ଭୋପାଳ, ଆଜି ଆନ୍ତର୍ଜାତୀୟ ମହିଳା ଦିବସ ଉପଲକ୍ଷେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନ ଏକ ନୂଆ କଥା କରିଛନ୍ତି। ତାହା ହେଲା ଶିବରାଜ ସପତ୍ନୀକ ଭୋପାଳ ନିକଟରେ ଥିବା ଦିଦି କାଫେକୁ ଖାଇବାକୁ ଯାଇଥିଲେ। ଏକ ପଞ୍ଚାୟତ କ୍ୟାମ୍ପସ ଭିତରେ ନିର୍ମିତ ହୋଇଥିବା ଦିଦି କାଫେ ହେଉଛି କେବଳ ମହିଳା ବା ଦିଦିମାନଙ୍କ ଦ୍ବାରା ପରିଚାଳିତ ହୋଟେଲ।
ସପତ୍ନିକ ମୁଖ୍ୟମନ୍ତ୍ରୀଙ୍କୁ ଦେଖ୍ ଦିଦିମାନେ ଇତସ୍ତତଃ ହୋଇପଡିଥିଲେ। ହେଲେ କିଛି ବ୍ୟସ୍ତ ହୁଅ ନାହିଁ ବୋଲି ମୁଖ୍ୟମନ୍ତ୍ରୀ କହିଥିଲେ। ଆଜି ମହିଳା ଦିବସରେ ତୁମ କାଫେକୁ ଖାଇବାକୁ ଆସିଛି ବୋଲି କହିଥିଲେ। ଏହାପରେ ଦିଦିମାନେ ତାଙ୍କ କାଫେର ସବୁଠୁ ସ୍ବାଦିଷ୍ଠ ଖାଦ୍ୟ ପରଷି ଦେଇଥିଲେ।
