ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସମୃଦ୍ଧ ସାଂସ୍କୃତିକ ସଂଯୋଗ ସମ୍ପର୍କରେ ଏକ ଟୁଇଟ୍ କରିଛନ୍ତି। ଅଷ୍ଟ୍ରେଲିଆ ପ୍ରଧାନମନ୍ତ୍ରୀଙ୍କ ସମ୍ମାନାର୍ଥେ ଆୟୋଜିତ ମଧ୍ୟାହ୍ନ ଭୋଜନ ଅବସରରେ ଅଷ୍ଟ୍ରେଲିଆର ବାଣିଜ୍ୟ ଏବଂ ପର୍ଯ୍ୟଟନ ମନ୍ତ୍ରୀ ଡନ୍ ଫାରେଲ୍ ଜୀବନର ଅନୁଭୂତିକୁ ନେଇ ଏକ ଲେଖା ସେୟାର କରିଥିଲେ।
ପ୍ରଧାନମନ୍ତ୍ରୀ ଟୁଇଟ୍ କରିଛନ୍ତି:
“ମୋର ବନ୍ଧୁ ପ୍ରଧାନମନ୍ତ୍ରୀ ଆଲବେନସୀଙ୍କ ସମ୍ମାନାର୍ଥେ ମଧ୍ୟାହ୍ନ ଭୋଜନ ସମୟରେ ଅଷ୍ଟ୍ରେଲୀୟ ବାଣିଜ୍ୟ ଏବଂ ପର୍ଯ୍ୟଟନ ମନ୍ତ୍ରୀ ଡନ୍ ଫାରେଲ୍ କିଛି କୌତୁହଳପୂର୍ଣ୍ଣ ବିଷୟ ସେୟାର କରିଥିଲେ … ତାଙ୍କୁ ପ୍ରଥମ ଶ୍ରେଣୀରେ ଶ୍ରୀମତୀ ଏବର୍ଟ ନାମ୍ନୀ ଜଣେ ଶିକ୍ଷା ଦେଇଥିଲେ, ଯିଏ ତାଙ୍କ ଜୀବନରେ ଗଭୀର ପ୍ରଭାବ ପକାଇଥିଲେ ଏବଂ ତାଙ୍କୁ ଶିକ୍ଷାର ମୂଳଦୂଆ ସ୍ଥାପନ ପାଇଁ ଶ୍ରେୟ ଦେଇଥିଲେ।
ଶ୍ରୀମତୀ ଏବର୍ଟ, ତାଙ୍କ ସ୍ୱାମୀ ଏବଂ ଝିଅ ଲିଓନି, ୧୯୫୦ ଦଶକରେ ଭାରତର ଗୋଆରୁ ଆଡିଲେଡକୁ ଯାଇ ଅଷ୍ଟ୍ରେଲିଆର ଆଡିଲେଡର ଏକ ବିଦ୍ୟାଳୟରେ ଶିକ୍ଷାଦାନ ଆରମ୍ଭ କରିଥିଲେ। ତାଙ୍କ ଝିଅ ଲିଓନି ଦକ୍ଷିଣ ଅଷ୍ଟ୍ରେଲିୟା ଶିକ୍ଷକ ଅନୁଷ୍ଠାନର ଅଧ୍ୟକ୍ଷ ଭାବରେ କାର୍ଯ୍ୟ କରିଥିଲେ।
ଏହି ଜୀବନୀ ଶୁଣି ମୁଁ ଖୁସି, ଯାହା ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ସମୃଦ୍ଧ ସାଂସ୍କୃତିକ ସଂଯୋଗକୁ ସୂଚୀତ କରେ। ଯେତେବେଳେ କେହି ଜଣେ ତାଙ୍କ ଶିକ୍ଷକଙ୍କ ସଂକ୍ରାନ୍ତରେ ସ୍ନେହପୂର୍ଣ୍ଣ ଭାବରେ ସୂଚନା ଦିଅନ୍ତି ସେତେବେଳେ ଶୁଣିବା ମଧ୍ୟ ସମାନ ହୃଦୟସ୍ପର୍ଶୀ ଅଟେ।”
