ନୂଆଦିଲ୍ଲୀ: ଲୋକପ୍ରିୟ ସାମ୍ବାଦିକ ସୁଧୀର ଚୌଧୁରୀଙ୍କ ନୂଆ କାର୍ଯ୍ୟକ୍ରମ ଆଜତକ୍ ଚ୍ୟାନେଲରେ ଆରମ୍ଭ ହୋଇଛି। ଏହି କାର୍ଯ୍ୟକ୍ରମର ନାମ ରହିଛି ‘ବ୍ଲାକ ଆଣ୍ଡ ହ୍ବାଇଟ’। ଜୀ ନ୍ୟୁଜରେ ତାଙ୍କର ଲୋକପ୍ରିୟ କାର୍ଯ୍ୟକ୍ରମ ଡିଏନଏ ଠାରୁ ଟିକିଏ ଭିନ୍ନ ଧରଣର କରାଯାଇଛି। ଏହି କାର୍ଯ୍ୟକ୍ରମକୁ ବେଶ୍ ଉତ୍ସାହ ଓ ଉଦ୍ଦିପନାର ସହ ଇଣ୍ଡିଆ ଟୁଡେ ଗ୍ରୁପ ଲଞ୍ଚ କରାଇଛି।
ଏହି କାର୍ଯ୍ୟକ୍ରମ ଗତକାଲି ପରଦାକୁ ଆସିଥିଲା। ପ୍ରଥମେ ଆଜତକର ପ୍ରତିଷ୍ଠିତ ଆଙ୍କର ସ୍ବେତା ସିଂ ଲାଇଭ ଷ୍ଟୁଡିଓରେ ଏହି କାର୍ଯ୍ୟକ୍ରମ ସଂପର୍କରେ ଘୋଷଣା କରିଥିଲେ। ଏହାପରେ ସୁଧୀର ଚାଲିଚାଲି ମୁଖ୍ୟ ଷ୍ଟୁଡିଓରେ ପ୍ରବେଶ କରିବା ପରେ ସେତ୍ବା ସୁଧୀରଙ୍କୁ ଅଲ ଦ ବେଷ୍ଟ କହି ଚାଲିଯାଇଥିଲେ। ଏହି କାର୍ଯ୍ୟକ୍ରମ ଏଣିକି ଆଜତକ ରେ ପ୍ରତିଦିନ ରାତି ନଅଟାରେ ପ୍ରସାରଣ ହେବ। ଏହାର ସଫଳତା ନେଇ ଇଣ୍ଡିଆ ଟୁଡେ ଗ୍ରୁପ ବେଶ ଆଶାବାଦୀ ଅଛି।
