କାବୁଲ: ଆଫଗାନିସ୍ତାନର ପଞ୍ଜଶୀର ଦଖଲ ଉପରେ ତାଲିବାନ ଏବଂ ବିଦ୍ରୋହୀ ବାହିନୀ ମଧ୍ୟରେ ରକ୍ତାକ୍ତ ଯୁଦ୍ଧ ଜାରି ରହିଛି। ଶନିବାର ଦିନ ମଧ୍ୟ ଏକ ରକ୍ତାକ୍ତ ସଂଘର୍ଷ ହୋଇଥିଲା, ଯାହା ପରେ ଅନେକ ତାଲିବାନଙ୍କ ମୃତ୍ୟୁ ଖବର ଆସିଥିଲା। ବିଦ୍ରୋହୀ ବାହିନୀ ଦାବି କରିଛି ଯେ, ଉତ୍ତର-ପୂର୍ବ ପଞ୍ଜଶୀର ପ୍ରଦେଶରେ ପ୍ରାୟ ୬୦୦ ତାଲିବାନଙ୍କର ମୃତ୍ୟୁ ହୋଇଛି ଏବଂ ୧୦୦୦ ରୁ ଅଧିକ ତାଲିବାନ ଯୋଦ୍ଧା ଆତ୍ମସମର୍ପଣ କରିଥିବା ସୂଚନା ରହିଛି।
ବିଦ୍ରୋହୀ ବାହିନୀର ମୁଖପାତ୍ର ଫହିମ ଦାସ୍ତି ଏକ ଟୁଇଟ୍ରେ ଲେଖିଛନ୍ତି, “ପଞ୍ଜାଶୀରର ବିଭିନ୍ନ ଜିଲ୍ଲାରେ ୬୦୦ ତାଲିବାନ ନିହତ ହୋଇଛନ୍ତି। ଏକ ହଜାରରୁ ଅଧିକ ତାଲିବାନକୁ ଧରାଯାଇଛି।”
ଆଫଗାନିସ୍ତାନ ବିଦ୍ରୋହୀ ଗୋଷ୍ଠୀ ୬୦୦ ତାଲିବାନଙ୍କୁ ହତ୍ୟା କରିଥିବା ଦାବି କରୁଥିବାବେଳେ ତାଲିବାନ ଦାବି କରିଛି ଯେ ଏହା ପଞ୍ଜଶୀରର ଚାରିଟି ଜିଲ୍ଲାକୁ କବଜା କରିଛି। ତାଲିବାନ ମୁଖପାତ୍ର ବିଲାଲ କରିମି କହିଛନ୍ତି ଯେ, ଆମେ ପଞ୍ଜଶୀର ପ୍ରଦେଶର ସାତୋଟି ଜିଲ୍ଲା ମଧ୍ୟରୁ ଚାରିଟିକୁ କବଜା କରିଛୁ। ଆମେ ବର୍ତ୍ତମାନ ପଞ୍ଜଶୀର ଆଡକୁ ଯାଉଛୁ। ”
ବିଦ୍ରୋହୀ ଦଳର ନେତା ଅମରୁଲ୍ଲା ସାଲେହ ତାଲିବାନ ଏହି ଅଞ୍ଚଳ ଦଖଲ କରିଥିବା ଖବରକୁ ଖଣ୍ଡନ କରିଛନ୍ତି। କିନ୍ତୁ ସେ ସ୍ଵୀକାର କରିଛନ୍ତି ଯେ, ତାଲିବାନର ଫୋନ୍, ଇଣ୍ଟରନେଟ୍ ଏବଂ ବିଦ୍ୟୁତ୍ ସେବା ବନ୍ଦ ହେବା ପରିସ୍ଥିତିକୁ କଷ୍ଟସାଧ୍ୟ କରିଛି। ଆଫଗାନିସ୍ତାନର ପୂର୍ବତନ ଉପରାଷ୍ଟ୍ରପତି ସାଲେହ କହିଛନ୍ତି ଯେ ଉଭୟ ପାର୍ଶ୍ୱର କ୍ଷତି ହୋଇଛି। ସେ କହିଛନ୍ତି, ‘ଏଥିରେ କୌଣସି ସନ୍ଦେହ ନାହିଁ ଯେ, ଆମେ ଏକ କଠିନ ପରିସ୍ଥିତିରେ ଅଛୁ। ତାଲିବାନ ଦ୍ୱାରା ଆମକୁ ଆକ୍ରମଣ କରାଯାଇଛି। ଆମର ସେନା ଆତ୍ମସମର୍ପଣ କରିବ ନାହିଁ।