟମ ଅନୁସାରେ ତାଙ୍କ ସ୍ତ୍ରୀଙ୍କୁ ସାଲୁଟ ମାରିବା ସହ ତାଙ୍କୁ ଦୈନିକ ରିପୋର୍ଟ କରିବେ। ଏହାକୁ ନେଇ ନୋଇଡା କମିସନରେଟରେ କୌତୁହଳ ସୃଷ୍ଟି ହୋଇଛି।
ବ୍ରିନ୍ଦା ଶୁକ୍ଲା ହେଉଛନ୍ତି 2014 ବ୍ୟାଚ ନାଗାଲାଣ୍ଡ କ୍ୟାଡରର ଆଇପିଏସ ଅଫିସର। ତାଙ୍କ ସ୍ବାମୀ ଅଙ୍କୁର ହେଉଛନ୍ତି ବିହାର କ୍ୟାଡରର 2016 ବ୍ୟାଚ ଆଇପିଏସ ଅଫିସର। ଅର୍ଥାତ ଆଇପିଏସ ବ୍ୟାଚ ଅନୁସାରେ ଅଙ୍କୁରଙ୍କ ସ୍ତ୍ରୀ ହେଉଛନ୍ତି ତାଙ୍କଠାରୁ ଦୁଇ ବର୍ଷ ବଡ। ଏହି ଦୁଇ ଆଇପିଏସ ଅଧିକାରୀ ହେଉଛନ୍ତି ହରିୟାନା ରାଜ୍ୟର। ଉଭୟ ଏକାଠି ପାଠ ପଢିବା ସହିତ ଆଇପିଏସ ପରୀକ୍ଷାରେ ଉତୀଣ୍ଣ ହୋଇ ଚାକିରୀରେ ଯୋଗଦେଇଥିଲେ। ଉଭୟ ଛାତ୍ର ଜୀବନରେ ସାଥୀ ହୋଇ ଥିବାରୁ 2019 ମସିହାରେ ଉଭୟ ବିବାହ ବନ୍ଧନରେ ଆବଦ୍ଧ ହୋଇଥିଲେ।
