ଘାତକ ଭାଇରସ ଗାୟବ: ସାରା ବିଶ୍ବକୁ ଚକିତ କରିବା ପରି ଖବର ଜଣାପଡିଛି। ତାହା ହେଲା ଅଷ୍ଟ୍ରେଲିଆର ଗୋଟିଏ ଲାବରେଟରୀରୁ ଶତାଧିକ ଘାତକ ଭାଇରସ୍ ନମୁନା କୁଆଡେ ଗାୟବ ହୋଇଯାଇଛି। ଏହାକୁ ଖୋଦ କ୍ୟୁନିସଲ୍ୟାଣ୍ଡ ସରକାର ଘୋଷଣା କରିଛନ୍ତି।
ଏହାର ତଦନ୍ତ କରିବା ପାଇଁ ସରକାର ଅଷ୍ଟ୍ରେଲିଆର ପ୍ରାଥମିକ ସ୍ୱାସ୍ଥ୍ୟ ବିଭାଗକୁ ନିର୍ଦ୍ଦେଶ ଦେଇଛନ୍ତି। ଏହା “ପ୍ରମୁଖ ଐତିହାସିକ ଜୀବ ଜାତି ସୁରକ୍ଷା ଅନୁଶାସନ ଉଲ୍ଲଙ୍ଘନ” ଧାରାରେ ତଦନ୍ତ କରିବାକୁ ନିର୍ଦ୍ଦେଶ ଦେଇଛନ୍ତି।
ସମ୍ପ୍ରତି ଖବରରେ ଦେଖାଗଲା ଯେ ଅଗଷ୍ଟ 2023ରେ କ୍ୟୁନ୍ସଲ୍ୟାଣ୍ଡ ପବ୍ଲିକ୍ ହେଲ୍ଥ୍ ଭାଇରୋଲଜି ଲାବରେଟରୀରୁ 323 ଟି ଭାଇରସ୍ ନମୁନା—ଯେଉଁଥିରେ ହେନ୍ଦ୍ରା ଭାଇରସ୍, ଲାଇସା ଭାଇରସ୍ ଓ ହାଣ୍ଟାଭାଇରସ୍ ଥିଲା ତାହା କୁଆଡେ ଗାୟବ ହୋଇଯାଇଛି।
ହେନ୍ଦ୍ରା ଏକ ଜୁନୋଟିକ୍ ବା ପ୍ରାଣୀରୁ ମାନବ ଦେହକୁ ଆସିଥିବା ଭାଇରସ୍, ଯାହା କେବଳ ଅଷ୍ଟ୍ରେଲିଆରେ ମିଳିଥାଏ ତାହା କୁଆଡେ ମିଳୁ ନାହିଁ। ସେହିପରି ହାଣ୍ଟାଭାଇରସ୍ ଏକ ଭାଇରସ୍ ପରିବାର, ଯାହା ଗମ୍ଭୀର ରୋଗ ସୃଷ୍ଟି କରିବା ସହିତ ରୋଗୀର ନିଶ୍ଚିତ ମୃତ୍ୟୁ ହୋଇଥାଏ। ସେହିପରି ଲାଇସାଭାଇରସ୍ ଏକ ଭାଇରସ୍ ଗୋଷ୍ଠୀ, ଯାହା ମଣିଷଙ୍କୁ ଜଳତାଙ୍କ ରୋଗ ସୃଷ୍ଟି କରିଥାଏ।
ଘଟଣାସ୍ଥଳ ଲାବରେଟରୀ, ଯେଉଁଠାରେ ଭାଇରସ୍ ନମୁନା ଗାୟବ ହୋଇଛି, ସେଠାରେ ଜୀବ ରୋଗ ଓ ମାଛି ଓ କୀଟପତଙ୍ଗର ମାଧ୍ୟମରେ ବ୍ୟାପୁଥିବା ରୋଗ ବିଷୟରେ ଗବେଷଣା କରାଯାଇଥାଏ।
ଘୋଷଣାରେ କୁହାଯାଇଛି ଯେ ଏହି ଭାଇରସ୍ ନମୁନା ଗାୟବ ହେବା ସତ୍ବେ କାହା ଉପରେ କୌଣସି ବିପଦ ନାହିଁ ବୋଲି ସରକାର ତାଙ୍କ ଘୋଷଣାରେ ସ୍ବୀକାର କରିଛନ୍ତି।