ନୂଆଦିଲ୍ଲୀ: ଫ୍ରାନ୍ସରେ ଅଟକ ରହିଥିବା ବିମାନ ଆଜି ମୁମ୍ବାଇ ଅଭିମୁଖେ ଯାତ୍ରା କରିଛି। ଫ୍ରାନ୍ସର ମିଡିଆ ବିଏଫଏମ ଟିଭି ଏହି ସୂଚନା ଦେଇଛି। ମାନବ ଚାଲାଣ ସନ୍ଦେହରେ ଶୁକ୍ରବାର ଦିନ ମୁମ୍ବାଇ ଅଭିମୁଖେ ଯାତ୍ରା କରୁଥିବା ଫ୍ରାନ୍ସର ବିମାନ ବନ୍ଦରରେ ଅଟକି ରହିଥିଲା। ଏହି ବିମାନରେ ୩୦୩ ଜଣ ଯାତ୍ରୀ ଥିଲେ, ସେଥିରେ ଅଧିକାଂଶ ଭାରତୀୟ ଥିଲେ।
ରବିବାର ଦିନ ରୋମାନିଆ କମ୍ପାନୀ ‘ଲିଜେଣ୍ଡ ଏୟାରଲାଇନ୍ସ’ ଦ୍ୱାରା ପରିଚାଳିତ ଏ-୩୪୦ ବିମାନକୁ ଫ୍ରାନ୍ସ କର୍ତ୍ତୃପକ୍ଷ ଯାତ୍ରା କରିବାକୁ ଅନୁମତି ଦେଇଛନ୍ତି।
ସଂଯୁକ୍ତ ଆରବ ଏମିରେଟ୍ସର ଦୁବାଇରୁ ୩୦୩ ଜଣ ଯାତ୍ରୀଙ୍କ ସହ ନିକାରାଗୁଆ ଅଭିମୁଖେ ଯାତ୍ରା କରୁଥିବା ବେଳେ ମାନବ ଚାଲାଣ ସନ୍ଦେହରେ ଶୁକ୍ରବାର ଦିନ ପ୍ୟାରିସର ୧୫୦ କିଲୋମିଟର ପୂର୍ବରେ ଥିବା ଭିଟ୍ରି ବିମାନ ବନ୍ଦରରେ ଅଟକି ରହିଥିଲା।
