ଭୁବନେଶ୍ବର, ଦିନକୁ ଦିନ ଦୁର୍ବତମାନେ କମିଶନରେଟ ପୋଲିସକୁ ଚ୍ୟାଲେଞ୍ଜ ଦେବାରେ ଲାଗିଛନ୍ତି। ଦିନ ଦ୍ବିପହରେ ସେମାନେ ବ୍ୟାଙ୍କରୁ ଲୁଟି ନେଉଛନ୍ତି ଲକ୍ଷ ଲକ୍ଷ ଟଙ୍କା। ଏହିପରି ଏକ ଘଟଣା ଭୁବନେଶ୍ବରର ମଞ୍ଚେଶ୍ବର ଥାନା ଅଞ୍ଚଳରେ ଘଟିଛି। ବରିମୁଣ୍ଡର ବ୍ୟାଙ୍କ ଅଫ ଇଣ୍ଡିଆ ଶାଖାରୁ ଜଣେ ବନ୍ଧୁକ ଦେଖାଏ 10 ଲକ୍ଷ ଟଙ୍କା ଦିନରେ ଲୁଟି ନେଇଛି।
ଘଟଣାଟି ହେଲା ଗତକାଲି ଦ୍ବିପ୍ରହରରେ ଜଣେ ବ୍ୟକ୍ତି ଏକ ମୋଟର ସାଇକେଲରେ ଆସି ବ୍ୟାଙ୍କ ଆଗରେ ରଖିଲା। ହେଲମେଟ ପିନ୍ଧି ବ୍ୟାଙ୍କ ଭିତରେ ପଶିବାକୁ ଉଦ୍ୟମ କଲା। ହେଲେ ସଠାରେ ଥିବା ସିକ୍ୟୁରିଟ ଲଞ୍ଚ ଟାଇମ ହୋଇଗଲାଣି ବୋଲି କହି ଯିବାକୁ ଅନୁମତି ଦେଲା ନାହିଁ। ହେଲେ ସେ ଦୁର୍ବତ ତାଙ୍କୁ ଧକ୍କା ମାରି ଭିତରକୁ ପଶିଲା। ଭିତରେ ମାତ୍ର ତିନି ଜଣ ଗ୍ରାହକ ଦୁଇ ଜଣ କର୍ମଚାରୀ ଥିଲେ।
ବ୍ୟାଙ୍କ ଭିତରେ ଦୁର୍ବତ ଦୁଇ ହାତରେ ଦୁଇଟି ବନ୍ଧୁକ କାଢି ବ୍ଲାଙ୍କ ଫାଇରିଂ କଲା। ଫଳରେ ସେଠାରେ ଥିବା ସମସ୍ତେ ଭୟଭିତ ହୋଇପଡିଲେ। ଦୁର୍ବତଙ୍କ ନିର୍ଦ୍ଦେଶ ଅନୁସାରେ ସମସ୍ତେ ମୋବାଇଲ ଆଗରେ ଥୋଇ ହାତ ଉପରକୁ ଟେକି ଛିଡା ହେଲେ। ଦୁର୍ବୁତ ବ୍ୟାଙ୍କରେ ଥିବା 10 ଲକ୍ଷ ଟଙ୍କା ଏକ ବ୍ୟାଗରେ ଭର୍ତ୍ତି କରି ପଛୁଆ ଚାଲି ବାହାରିଗଲା।
ଆଖି ପିଛୁଳାକେ ସେ କେଉଁ ଆଡେ ଉଭାନ ହୋଇଗଲା। ପରେ ବ୍ୟାଙ୍କ କର୍ମଚାରୀ ପୋଲିସିକୁ ଫୋନ କରି ଜଣାଇବା ପରେ ଏହାର ତଦନ୍ତ ଆରମ୍ଭ ହୋଇଛି।