ନ୍ୟୁୟର୍କ : ଜଣେ ଘର ମାଲିକ 18 ମହଲା ବିଶିଷ୍ଟ 80ଟି ଆପାର୍ଟମେଣ୍ଟରେ ରହୁଥିବା 200ରୁ ଅଧିକ ଭଡାଟିଆଙ୍କ ଅପ୍ରେଲ ମାସର ଘର ଭଡାକୁ ଛାଡ କରିଛନ୍ତି । ଘର ଭଡା ଛାଡ କରିଥିବା ଘର ମାଲିକ ନ୍ୟୁୟର୍କର । ନ୍ୟୁୟର୍କର ବ୍ରୁକଲିନ୍ରେ ରହୁଥିବା ଏହି ଘର ମାଲିକ ଜଣକ କହିଛନ୍ତି ଯେ, କରୋନା ଭାଇରସ୍ର ପ୍ରକୋପକୁ ଦେଖି ସେ ତାଙ୍କ ଭଡାଟିଆମାନଙ୍କୁ କୌଣସି ପ୍ରକାରର ଚିନ୍ତା ଦେବାକୁ ଚାହାଁନ୍ତି ନାହିଁ । କରୋନା ମହାମାରୀ ସମୟରେ ଲୋକଙ୍କୁ ସାହାଯ୍ୟ କରୁଥିବା ଏହି ଘର ମାଲିକଙ୍କ ନାମ ହେଉଛି ମାରିୟୋ ସଲେରନୋ । ସେ ତାଙ୍କ ଆପାର୍ଟମେଣ୍ଟ ବାହାରେ ଏକ ପୋଷ୍ଟର ଦ୍ବାରା ଅପ୍ରେଲ୍ ମାସର ଘର ଭଡା ଛାଡ କରିଛନ୍ତି ବୋଲି ଘୋଷଣା କରିଛନ୍ତି ।
କରୋନା ମହମାରୀ ଯୋଗୁଁ ଆମେରିକାର ନ୍ୟୁୟର୍କ ସହର ସବୁଠୁ ବେଶୀ କ୍ଷତିଗ୍ରସ୍ତ ହୋଇଛି। ଏଠାରେ ଅଧିକସଂଖ୍ୟକ ଲୋକଙ୍କ ମୃତ୍ୟୁ ହୋଇଛି । ଏଠାରେ କାମ ବନ୍ଦରହିଥିବା ବହୁ ଲୋକଙ୍କ ଚାକିରି ମଧ୍ୟ ଚାଲିଯାଇଛି ।ଆମେରିକାର ଅନ୍ୟ ବଡ ସହରଠାରୁ ନ୍ୟୁୟର୍କ ସହରରେ ଅଧିକ ଲୋକ ଭଡାରେ ରହିଥା’ନ୍ତି । ଏଠାରେ ଲୋକଙ୍କ ଦରମାର ଅଧା ଅଂଶ ଘରର ଭଡାରେ ଚାଲିଯାଇଥାଏ ।
ମାରିୟୋ ତାଙ୍କ ଭଡାଟିଆମାନଙ୍କ ଘର ଭଡା ଛାଡ କରିବା ସହ ତାଙ୍କୁ ସୁରକ୍ଷିତ ରହିବା ପାଇଁ ପରାମର୍ଶ ଦେଇଛନ୍ତି । ଅନ୍ୟମାନଙ୍କୁ ସାହାଯ୍ୟ କରିବାକୁ କହିଛନ୍ତି ମାରିୟୋ । ମାରିୟୋଙ୍କ ଆପାର୍ଟମେଣ୍ଟ ଯେଉଁ ଅଞ୍ଚଳରେ ରହିଛି, ସେଠାରେ ଟୁବିଏଚ୍କେ ଆପାର୍ଟମେଣ୍ଟର ହାରାହାରି ମାସିକ ଭଡା ମୂଲ୍ୟ 2 ଲକ୍ଷ 13 ହଜାର ଅଟେ ।
କରୋନା ଯୋଗୁଁ ଆମେରିକାରେ ଅର୍ଥନୀତିକୁ ଅଚାନକ ଝଟ୍କା ଲାଗିଛି । ଏହି କାରଣରୁ ନ୍ୟୁୟର୍କରେ ରହୁଥିବା ଅଧିକାଂଶ ଲୋକେ ଏବେ ଘର ଭଡା ଦେବା ପାଇଁ ଚିନ୍ତାରେ ପଡିଯାଇଛନ୍ତି ।
ମାରିୟୋଙ୍କ 80ଟି ଆପାର୍ଟମେଣ୍ଟରେ 200ରୁ 300 ଲୋକ ରହୁଛନ୍ତି । ମାରିୟୋ କହିଛନ୍ତି ଯେ, ସେ ତାଙ୍କ ଭଡାଟିଆଙ୍କୁ କୌଣସି ପ୍ରକାରର ଚିନ୍ତା ଦେବାକୁ ଚାହୁଁନାହାନ୍ତି । ମାରିୟୋ କହିଛନ୍ତି ଯେ, ଗତ ମାସ କିଛି ଭଡାଟିଆ ଘର ଭଡା ଦେଇପାରିବେ ନାହିଁ ବୋଲି ମେସେଜ୍ କରିଥିଲେ । ଆୟାର୍ଲାଣ୍ଡର ତିନିଜଣ ଭଡାଟିଆ ଏପରି ସମସ୍ୟାକୁ ଦେଖି ସ୍ଥାନ ଛାଡି ଚାଲିଯାଇଛନ୍ତି । ଏଥିପାଇଁ ମାରିୟୋ ଏପରି ସଂକଟ ସମୟରେ ତାଙ୍କ ଭଡାଟିଆ ମାନେ ସୁସ୍ଥ ଓ ଚିନ୍ତାଶୂନ୍ୟ ରହିବା ପାଇଁ ସେ ତାଙ୍କର ଭଡାଟିଆଙ୍କ ଅପ୍ରେଲ ମାସର ଘର ଭଡା ଛାଡ କରିବାକୁ ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି ।
ସୂଚନାଯୋଗ୍ୟ, ଆମ ରାଜ୍ୟରେ ମୁଖ୍ୟମନ୍ତ୍ର ନବୀନ ପଟ୍ଟନାୟକ ଲୋକଙ୍କଠାରୁ ତିନିମାସର ଘର ଭଡା ଛାଡ ବା ପରେ ଏହାକୁ ନେବା ପାଇଁ ଅନୁରୋଧ କରିଛନ୍ତି ।
