ମୁମ୍ବାଇ : ପୂର୍ବତନ ଭାରତୀୟ ମହିଳା କ୍ରିକେଟ୍ ଦଳର ଅଧିନାୟିକା ମିଥାଲି ରାଜ୍ଙ୍କ ବାୟୋପିକ୍ ‘ସାବାସ୍ ମିଥୁ’ର ପ୍ରଥମ ପୋଷ୍ଟର ରିଲିଜ୍ ହୋଇଛି । ତାପ୍ସୀ ପାନ୍ନୁ ଏହି ଫିଲ୍ମରେ ମିଥାଲି ରାଜ୍ଙ୍କ ଚରିତ୍ରରେ ନଜର ଆସିବାକୁ ଯାଉଛନ୍ତି । ଏହି ପୋଷ୍ଟର ସହିତ ମିଥାଲିଙ୍କ ଏକ ଉକ୍ତିକୁ ମଧ୍ୟ ସେୟାର କରିଛନ୍ତି ତାପ୍ସୀ । ମିଥାଲିଙ୍କୁ ଜଣେ ସାମ୍ବାଦିକ ତାଙ୍କର ପ୍ରିୟ ପୁରୁଷ କ୍ରିକେଟର କିଏ ବୋଲି ପ୍ରଶ୍ନ କରିବା ଉକ୍ତିକୁ ଟ୍ବିଟ୍ କରିଛନ୍ତି ତାପ୍ସୀ । ଏହା ସହିତ ମିଥାଲିଙ୍କୁ ଗେମ୍ ଚେଞ୍ଜର ବୋଲି ଲେଖିଛନ୍ତି ତାପ୍ସୀ । ଏହି ଫିଲ୍ମରେ ତାପ୍ସୀ ମୁଖ୍ୟ ଭୂମିକାରେ ନଜର ଆସିବାକୁ ଯାଉଥିବା ବେଳେ ରାହୁଲ ଢୋଲାକିଆ ଏହାର ନିର୍ଦ୍ଦେଶନା ଦେଉଛନ୍ତି ।
