ନୂଆଦିଲ୍ଲୀ: ଆଜି ଆଫଗାନିସ୍ତାନରେ ହୋଇଥିବା ଭୂମୀକମ୍ପ ଯୋଗୁଁ ପ୍ରାୟ ୨୫୦ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଆଫଗାନିସ୍ତାନର ଗଣମାଧ୍ୟମ କହିଛି ଯେ, ଦେଶର ପୂର୍ବ ପାକ୍ତିକା ପ୍ରଦେଶରେ ହୋଇଥିବା ଭୂକମ୍ପରେ ଅତି କମରେ ୨୫୫ ଜଣଙ୍କର ମୃତ୍ୟୁ ଘଟିଛି। ହେଲିକପ୍ଟର ଯୋଗେ ଉଦ୍ଧାରକାରୀ ଦଳ ପହଞ୍ଚିଛନ୍ତି। ପାକ୍ତିକା ପ୍ରଦେଶରେ ୬ ତୀବ୍ରତା ବିଶିଷ୍ଟ ଏକ ଭୂମୀକମ୍ପ ହୋଇଥିଲା।
ଦକ୍ଷିଣ-ପୂର୍ବ ସହର ଖୋସ୍ତଠାରୁ ପ୍ରାୟ ୪୪ କିଲୋମିଟର ଦୂରରେ ଏହି ଭୂକମ୍ପ ଘଟିଛି। ୟୁରୋପୀୟ ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ରର ରାଏଟର୍ସ କହିଛି ଯେ, ପାକିସ୍ତାନ ଏବଂ ଭାରତ ପର୍ଯ୍ୟନ୍ତ ୫୦୦ କିଲୋମିଟର ଦୂରରେ ଏହି କମ୍ପନ ଅନୁଭୂତ ହୋଇଛି।
