ନୂଆଦିଲ୍ଲୀ: ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ, ଋଷ ରାଷ୍ଟ୍ରପତି ପୁଟିନଙ୍କ ଭାରତ ଗସ୍ତ ବେଳେ ସେ କରିଥିବା ମଳତ୍ୟାଗ ମଧ୍ୟ ତାଙ୍କ ସୁରକ୍ଷା କର୍ମି ନେଇଗଲେ। ସେତେକି ନୁହେଁ ସେ କରିଥିବା ପରିଶ୍ରା ମଧ୍ୟ ତାଙ୍କ ସୁରକ୍ଷା କର୍ମି ଋଷ ନେଇଗଲେ। ଭାରତରେ ତାଙ୍କର କୌଣସି ଚିହ୍ନବର୍ଣ୍ଣ କିଛି ରଖିଲେ ନାହିଁ। ତେବେ ବିଭିନ୍ନ ମହଲରେ ପ୍ରଶ୍ନ ଉଠେ ଯେ, ଋଷ ରାଷ୍ଟ୍ରପତିଙ୍କ ଝାଡା ପରିସ୍ରା ରେ ଏପରି କଣ ଅସୁବିଧା ଥିଲା ଯେ, ତାହାକୁ ମଧ୍ୟ ନିଜ ଦେଶ ଋଷକୁ ନେଇଗଲେ।
ତେବେ ଏହାର ଉତ୍ତରେ ଏହା କୁହାଯିବ ଯେ,ଋଷ ରାଷ୍ଟ୍ରପତି ପୁଟିନଙ୍କ ସୁରକ୍ଷା ବିଶ୍ବର ସମସ୍ତ ଭିଭିଆଇପିଙ୍କଠାରୁ ସର୍ବାଧିକ। ତାଙ୍କ ସୁରକ୍ଷା ପାଇଁ ଯାହା ଅସ୍ତ୍ରଶସ୍ତ୍ର ବ୍ୟବହାର କରାଯାଏ ତାହା ବିଶ୍ବର ଅନ୍ୟ କାହା ପାଇଁ କରାଯାଏ ନାହିଁ। ସେ ଯେତେବେଳେ କୌଣସି ରାଷ୍ଟ୍ର ଗସ୍ତରେ ଯାଆନ୍ତି ସେଠାକୁ ଗୋଟିଏ ମାସ ପୂର୍ବରୁ ତାଙ୍କର ସୁରକ୍ଷା କର୍ମି ପହଞ୍ଚିଯାଆନ୍ତି। ସେମାନେ ଠିକରେ କାର୍ଯ୍ୟ କରୁଛନ୍ତି କି ନାହିଁ ତାହାକୁ ଯାଞ୍ଚ କରିବା ପାଇଁ ସାଧା ପୋଷାକରେ ମଧ୍ୟ ଋଷ ଅଧିକାରୀ ଜଗି ରହିଥାନ୍ତି।
ତେବେ ପୁଟିନଙ୍କ ଗସ୍ତର ଅଳ୍ପ କେତେ ଦିନ ପୂର୍ବରୁ ତାଙ୍କ ପାଇଁ ସ୍ବତନ୍ତ୍ର ନିର୍ମାଣ କରାଯାଇଥିବା ପାଇଖାନା ଅଣାଯାଏ। ସେଥିରେ ସେ ଝାଡା ପରିଶ୍ରା କରିବା ସହିତ ତାହା ଏକ ସ୍ବତନ୍ତ୍ର ଟାଙ୍କିରେ ଯାଇ ତାହା ସଂରକ୍ଷିତ ହୋଇ ରହିବା ପରି ବ୍ୟବସ୍ଥା କରାଯାଇଛି। ସେ ଯେଉଁ ସ୍ଥାନରେ ରହିବେ ତାହାକୁ ସେହିଠାରେ ରଖାଯାଇଥାଏ। ପୁଟିନ ସେହି ସ୍ବତନ୍ତ୍ର ପାଇଖାନାରେ ଝାଡା ପରିଶ୍ରା କରିଥାନ୍ତି, ଅନ୍ୟ କୌଣସି ସ୍ଥାନରେ ପରିଶ୍ରା କରନ୍ତି ନାହିଁ। ତାହା ଏପରି ନିର୍ମାଣ କରାଯାଇଛି ଯେ, ତାହା କୌଣସି ପ୍ରକାରର ଗନ୍ଧ ହେବ ନାହିଁ କି ଲିକ ହେବ ନାହିଁ।
ତାଙ୍କର ଗସ୍ତ ସରିଯିବା ପରେ ସେହି ସ୍ବତନ୍ତ୍ର ପାଇଖାନା ଓ ଝାଡା ପରିଶ୍ରା ଥିବା ଟାଙ୍କିକୁ ଋଷକୁ ନିଆଯାଇଥାଏ। ଫଳରେ ପୁଟିନ ରହୁଥିବା ସ୍ଥାନରେ ତାଙ୍କର କୌଣସି ଚିହ୍ନବର୍ଣ୍ଣ ରହେ ନାହିଁ। ତେବେ ଏପରି କାହିଁକି କରାଯାଏ ବୋଲି ସାଧାରଣରେ ପ୍ରଶ୍ନ ଉଠିବା ସ୍ବାଭାବିକ। ଏହାର କାରଣ ହେଲା ଯେ, ଋଷ ରାଷ୍ଟ୍ରପତିଙ୍କ ଝାଡା ପରିଶ୍ରା ନେଇ କେହି ପରୀକ୍ଷା କରି ଜାଣିପାରବ ଯେ ତାଙ୍କ ଦେହରେ କଣ ରୋଗ ଅଛି। ଏପରିକି ସେ କେଉଁ ଔଷଧ ଖାଉଛନ୍ତି ତାହା ମଧ୍ୟ ଜଣାପଡିବ। ତାଙ୍କର ବ୍ୟକ୍ତିଗତ ତଥ୍ୟ ଯେପରି କେହି ହାସଲ ନ କରିପାରିବେ ସେଥିପାଇଁ ଋଷ ତରଫରୁ ଏପରି ବ୍ୟବସ୍ଥା କରାଯାଇଛି।