ହାଇଦ୍ରାବାଦ, ତେଲେଙ୍ଗାନା ଏବଂ ଆନ୍ଧ୍ରପ୍ରଦେଶର ପୋଲିସ ମିଳିତ ଭାବେ ଚଢାଉ କରି ୩୩ଟି ତେଲ ଟାଙ୍କି ସିଲ୍ କରିଛନ୍ତି । ଏହି ଟାଙ୍କିରେ ଗ୍ରାହକମାନଙ୍କୁ ତେଲ ଦେବା ବେଳେ ଇଲେକ୍ଟ୍ରୋନିକ୍ ଚିପ୍ସ ବ୍ୟବହାର କରି ଠକେଇ କରୁଥିଲେ। ଉଭୟ ତେଲୁଗୁ ରାଜ୍ୟର ପୋଲିସ ଏବଂ ମେଟ୍ରୋଲୋଜି ବିଭାଗ ମିଳିତ ଚଢାଇ କରି ଏହି ଠକେଇର ପରଦା ଫାର୍ସ କରିବାରେ ସକ୍ଷମ ହୋଇଛନ୍ତି।
ଏକ ଗ୍ୟାଙ୍ଗ ଇନ୍ଧନ ଷ୍ଟେସନରେ ଇଣ୍ଟିଗ୍ରେଟେଡ୍ ଚିପ୍ସ ଲଗାଉଥିଲେ। ଯାହା ଫଳରେ ଫିଲିଂ ମେସିନ୍ ବୋର୍ଡରେ ଯାହା ଦେଖା ଯାଉଥିଲା ତା ଠାରୁ କମ୍ ଇନ୍ଧନ ବାହାରୁଥିଲା। ଅର୍ଥାତ ପ୍ରତି ୧୦୦୦ ମିଲି ଲିଟର ପେଟ୍ରୋଲ କିମ୍ବା ଡିଜେଲ କିଣିଲେ ଏହି ଇନ୍ଧନ ଷ୍ଟେସନଗୁଡିକରୁ ୯୭୦ ମିଲି ଲିଟର ତେଲ ବାହାରୁ ଥିଲା ବୋଲି ପୋଲିସ କହିଛି।
ସାଇବରବାଦ ପୋଲିସ କମିଶନର ଭି.ସି. ସଜ୍ଜନ ଶନିବାର ଏହି ଗ୍ୟାଙ୍ଗର ଠକେଇ ସଂପର୍କରେ କହିଛନ୍ତି ଯେ ଏମାନେ ଏକ ମାନ୍ୟୁପେଲଟ ସଫ୍ଟୱେର୍ ପ୍ରୋଗ୍ରାମ ହୋଇଥିବା ଇଣ୍ଟିଗ୍ରେଟେଡ୍ ଚିପ୍ସ (ଆଇସି) ବିକଶିତ କରିଛନ୍ତି। ଯାହାକୁ ତେଲ ଟାଙ୍କି ସଫୱେର ସହିତ ଏହି ଚିପ୍ସ ସଂଯୋଗ କରି ଗ୍ରାହକଙ୍କୁ କୋଟି କୋଟି ଟଙ୍କା ଠକିଛନ୍ତି। ଏଥିରେ ତେଲ ଟାଙ୍କି ମାଲିକଙ୍କ ସହଯୋଗ ରହିଛି।
ଏହି ଠକେଇର ମୁଖ୍ୟ ଅଭିଯୁକ୍ତ ବାଶା, ବାବାଜୀ ବାବା, ମାଡାସୁଗୁରି ଶଙ୍କର ଏବଂ ଆଇ ମଲେଶ୍ୱର ରାଓକୁ ପୋଲିସ ଗିରଫ କରିଛି। ଏମାନେ ସମସ୍ତେ ଆନ୍ଧ୍ରପ୍ରଦେଶର ଏଲୁରୁ ସହରର ବୋଲି ଜଣାପଡିଛି। ସାଇବରବାଦ ଏବଂ ନନ୍ଦିଗ୍ରାମ ପୋଲିସ ଏମାନଙ୍କଠାରୁ ୧୪ ଆଇସି, ୮ ଡିସପ୍ଲେ ୩ GBR କେବୁଲ,ଗୋଟିଏ ମଦରବୋର୍ଡ ଏବଂ ଗୋଟିଏ ହୁଣ୍ଡାଇ ଆଇ୨୦ କାର ଜବତ କରିଛି।
ଏହି ମାମଲାରେ ଦୁଇ ରାଜ୍ୟର ବିଭିନ୍ନ ଇନ୍ଧନ ଷ୍ଟେସନର ନଅ ଜଣ ମାଲିକଙ୍କୁ ମଧ୍ୟ ପୋଲିସ ଗିରଫ କରିଥିବା ବେଳେ ଆଉ ପାଞ୍ଚ ଜଣ ମାଲିକ ଫେରାର ଅଛନ୍ତି। ଏଥିସହିତ ମୁମ୍ବାଇର ଦୁଇଟି ଇଲେକ୍ଟ୍ରୋନିକ୍ ଚିପ୍ସ ଯନ୍ତ୍ର ଯୋଗାଣକାରୀ ଜୋସେଫ୍ ଏବଂ ଶିବୁ ଥୋମାସ୍ ମଧ୍ୟ ଏଥିରେ ସଂପୃକ୍ତ ଥିବାର ପ୍ରମାଣ ମିଳିଛି। ସେମାନେ ଫେରାର ଥିବାରୁ ପୋଲିସ ଗିରଫ କରିବା ପାଇଁ ବିଭିନ୍ନ ସ୍ଥାନରେ ଚଢାଉ କରୁଛି।
ପୋଲିସର ସୂଚନା ଅନୁସାରେ, ମୁଖ୍ୟ ଅଭିଯୁକ୍ତ ବାଶା ଏକ ପେଟ୍ରୋଲ ଟାଙ୍କିର ମେକାନିକ ଭାବେ କାର୍ଯ୍ୟ କରୁଥିଲା। ସେହିଠାରୁ ସେ ଏହି ନୂଆ ଠକେଇ କରି ବଡଲୋକ ହେବାର ନିଶା ଘାରିଥିଲା। ଏହାପରେ ସେ ମୁମ୍ବାଇର ଜୋସେଫ ଏବଂ ଶିବୁ ଥୋମାସଙ୍କଠାରୁ ଚିପ୍ସ ଏବଂ ମନିପ୍ୟୁଲେଟଡେ ସଫ୍ଟୱେୟାର ମିଳୁଥିବାର ଜାଣିବାକୁ ପାଇଳା। ତାଙ୍କଠାରୁ ସେସବୁ ଆଣି ବିଭିନ୍ନ ଟାଙ୍କି ମାଲିକଙ୍କ ସହିତ ଯୋଗାଯୋଗ କରି ଏହି ଚିପ୍ସ ଟାଙ୍କି ଭିତରେ ଲଗାଉଥିଲା। ଏଥି୍ରେ ତାକୁ ଆଉ ଦୁଇଜଣ ସହଯୋଗ କରୁଥିଲେ। ଗୋଟିଏ ଗୋଟିଏ ଚିପ୍ସ ଲଗାଇବା ପାଇଁ ଏମାନେ ତେଲ ଟାଙ୍କି ମାଲିକଙ୍କଠାରୁ ୮୦ ହଜାରରୁ ଲକ୍ଷେରୁ ଅଧିକ ଟଙ୍କା ନେଉଥିଲେ।
ତେବେ ଚତୁରତା ସହିତ ଧରା ନ ପଡିବା ପାଇଁ ଏମାନେ ଯଦି ଦୁଇଟି ଟାଙ୍କି ଅଛି ତେବେ ସେମାନେ କେବଳ ଗୋଟିଏ ଟାଙ୍କିରେ ଏହି ଆଇସି ଲଗାଉଥିଲେ। ଯେଉଁ ଟାଙ୍କିରେ ଏହି ଚିପ୍ସ ଲାଗୁ ନ ଥିଲା ସେଥିରେ କେବଳ ବୋତଲ କିମ୍ବା କ୍ୟାନ ବ୍ୟବହାର କରୁଥିବା ଗ୍ରାହକଙ୍କ ପାଇଁ ବ୍ୟବହାର କରାଯାଉଥିଲା। ହେଲେ ଯେଉଁ ଟାଙ୍କିରେ ଚିପ୍ସ ଲଗାଯାଉଥିଲା ସେଥିରେ କେବଳ ଯାନବାହନରେ ଇନ୍ଧନ ଭରିବା ପାଇଁ ବ୍ୟବହାର କରାଯାଉଥିଲା
ଏପରି ବଡ ଠକେଇ ଏବଂ ଅନିୟମିତତା ସଂପର୍କରେ ଭାରତୀୟ ତୈଳ ନିଗମ ଲିମିଟେଡ୍, ଭାରତ ପେଟ୍ରୋଲିୟମ କର୍ପୋରେସନ୍ ଲିମିଟେଡ୍ ଏବଂ ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ୍ ଲିମିଟେଡକୁ ଅବଗତ କରାଯାଇଛି ବୋଲି ପୋଲିସ କମିଶନର କହିଛନ୍ତି।