ନୂଆଦିଲ୍ଲୀ: ଗତକାଲି ରାତିରେ ୟୁକେର ବର୍ମିଂହାମରୁ ଦିଲ୍ଲୀ ଯାଉଥିବା ଏୟାର ଇଣ୍ଡିଆର ଏକ ବିମାନରେ ବୋମା ଧମକ ମିଳିବା ପରେ ଏହାକୁ ରିୟାଦରେ ଜରୁରୀ କାଳିନ ଅବତରଣ କରିଥିଲା। ଏ ସଂପର୍କରେ ଆଜି ବିମାନ କମ୍ପାନୀ ତରଫରୁ ସୂଚନା ଦିଆଯାଇଛି।
କୁହାଯାଇଛି ଯେ, ଏୟାର ଇଣ୍ଡିଆ ବିମାନ AI 114 ରିୟାଦରେ ସୁରକ୍ଷିତ ଭାବରେ ଜରୁରୀ କାଳିନ ଅବତରଣ କରିଥିଲା। ଏହାପରେ ସେଠାରେ ସୁରକ୍ଷା ଯାଞ୍ଚ କରାଯାଇଥିଲା। ବିମାନଟି ରାତି 8.26 ରେ ବର୍ମିଂହାମରୁ ଉଡ଼ାଣ ଭରିବା ପରେ ଦିଲ୍ଲୀ ଅଭିମୁଖେ ଯାତ୍ରା କରୁଥିଲା।
ଜୁନ୍ 12 ତାରିଖରେ ଅହମ୍ମଦାବାଦରେ ଏକ ଦୁଃଖଦ ଦୁର୍ଘଟଣା ପରେ ଟାଟା ଗ୍ରୁପ୍ ମାଲିକାନାରେ ଥିବା ଏୟାରଲାଇନ୍ସ ସମ୍ପ୍ରତି ସୁରକ୍ଷା ବ୍ୟବସ୍ଥା ବୃଦ୍ଧି କରିବା ପାଇଁ ପଦକ୍ଷେପ ନେଇଛି। ଏହାର ପ୍ରତିକ୍ରିୟା ସ୍ୱରୂପ, ଏୟାର ଇଣ୍ଡିଆ ଅଧିକ କଠୋର ପୂର୍ବ-ଉଡ଼ାଣ ସୁରକ୍ଷା ଯାଞ୍ଚ ଆରମ୍ଭ କରିଛି ଏବଂ ସୁଗମ କାର୍ଯ୍ୟ ସୁନିଶ୍ଚିତ କରିବା ପାଇଁ ଅସ୍ଥାୟୀ ଭାବରେ ଉଡ଼ାଣ ସଂଖ୍ୟା ହ୍ରାସ କରିଛି।
ବିମାନ କମ୍ପାନୀ ଏହା ମଧ୍ୟ ବ୍ୟାଖ୍ୟା କରିଛି ଯେ ପଶ୍ଚିମ ଏସିଆରେ ଏୟାରସ୍ପେସ୍ କଟକଣା, ୟୁରୋପ ଏବଂ ପୂର୍ବ ଏସିଆରେ ବିମାନବନ୍ଦରରେ ରାତି କର୍ଫ୍ୟୁ ଏବଂ ସାଧାରଣ ବିମାନ ଯାତାୟାତ ଭିଡ଼ ଭଳି କାରଣଗୁଡ଼ିକ ଯୋଗୁଁ ବିମାନଗୁଡିକ ବିଳମ୍ବ ଏବଂ ବାତିଲ କରିବାକୁ ପଡୁଛି।
