ଭୁବନେଶ୍ବର: ଆଜି ପ୍ରଖ୍ୟାତ ଅଭିନେତ୍ରୀ ଝରଣା ଦାସଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୮୨ବର୍ଷ ବୟସ ହୋଇଥିଲା। ସେ କଟକ ଚଣ୍ଡିରୋଡ ସ୍ଥିତ ତାଙ୍କ ବାସଭବନରେ ଗତକାଲି ରାତି ପ୍ରାୟ ଦୁଇଟା ବେଳେ ମୃତ୍ୟୁବରଣ କରିଥିବାର ଜଣାପଡିଛି। ଏହି ଖବର ପ୍ରଚାରିତ ହେବାପରେ ତାଙ୍କୁ ଶେଷ ଦର୍ଶନ କରିବା ପାଇଁ ବହୁ ଲୋକଙ୍କର ଭିଡ ପରିଲକ୍ଷିତ ହୋଇଛି।
ଅଶି ଦଶରକରେ ଓଡିଆ ଚଳଚିତ୍ରରେ ଜଣେ ପରିଚିତ ଅଭିନେତ୍ରୀ ହେଉଛନ୍ତି ଝରଣା ଦାସ। ତାଙ୍କର ଚଳଚିତ୍ର ମଧ୍ୟରେ ରହିଛି ମଲାଜହ୍ନ, ଅମଡାବାଟ, ନବଜନ୍ମ, ଅଭିନେତ୍ରୀ, ଅଦିନମେଘ, ଶ୍ରୀଜଗନ୍ନାଥ, ପୂଜା ଫୁଲ, ହିସାବ ନିକାଶ, ଟିକେ ହସ ଟିକେ ଲୁହ ପ୍ରଭୃତି। ତେବେ ସେ ରେଡିଓ ଗୀତିନାଟ୍ୟ ତଅପୋଇ ରେ ତଅପୋଇ ଭାବେ ଯେଉଁ ଅଭିନୟ କରିଥିଲେ ତାହା ତାଙ୍କୁ ଓଡିଶାର ଘରେ ଘରେ ପରିଚିତ କରାଇପାରିଥିଲା।
