ନୂଆଦିଲ୍ଲୀ: ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଆଜି ମସ୍କୋରେ ଋଷର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କୁ ଭେଟି ତାଙ୍କ ସହ ବିଭିନ୍ନ ଦ୍ୱିପାକ୍ଷିକ ଏବଂ ଆଞ୍ଚଳିକ ପ୍ରସଙ୍ଗ ଉପରେ ଆଲୋଚନା କରିଛନ୍ତି। ଏହି ସୂଚନା ଋଷର ଭାରତରେ ଥିବା ଦୂତାବାସ ଦ୍ୱାରା ଟ୍ୱିଟ୍ କରାଯାଇଛି।
ଭାରତରେ ଋଷର ଦୂତାବାସର ଏକ ଟୁଇଟ୍ରେ କୁହାଯାଇଛି ଯେ, ଏନଏସଏ ଅଜିତ ଡୋଭାଲ ରାଷ୍ଟ୍ରପତି ପୁଟିନଙ୍କୁ ଭେଟିଛନ୍ତି। ଏହି ଟୁଇଟ୍ରେ କୁହାଯାଇଛି, “ବିଭିନ୍ନ ଦ୍ୱିପାକ୍ଷିକ ଏବଂ ଆଞ୍ଚଳିକ ପ୍ରସଙ୍ଗ ଉପରେ ଆଲୋଚନା କରାଯାଇଥିଲା। ଭାରତ-ଋଷର ରଣନୀତିକ ଭାଗିଦାରୀକୁ କାର୍ଯ୍ୟକାରୀ କରିବା ଦିଗରେ କାର୍ଯ୍ୟ ଜାରି ରଖିବାକୁ ସହମତ ହୋଇଥିଲା।
ବାସ୍ତବରେ ଡୋଭାଲ ବୁଧବାର ଦୁଇ ଦିନିଆ ଋଷ ଗସ୍ତରେ ଯାଇଥିଲେ। ଏହି ସମୟରେ, NSA ଅଜିତ ଡୋଭାଲ ଏବଂ ଋଷର ରାଷ୍ଟ୍ରପତିଙ୍କ ମଧ୍ୟରେ ଆଲୋଚନା ବେଳେ ଦୁଇ ଦେଶ ମଧ୍ୟରେ ରଣନୀତିକ ଭାଗିଦାରୀ କାର୍ଯ୍ୟକାରୀ କରିବା ଦିଗରେ କାର୍ଯ୍ୟ ଜାରି ରଖିବାକୁ ସହମତି ପ୍ରକାଶ ପାଇଛି। ରୁଷିଆକୁ NSA ର ଏହି ଗସ୍ତ ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କରଙ୍କ ଏହି ଦେଶ ଗସ୍ତର ତିନି ମାସ ପରେ ଅନୁଷ୍ଠିତ ହେଉଛି।
