ନୂଆଦିଲ୍ଲୀ: ବୈଭବ ସୂର୍ଯ୍ୟବଂଶୀ ଏବଂ ବିହାନ ମାଲହୋତ୍ରାଙ୍କ ଚମତ୍କାର ଶତକ ଏବଂ ଭାରତୀୟ ବୋଲରଙ୍କ ଉତ୍କୃଷ୍ଟ ବୋଲିଂ ପାଇଁ ଭାରତୀୟ ୧୯ ବର୍ଷରୁ କମ୍ ଦଳ ଚତୁର୍ଥ ଦିନିକିଆରେ ଇଂଲଣ୍ଡକୁ ୫୫ ରନରେ ପରାସ୍ତ କରିଛି। ଏହା ସହିତ ଭାରତୀୟ ଦଳ ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜକୁ ମଧ୍ୟ କବଜା କରିଛି। ଏହି ବିଜୟ ସହିତ ଭାରତୀୟ ଦଳ ସିରିଜରେ ୩-୧ରେ ଆଗୁଆ ହୋଇଛି।
ବୈଭବ ସୂର୍ଯ୍ୟବଂଶୀଙ୍କ ବିସ୍ଫୋରକ ଶତକ
ଇଂଲଣ୍ଡ ବିପକ୍ଷରେ ବୈଭବ ସୂର୍ଯ୍ୟବଂଶୀ ଏକ ବିସ୍ଫୋରକ ଶତକ ହାସଲ କରିଥିଲେ। ବୈଭବ ମାତ୍ର ୫୨ ବଲ୍ରେ ଶତକ ହାସଲ କରିଥିଲେ। ବୈଭବ ୭୮ ବଲ୍ରେ ୧୪୩ ରନ୍ର ଏକ ଧମାକାଦାର ଇନିଂସ ଖେଳିଥିଲେ। ଏହି ଇନିଂସ ମଧ୍ୟରେ ବୈଭବ ୧୩ ଚୌକା ଏବଂ ୧୦ ଛକା ମାରିଥିଲେ। ବୈଭବ ପ୍ରାୟ ୧୮୪ ଷ୍ଟ୍ରାଇକ୍ ରେଟ୍ ରେ ରନ୍ କରିଥିଲେ।
ବୈଭବଙ୍କ ପରେ ବିହାନ ମଧ୍ୟ ଚମକିଲେ
ବୈଭବଙ୍କ ପରେ ବିହାନ ମାଲହୋତ୍ରା ମଧ୍ୟ ଏକ ଜବରଦସ୍ତ ଶତକ ମାରିଲେ। ବିହାନ ୧୨୧ ବଲରେ ୧୨୯ ରନର ଇନିଂସ ଖେଳିଲେ। ବିହାନ ତାଙ୍କ ଇନିଂସ ମଧ୍ୟରେ ୧୫ ଚୌକା ଏବଂ ତିନୋଟି ଛକା ମାରିଥିଲେ। ବିହାନ ପ୍ରାୟ ୧୦୭ ଷ୍ଟ୍ରାଇକ୍ ରେଟ୍ ରେ ରନ୍ କରିଥିଲେ।
ଭାରତ ଇଂଲଣ୍ଡ ସମ୍ମୁଖରେ ୩୬୪ ରନର ଲକ୍ଷ୍ୟ ଧାର୍ଯ୍ୟ କରିଥିଲା:
ବୈଭବ ଏବଂ ବିହାନଙ୍କ ମଧ୍ୟରେ ଏକ ଜବରଦସ୍ତ ଭାଗୀଦାରି ହୋଇଥିଲା। ଭାରତୀୟ ଦଳ ୧୪ ସ୍କୋରରେ ପ୍ରଥମ ୱିକେଟ୍ ହରାଇଥିଲା। ଏହା ପରେ ବୈଭବ ଏବଂ ବିହାନ ମିଶି ଦ୍ୱିତୀୟ ୱିକେଟ୍ ପାଇଁ ୨୧୯ ରନର ରେକର୍ଡ ଭାଗୀଦାରି କରିଥିଲେ, ଯାହା ଫଳରେ ଭାରତୀୟ ଦଳ ୫୦ ଓଭରରେ ଇଂଲଣ୍ଡ ସମ୍ମୁଖରେ ୩୬୪ ରନର ଲକ୍ଷ୍ୟ ଧାର୍ଯ୍ୟ କରିଥିଲା। ବୈଭବ-ବିହାନଙ୍କ ବ୍ୟତୀତ ଅନ୍ୟ କୌଣସି ଖେଳାଳି ଭାରତ ପାଇଁ ବଡ଼ ଇନିଂସ ଖେଳି ନଥିଲେ। ଏହି ଦୁଇଜଣଙ୍କ ପରେ ଅଭିଜ୍ଞାନ କୁଣ୍ଡୁ ସର୍ବାଧିକ ରନ କରିଥିଲେ। କୁଣ୍ଡୁ ୨୩ ରନର ଇନିଂସ ଖେଳିଥିଲେ।
ଇଂଲଣ୍ଡ ୩୦୮ ରନରେ ଅଲଆଉଟ୍:
ଇଂଲଣ୍ଡ ଦଳର ଆରମ୍ଭ ବହୁତ ଭଲ ଥିଲା। ଉଭୟ ପ୍ରାରମ୍ଭିକ ବ୍ୟାଟ୍ସମ୍ୟାନ୍ ବେନ୍ ଡକିନ୍ସ ଏବଂ ଜୋସେଫ୍ ମୁର୍ସ ଶତକୀୟ ଭାଗୀଦାରି କରିଥିଲେ। ଡକିନ୍ସ ୬୭ ଏବଂ ଜୋସେଫ୍ ୫୨ ରନ କରିଥିଲେ। ଏହା ପରେ ରକି ଫ୍ଲିଣ୍ଟଫ୍ ମଧ୍ୟ ଏକ ଚମତ୍କାର ଶତକ ହାସଲ କରିଥିଲେ। ଫ୍ଲିଣ୍ଟଫ୍ ୯୧ ବଲ୍ ରେ ୧୦୭ ରନର ଇନିଂସ ଖେଳିଥିଲେ, କିନ୍ତୁ ସେ ତାଙ୍କ ଦଳକୁ ଜିତାଇ ପାରି ନଥିଲେ। ଇଂଲଣ୍ଡର ଦଳ ୪୫.୩ ଓଭରରେ ୩୦୮ ରନରେ ଅଲଆଉଟ୍ ହୋଇଯାଇଲା। ଭାରତୀୟ ବୋଲରମାନେ ଚମତ୍କାର ବୋଲିଂ କରିଥିଲେ। ନମନ ପୁଷ୍ପକ ତିନୋଟି ୱିକେଟ ନେଇଥିବାବେଳେ ଆରଏସ ଆମ୍ବ୍ରିସ୍ ଦୁଇଟି ୱିକେଟ ନେଇଥିଲେ, ଯାହା ଫଳରେ ଭାରତ ୫୫ ରନରେ ଇଂଲଣ୍ଡକୁ ପରାସ୍ତ କରିଥିଲା।