ତାଇଓ୍ପାନ୍ : ଉତ୍ତରପଶ୍ଚିମ ତାଇଓ୍ବାନ୍ରୁ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଯାହାକୁ ଦେଖି ଡାକ୍ତରମାନେ ମଧ୍ୟ ଆଶ୍ଚର୍ଯ୍ୟ ହୋଇଛନ୍ତି । କୁହାଯାଏ, ନିଜ ମନ ପସନ୍ଦର ଖାଦ୍ୟର ନା ଶୁଣିଲେ ପାଟିରୁ ଲାଳ ଗଡିଥାଏ । କିନ୍ତୁ ଏଠାରେ କିଛି ଅଜବ ଘଟିଛି । ଖାଦ୍ୟର ନାଁ ଶୁଣି 62 ଦିନ ଧରି କୋମାରେ ରହିଥିବା ଜଣେ ରୋଗୀଙ୍କୁ ହୋସ୍ ଆସିଯାଇଛି । 18 ବର୍ଷୀୟ ଏହି ଯୁବକ ଜଣକ 62 ଦିନ ଧରି କୋମାରେ ରହିଥିବାବେଳେ ନିଜ ମନ ପସନ୍ଦର ଖାଦ୍ୟ ନା ଶୁଣି ତାଙ୍କର ହୋସ୍ ଆସିଯାଇଛି ।
ଉତ୍ତରପଶ୍ଚିମ ତାଇଓ୍ବାନ୍ରେ ରହୁଥିବା 18 ବର୍ଷୀୟ ଚିୟୁ ସ୍କୁଟରରେ ଯାଉଥିବା ସମୟରେ ମର୍ମନ୍ତୁଦ ସଡକ ଦୁର୍ଘଟଣାର ସମ୍ମୁଖୀନ ହୋଇଥିଲା । ଗୁରୁତର ଅବସ୍ଥାରେ ତା୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏହି ଦୁର୍ଘଟଣାରେ ଚିୟୁଙ୍କର ଶହାହଶ କିଡ୍ନୀ, ଲିଭର୍ରେ ଗଭୀର ଆଘାତ ଲାଗିଥିଲା । ଶରୀରରୁ ଅଧିକ ରକ୍ତ ଯାଇଥିବାରୁ ତାଙ୍କର ଛଅଟି ସର୍ଜରୀ କରାଯାଇଥିଲା । ଦୁର୍ଘଟଣା ପରେ ତାଙ୍କର ଜୀବନ ବଞ୍ଚିଯାଇଥିଲା ସତ, କିନ୍ତୁ ସେ କୋମାକୁ ଚାଲିଯାଇଥିଲେ । ଏହାପରେ ତାଙ୍କୁ ଡାକ୍ତର କୋମାରୁ ବାହାର କରିବା ପାଇଁ ସବୁ ପ୍ରକାରର ଚେଷ୍ଟା ଜାରି ରଖିଥିଲେ କିନ୍ତୁ ଏଥିରେ କୌଣସି ସଫଳତା ମିଳିପାରୁନଥିଲା । ତେବେ 62 ଦିନ ପରେ ଅଚାନକ ଏକ ଚମତ୍କାର ହେଲା, ଯାହାକୁ ପରିବାର ଲୋକେ କିମ୍ବା ଡାକ୍ତର କେହି ବିଶ୍ବାସ କରିପାରୁନାହାନ୍ତି । ଚିୟୁଙ୍କ ଡବଡ ଭାଇ ମଜାକ୍ରେ ଚିୟୁକୁ କହିଥିଲେ ଯେ, ସେ ଚିୟୁଙ୍କ ପସନ୍ଦିତା ଖାଦ୍ୟ ଚିକେନ୍ ଫିଲେଟ୍ ଖାଇବାକୁ ଯାଉଛନ୍ତି । ଚିୟୁଙ୍କୁ ଚିକେନ ବହୁତ ପସନ୍ଦ । ନିଜ ମନପସନ୍ଦର ଖାଦ୍ୟ ନାଁ ଶୁଣି ହଠାତ୍ ଚିୟୁଙ୍କ ଶରୀରର ସକ୍ରିୟ ହୋଇଥିଲା । ଏହା ଦେଖି ସେ ଡାକ୍ତରଙ୍କୁ ଏ ସମ୍ପର୍କରେ ଜଣାଇଥିଲେ । ଚିୟୁଙ୍କ ପ୍ଲସ୍ ରେଟ୍ ମଧ୍ୟ ତୀବ୍ରତର ହୋଇଥିଲା । ଏହାର କିଛି ସମୟ ପରେ ସେ କୋମାରୁ ବାହାରି ଆସିଥିଲେ । ଏବେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ବୋଲିଡାକ୍ତର କହିଛନ୍ତି। (ଏଜେନ୍ସି)
