ଆମେରିକା : ଚୀନର ବୁହାନ ସହରରୁ ଆରମ୍ଭ ହୋଇଥିବା ମାରତ୍ମକ କରୋନା ଏବେ ସାରା ବିଶ୍ବରେ ବେଶ୍ ଭୟଙ୍କର ରୂପେ ବ୍ୟାପି ଚାଲିଛି । ଏବେ ଆମେରିକା ରାଷ୍ଟ୍ରପତିଙ୍କ ଅଫିସ୍ ହ୍ବାଇଟ୍ ହାଉସ୍ରେ ମଧ୍ୟ ପହଞ୍ଚିଲାଣି । ମିଳିଥିବା ସୂଚନାଅନୁସାରେ ଏଠାରେ ଜଣେ ଅଧିକାରୀଙ୍କ ନିକଟରୁ କରୋନା ପଜିଟିଭ ମିଳିଛି । ଆମେରିକାର ଉପ ରାଷ୍ଟ୍ରପତି ମାଇକ ପେନ୍ସଙ୍କ ସହିତ ନିଯୁକ୍ତ ଜଣ ଅଧିକାରୀ କରୋନା ଭାଇରସରେ ଆକ୍ରାନ୍ତ ହୋଇଛନ୍ତି । ଏହି ଘଟଣା ଜଣାପଡିବା ପରେ ଏବେ ହ୍ବାଇଟ୍ ହାଉସ୍ରେ ହଲଚଲ୍ ମଚି ଯାଇଛି । ଏବେ ସେହି ଆକ୍ରାନ୍ତ ବ୍ୟକ୍ତି କାହା କାହା ସହିତ ମିଶିଥିଲେ ତାହା ନେଇ ପରୀକ୍ଷା କରାଯାଉଛି । ତେବେ ସମ୍ପୃକ୍ତ ବ୍ୟକ୍ତି ଜଣକ କିଛି ଦିନ ହେବ ଉପରାଷ୍ଟ୍ରପତି ମାଇକ୍ ପେନସ ଓ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ସହ ସମ୍ପର୍କରେ ନଥିଲେ ।
ସୂଚନାଯୋଗ୍ୟ, ଆମେରିକାରେ ଏ ପର୍ଯ୍ୟନ୍ତ ଏହି ରୋଗରେ 230 ଜଣ ଲୋକଙ୍କର ମୃତ୍ୟୁ ହୋଇଥିବାବେଳେ ଅଠର ହଜାରରୁ ଉର୍ଦ୍ଧ୍ବ ବ୍ୟକ୍ତି ସଂକ୍ରମିତ ହୋଇଛନ୍ତି । ହ୍ବାଇଟ୍ ହାଉସ୍ ଭିତରକୁ ପ୍ରବେଶ ପାଇଁ ଖୁବ୍ କଡା କଟକଣା ଜାରି କରାଯାଇଛି । ରାଷ୍ଟ୍ରପତିଙ୍କ ଡାକ୍ତର ଟିମ୍ ଓ ଗୁଇନ୍ଦା ସେବାର ଏଜେଣ୍ଟ ମାନେ ହ୍ବାଇଟ୍ ହାଉସ୍ ଭିତରେ ଥିବା ସମସ୍ତଙ୍କ ବ୍ୟକ୍ତିଙ୍କ ତାପମାନ ଯାଞ୍ଚ କରିବା ପରେ ପ୍ରବେଶ ଅନୁମତି ଦେଉଛନ୍ତି । (ଏଜେନ୍ସି)