ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନାମରେ ଆଉ ଏକ ଆନ୍ତର୍ଜାତୀୟ ନାଗରିକ ସମ୍ମାନ ଯୋଗ କରାଯାଇଛି। ପ୍ରଧାନମନ୍ତ୍ରୀ ମୋଦୀଙ୍କୁ ପଡୋଶୀ ଦେଶ ଭୁଟାନ ସର୍ବୋଚ୍ଚ ନାଗରିକ ପୁରସ୍କାରରେ ସମ୍ମାନିତ କରିବ। ଏହା ଭୁଟାନ ଦ୍ୱାରା ଘୋଷଣା କରାଯାଇଛି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଭୁଟାନ ସର୍ବୋଚ୍ଚ ନାଗରିକ ପୁରସ୍କାର ‘ନଗଦଗ ପେଲ ଜି ଖୋରଲୋ’ ଘୋଷଣା କରିଛି। ଏହାପୂର୍ବରୁ ଅନେକ ଦେଶ ପ୍ରଧାନମନ୍ତ୍ରୀ ମୋଦୀଙ୍କୁ ସର୍ବୋଚ୍ଚ ନାଗରିକ ସମ୍ମାନରେ ସମ୍ମାନିତ କରିଛନ୍ତି।
ପ୍ରଧାନମନ୍ତ୍ରୀଙ୍କ ଭୁଟାନ ଗସ୍ତର ଏକ ଫଟୋ ପିଏମଓ ଭୁଟାନ ସେୟାର କରିଛି। ଏଥିସହ ଭୁଟାନର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ଯେ, ଦେଶର ସର୍ବୋଚ୍ଚ ନାଗରିକ ସମ୍ମାନ ସହ ପ୍ରଧାନମନ୍ତ୍ରୀ ମୋଦୀଙ୍କୁ ସମ୍ମାନିତ କରିବାକୁ ନିଷ୍ପତ୍ତି ନେଇ ଆମେ ଅତ୍ୟନ୍ତ ଆନନ୍ଦିତ। କରୋନା ମହାମାରୀ ସମୟରେ ଏବଂ ପ୍ରଧାନମନ୍ତ୍ରୀ ମୋଦୀ ଭୁଟାନକୁ ଦେଇଥିବା ସହଯୋଗ ଏବଂ ସମର୍ଥନ ତୁଳନାତ୍ମକ ନୁହେଁ। ତେଣୁ ସେ ଏହି ସମ୍ମାନର ଯୋଗ୍ୟ। ଭୁଟାନର ଲୋକମାନଙ୍କଠାରୁ ଆପଣଙ୍କୁ ଶୁଭେଚ୍ଛା।
