ନୂଆଦିଲ୍ଲୀ: ପରିବର୍ତ୍ତନଶୀଳ ଜୀବନଶୈଳୀରେ ଅନେକ ଥର ଆମେ ନିଜ ପ୍ରତି ଧ୍ୟାନ ଦେବାକୁ ଭୁଲିଯାଉ। ଘର କିମ୍ବା ଅଫିସ୍, ଲାପଟପ୍ ଏବଂ କମ୍ପ୍ୟୁଟରରୁ କାର୍ଯ୍ୟ ସବୁ ଆଜି ଆମ ଜୀବନର ଏକ ବିଶେଷ ଆବଶ୍ୟକତା ହୋଇପାରିଛି। ଅନେକ ଘଣ୍ଟା ଲାପଟପ୍ ଏବଂ କମ୍ପ୍ୟୁଟରରେ କାମ କରିବା ପରେ, ପୁଣି ଫୋନ୍ ରେ ବ୍ୟସ୍ତ ରହୁଛେ। ଯାହା ଶୋଇବା ପର୍ଯ୍ୟନ୍ତ ଆମ ସହିତ ରହେ। ସକାଳେ ପୁନର୍ବାର ଫୋନ ସହିତ ଦିନ ଆରମ୍ଭ ହୁଏ। ଏହାର ଅର୍ଥ ହେଉଛି ଯେ, ସକାଳୁ ଉଠିବା ଠାରୁ ରାତିରେ ଶୋଇବା ପର୍ଯ୍ୟନ୍ତ, ଆମେ ଏହି ଜିନିଷଗୁଡ଼ିକରେ ବ୍ୟସ୍ତ ରହୁଛେ। ଆପଣ କେବେ ଚିନ୍ତା କରିଛନ୍ତି କି ଯେଉଁ ଉପକରଣଗୁଡ଼ିକ ଆମେ ଦିନସାରା ଆଖିରେ ରଖିଥାଉ ତାହା ଆମ ପାଇଁ କେତେ ବିପଜ୍ଜନକ?
ଲୋକମାନେ ସେମାନଙ୍କର ମୂଲ୍ୟବାନ ସମୟକୁ ସୋସିଆଲ ମିଡିଆରେ ଘଣ୍ଟା ଘଣ୍ଟା ବିତାନ୍ତି, କାରଣ ଆଜି ଆମେ ଏଥିରେ ଅଭ୍ୟସ୍ତ ହୋଇଗଲେଣି। ବୋଧହୁଏ ସେସବୁଠାରୁ ଦୂରେଇ ରହିବା ଆପଣଙ୍କ ପାଇଁ ଏକ ଦୁଃସ୍ୱପ୍ନ। କିନ୍ତୁ ଏହା ଆପଣଙ୍କ ଆଖି ତଥା ଚର୍ମକୁ କିପରି କ୍ଷତି ପହଞ୍ଚାଉଛି, ତାହା ଜାଣିବା ଆବଶ୍ୟକ। ଏହା ଆପଣଙ୍କ ଦୃଷ୍ଟି ଶକ୍ତିକୁ ଦୁର୍ବଳ କରିବା ସହିତ ଆପଣଙ୍କ ମସ୍ତିଷ୍କର ପ୍ରତିକ୍ରିୟାକୁ ପ୍ରଭାବିତ କରିଥାଏ। ଏହା ସହିତ, ଆପଣ ମାନସିକ ସ୍ତରରେ କ୍ଳାନ୍ତ ଅନୁଭବ କରିପାରନ୍ତି, ଯାହା ଆପଣଙ୍କ ସ୍ୱାସ୍ଥ୍ୟ ପାଇଁ କ୍ଷତିକାରକ।
ଏହିପରି ଯତ୍ନ ନିଅନ୍ତୁ:
ଆଣ୍ଟିଅକ୍ସିଡାଣ୍ଟରେ ଭରପୂର ଖାଦ୍ୟ ଖାଇବା ଆରମ୍ଭ କରନ୍ତୁ। ସେଗୁଡିକ ଚର୍ମରେ ଫ୍ରି ରେଡିକାଲ୍ ଉତ୍ପାଦନକୁ ସମାନ ରଖନ୍ତି। ଏହା ଚର୍ମର ପିଗମେଣ୍ଟେସନ୍ ହ୍ରାସ କରିବା ସହିତ ବାର୍ଦ୍ଧକ୍ୟକୁ ରୋକିବାରେ ସାହାଯ୍ୟ କରିବ।
ସମୟ ସମୟରେ ଚର୍ମକୁ ସଫା ରଖନ୍ତୁ। କ୍ରମାଗତ ଭାବରେ ଇଲେକ୍ଟ୍ରୋନିକ୍ ଉପକରଣଗୁଡିକୁ ଦେଖିବା ଜାରି ରଖନ୍ତୁ ନାହିଁ, ମଝିରେ ମଝିରେ ଛୋଟ ବିରତି ନିଅନ୍ତୁ।
ଇଲେକ୍ଟ୍ରୋନିକ୍ ଉପକରଣଗୁଡ଼ିକରୁ ନୀଳ ଆଲୋକ ଆପଣଙ୍କ ପାଇଁ କ୍ଷତିକାରକ ହୋଇଥାଏ। ତାହା ସୂର୍ଯ୍ୟଙ୍କଠାରୁ ନିର୍ଗତ ୟୁଭି ରଶ୍ମି ପରି ହୋଇଥାଏ। ତେଣୁ ଆପଣ ଯେତେବେଳେ ପରଦା ସାମ୍ନାରେ ଘଣ୍ଟା ଘଣ୍ଟା କାମ କରିବାକୁ ଯାଉଛନ୍ତି ନିଶ୍ଚିତ ପୂର୍ବରୁ ଏସପିଏଫ ଆଧାରିତ ମଶ୍ଚରାଇଜର ବ୍ୟବହାର କରିବାକୁ ଚେଷ୍ଟା କରନ୍ତୁ।
ଉଲ୍ଲେଖ ଯୋଗ୍ୟ ଯେ, ଇଲେକ୍ଟ୍ରୋନିକ୍ ଉପକରଣଗୁଡ଼ିକର ଉତ୍ତାପ ଆପଣଙ୍କ ତ୍ୱଚାକୁ ଡିହାଇଡ୍ରେଟ୍ କରିପାରେ। ତେଣୁ ଯେତେବେଳେ ଆପଣ ସମୟ ପାଇବେ, ମଝିରେ ମଝିରେ ଅଧିକରୁ ଅଧିକ ପାଣି ପିଅନ୍ତୁ। ଆପଣ ପ୍ରତିଦିନ ୨ ରୁ ୩ ଲିଟର ପାଣି ପିଇବା ଜରୁରୀ। ଏହା ସହିତ, ଆପଣ ଏପରି ଫଳ ଖାଇପାରିବେ, ଯାହା ଜଳର ଅଭାବ ପୂରଣ କରେ।
ଆଖିର ସୌନ୍ଦର୍ଯ୍ଯ ବଜାୟ ରଖିବା ଏବଂ ଆଖିରେ କୁଞ୍ଚିକୁ ରୋକିବା ପାଇଁ ଅଣ୍ଡର ଆଇ ଜେଲ ବ୍ୟବହାର କରାଯାଇପାରିବ।