ଭୁବନେଶ୍ୱର: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଡ଼େନମାର୍କରେ ପହଞ୍ଚିଛନ୍ତି। ବିମାନ ବନ୍ଦରରେ ଡେନମାର୍କ ପ୍ରଧାନମନ୍ତ୍ରୀ ମେଟ୍ ଫ୍ରେଡିକ୍ସନ ତାଙ୍କୁ ସ୍ବାଗତ କରିଥିଲେ। ସେଠାରୁ ମୋଦି ଡେନମାର୍କ ପ୍ରଧାନମନ୍ତ୍ରୀଙ୍କ ଘରକୁ ଯାଇଥିଲେ। ସେଠାରେ ମେଟ୍ ମୋଦୀଙ୍କୁ ତାଙ୍କ ବାସଭବନ ବୁଲାଇ ଦେଖାଇଥିଲେ। ତାଙ୍କ ବାସଭବନରେ ଲାଗିଥିବା ଓଡିଶାର ଏକ ପଟ୍ଟଚିତ୍ରକୁ ମେଟ୍ ମୋଦିଙ୍କୁ ଦେଖାଇଥିଲେ। ଏଥିରେ ମୋଦି ଆଶ୍ଚର୍ଯ୍ୟ ହୋଇଯାଇଥିଲେ।
ତେବେ ମେଟ କହିଥିଲେ ଯେ ସେ ଯେତେବେଳେ ଭାରତ ଗସ୍ତ ଆସିଥିଲେ ସେତେବେଳେ ତାଙ୍କୁ ଏହି ପଟ୍ଟଚିତ୍ର ଉପହାର ସ୍ୱରୂପ ପ୍ରଦାନ କରିଥିଲା। ଏହି ପଟ୍ଟଚିତ୍ରକୁ ନେଇ ଦୁଇ ପ୍ରଧାନମନ୍ତ୍ରୀଙ୍କ ମଧ୍ୟରେ ଅଳ୍ପ ସମୟ ପାଇଁ ଆଲୋଚନା ହୋଇଥିଲା। ଏହି ପଟ୍ଟଚିତ୍ରଟି ପ୍ରଭୁ ଶ୍ରୀରାମଙ୍କ ଦରବାର ବିଷୟରେ ବର୍ଣ୍ଣିତ ଓଡ଼ିଶାର ପଟ୍ଟଚିତ୍ର ବୋଲି ମୋଦି କହିଥିଲେ।
