ଅଙ୍ଗୋଲା: ପେଟର ଭୋକ ମେଣ୍ଟାଇବା ପାଇଁ ମଣିଷ ଯେକୌଣସି କର୍ମ କରିବାକୁ ବି ପଛାଏ ନାହିଁ। କିନ୍ତୁ ପେଟର ଭୋକ ପାଇଁ ଦେହକୁ ବିକ୍ରି କରିବା ଭଳି ଏକ ସମ୍ବେଦନଶୀଳ ଘଟଣା ସାମ୍ନାକୁ ଆସିଛି। ଅଳ୍ପ ବୟସର ଝିଅମାନେ ଖାଦ୍ୟ ସାମଗ୍ରୀ ପାଇଁ ମାତ୍ର କେଇଟି ଟଙ୍କାରେ ନିଜକୁ ଦେହକୁ ନିଲାମ କରିଦେଉଥିବାର ଏକ ଜଘନ୍ୟ ସତ୍ୟ ସାମ୍ନାକୁ ଆସିଛି। ଏହିପରି କିଛି ଘଟଣା ଆଫ୍ରିକାର ଅଙ୍ଗୋଲା ଅଞ୍ଚଳରେ ହେଉଥିବାର ସୂଚନା ମିଳିଛି।
ଜଣେ ଝିଅ ନିଜ ପରିବାରକୁ ମୁଠାଏ ଦାନା ଦେବା ପାଇଁ ନିଜକୁ ମାତ୍ର ୨୨ ଟଙ୍କାରେ ବିକ୍ରି କରିଦେଉଛି। କ୍ଷୁଧାର୍ତ୍ତ ଓ ସଂଘର୍ଷର ଏକ ଭୟାନକ ଦୃଶ୍ୟ ଦେଖିବାକୁ ମିଳିଛି ଆଫ୍ରିକାର କିଛି ଅଞ୍ଚଳରେ। ଖାଦ୍ୟ ସାମଗ୍ରୀ ଜୁଟେଇବା ପାଇଁ ଅଳ୍ପବୟସ୍କା ଝିଅମାନେ ମାତ୍ର ୨୨ ଟଙ୍କାରେ ଦେହ ବିକ୍ରି କରୁଛନ୍ତି। ଏପରି କାମ ପାଇଁ ଅଧିକରୁ ଅଧିକ ୭୦ – ୮୦ ଟଙ୍କା ରୋଜଗାର କରୁଛନ୍ତି କିଛି ଯୁବତୀ। ଏପରି ପରିସ୍ଥିତି ଦେଖିବାକୁ ମିଳିଛି ଦକ୍ଷିଣ ଆଫ୍ରିକାର କିଛି ଅଞ୍ଚଳରେ। ଯେଉଁମାନେ ଖାଦ୍ୟ ପାଇଁ ସଂଘର୍ଷ କରି ନିଜର ଦେହ ଦାନ କରି ପେଟର ଭୋକ ମେଣ୍ଟାଉଛନ୍ତି।
ମାନବୀୟ ଆଧାର ଅନୁଯାୟୀ ଲୋକଙ୍କୁ ସହାୟତା କରୁଥିବା ଅନ୍ତରାଷ୍ଟ୍ରୀୟ ସଂସ୍ଥା ଓ୍ବାଲ୍ଡ ଭିଜନ୍ ଏହା ସମ୍ପର୍କରେ ସୂଚନା ଦେଇଛି। ଦକ୍ଷିଣ ଆଫ୍ରିକା ଅଙ୍ଗୋଲାରେ ଜଣେ ୧୨ ବର୍ଷୀୟ ବାଳିକା ମାତ୍ର ୩୦ ଟଙ୍କା ପାଇଁ ଦେହ ବ୍ୟାପାର କରୁଛି। ଦକ୍ଷିଣ ଆଫ୍ରିକାରେ ସାଢେ ଚାରି କୋଟି ଲୋକ କ୍ଷୁଧା ସମସ୍ୟାରେ ପ୍ରପୀଡ଼ିତ ହୋଇଥିବା ୟୁନାଇଟେଡ୍ ନେସନ୍ ପ୍ରକାଶ କରିଛି। ଦେଶର ଆର୍ଥିକ ଅବସ୍ଥା ତଥା ପ୍ରାକୃତିକ ବିପର୍ଯ୍ୟୟ ଏସବୁ ପାଇଁ ଦାୟୀ ବୋଲି ଜଣାପଡିଛି। ଅଙ୍ଗୋଲା ଓ ଜିମ୍ବାଓ୍ବେରେ ଦେହ ବ୍ୟାପାରରେ ଝିଅଙ୍କ ସଂଖ୍ୟା ବଢିବାରେ ଲାଗିଥିବାବେଳେ ବାଲ୍ୟ ବିବାହ ମଧ୍ୟ ବଢୁଛି। ଭୟଙ୍କର କ୍ଷୁଧାର୍ତ୍ତ ଓ ଦାରିଦ୍ର୍ୟଗ୍ରସ୍ତ ଭିତରେ ବିତାଉଥିବା ଏହିସବୁ ଲୋକମାନଙ୍କ ଘରେ ଯଦି କେହି ବାଳିକା ରହୁଛନ୍ତି, ତେବେ ସେମାନଙ୍କୁ ଏସବୁ କାର୍ଯ୍ୟ କରିବା ପାଇଁ ବାଧ୍ୟ କରୁଛନ୍ତି ନତୁବା ସେମାନଙ୍କୁ ବାଲ୍ୟ ବିବାହ କରାଇ ଦେଉଛନ୍ତି। ବାଲ୍ୟ ବିବାହ ଫଳରେ ସେହି ପରିବାରର ଜଣେ ସଦସ୍ୟର ଖାଦ୍ୟକୁ ସେମାନେ ସଂଚୟ କରିପାରିବେ। ଅଧିକାଂଶ ଯୁବତୀମାନେ ପରିବାର ପ୍ରତିପୋଷଣ ପାଇଁ ଏହି ମାର୍ଗକୁ ଆଦରି ନେଇଛନ୍ତି। କେହି କେହି ନିଶା ଦେଇ ଯୁବତୀଙ୍କୁ ଏହି ସବୁ କର୍ମ କରିବା ପାଇଁ ବାଧ୍ୟ କରୁଥିବାର ମଧ୍ୟ ଶୁଣିବାକୁ ମିଳୁଛି।
ବିଗତ ଏକ ବର୍ଷ ମଧ୍ୟରେ ଅଙ୍ଗୋଲାରେ ବିଭିନ୍ନ ଶସ୍ୟର ଦାମ ଦୁଇଗୁଣା ବଢିଥିବାବେଳେ ଏହାକୁ କ୍ରୟ କରିବା ଲାଗି ଲୋକଙ୍କ ପାଖରେ ସକ୍ଷମ ନାହିଁ। ଯଦି ଜୁନ୍ ଭିତରେ ଫସଲ ଠିକ୍ଠାକ୍ ନହୁଏ, ତେବେ ପରିସ୍ଥିତି ଅଣାୟତ୍ତ ହୋଇପଡିବ। ଆଫ୍ରିକାର କିଛି ଅଞ୍ଚଳରେ ୧୯୮୧ ପରଠାରୁ ଏପର୍ଯ୍ୟନ୍ତ ସବୁଠାରୁ କମ୍ ବର୍ଷା ହୋଇଛି। ପାଣିପାଗ ପରିବର୍ତ୍ତନ ହେତୁ ଜାମ୍ବିଆ,ନାମ୍ବିବିଆ, ଲେସୋଥୋ ଓ ଇସ୍ବାତିନି ପରି ଆପ୍ରିକା ଦେଶ ବିଶେଷ ପ୍ରଭାବିତ ହୋଇ ଭୟଙ୍କର କ୍ଷୁଧାର୍ତ୍ତ ସମସ୍ୟାରେ ପଡିଛନ୍ତି।